Arthashastra · Chapter 01.3

sāma.ṛg.yajur.vedās trayas trayī //

atharva.veda.itihāsa.vedau ca vedāḥ //

śikṣā kalpo vyākaraṇaṃ niruktaṃ chando.vicitir jyotiṣam iti ca^aṅgāni //

eṣa trayī.dharmaś caturṇāṃ varṇānām āśramāṇāṃ ca sva.dharma.sthāpanād aupakārikaḥ //

svadharmo brāhmaṇasya adhyayanam adhyāpanaṃ yajanaṃ yājanaṃ dānaṃ pratigrahaś ca //

kṣatriyasya^adhyayanaṃ yajanaṃ dānaṃ śastra.ājīvo bhūta.rakṣaṇaṃ ca //

vaiśyasya^adhyayanaṃ yajanaṃ dānaṃ kṛṣi.pāśupālye vaṇijyā ca //

śūdrasya dvijāti.śuśrūṣā vārttā kāru.kuśīlava.karma ca //

gṛhasthasya svadharma.ājīvas tulyair asamāna.ṛṣibhir vaivāhyam ṛtu.gāmitvaṃ deva.pitr.atithi.pūjā bhṛtyeṣu tyāgaḥ śeṣa.bhojanaṃ ca //

brahma.cāriṇaḥ svādhyāyo agni.kārya.abhiṣekau bhaikṣa.vratitvam ācārye prāṇa.antikī vṛttis tad.abhāve guru.putre sa-brahma.cāriṇi vā //

vānaprasthasya brahmacaryaṃ bhūmau śayyā jaṭā.ajina.dhāraṇam agni.hotra.abhiṣekau devatā.pitr.atithi.pūjā vanyaś ca^āhāraḥ //

parivrājakasya jita.indriyatvam anārambho niṣkiṃcanatvaṃ saṅga.tyāgo bhaikṣavratam anekatra^araṇye ca vāso bāhya.ābhyantaraṃ ca śaucam //

sarveṣām ahiṃsā satyaṃ śaucam anasūya ānṛśaṃsyaṃ kṣamā ca //

svadharmaḥ svargāya^ānantyāya ca //

tasya^atikrame lokaḥ saṃkarād ucchidyeta //
KAZ01.3.16ab/ tasmāt svadharmaṃ bhūtānāṃ rājā na vyabhicārayet /
KAZ01.3.16cd/ svadharmaṃ saṃdadhāno hi pretya ca^iha ca nandati //
KAZ01.3.17ab/ vyavasthita.ārya.maryādaḥ kṛta.varṇa.āśrama.sthitiḥ /
KAZ01.3.17cd/ trayyā^abhirakṣito lokaḥ prasīdati na sīdati //E
((īi) Establishing (the necessity of) Economics, and (iv) the ṣcience of Politics)