Ahoratravratakathā · Verses 61-80

tāmbūlapūgasaṃyuktaṃ karpūranirmalāni ca /
divyauṣadhigaṇādīni gṛhyatāṃ hitakāṅkṣayā

lājākṣataphalārcaiva dūrvākundāni bhaktitaḥ /
prakṣiptāni mayā tubhyaṃ gṛhāṇa hitamānasaḥ

sauvarṇādikṛtaṃ chattraṃ dhvajāni vividhāni ca /
patākādīni sarvāṇi pragṛhya jina modatām

dhīmān pujāṃ tathā kṛtva stotram evaṃ ca kārayet /
jinendratoṣaṇārthāya kārayec ca pradakṣiṇām

dharmadhātumayaṃ caityaṃ sarvalokasvarūpiṇam /
ālayaṃ sarvabuddhānāṃ jinadhātuṃ namāmy aham

namas te jinadhātūnāṃ pratyakṣaṃ samalīlayā /
triyānasamayānandaṃ satataṃ tvāṃ samāśraye

jinajaṃ sakalasthaṃ ca puṇyakṣetraṃ namāmy aham /
pavitrajanasukhārthaṃ sevitārthapradāyakam

praṇamāmi muniśreṣṭhaṃ maṅgalārthapradāyakam /
janānāṃ bhayahantāraṃ lokanāthaṃ maheśvaram

devatāḥ sarvalokasthāḥ saṃbhūtā jinamaṇḍale /
dadyāt tebhyo baliṃ tuṣṭyā pūjābhaktyarcanair ataḥ

{CD add the following after vs. 69
śaucasobhanādikaṃ kṛtvā vratinaḥ
maurikuṇḍalasarvābharaṇagāṃgopayādivastra śobhayen mālāpuṣpa
lohayen maṇḍalī prajvālayen vistareṇopaḍoṣita
gandhāya te 'grata dhūpayet sarvapāpaprasamanaṃ bhavati}
bahumaṅgalavādyais ca chattrasindūrapātrayā /
ācāryaḥ svastivākyaiś ca kārayec ca mahotsavam

aśvinīpūrṇamāsyāṃ tu (...) ravivāsare /
āyuṣmatīyute yoge praśastaś ca viśeṣataḥ

yaḥ prakuryād vrataṃ tasmin vipulaṃ bhogam āpnuyāt /
paratra sukhasaṃprāpto jinaloke mahīpate

śṛṇu rājan mahābhāga vakṣye pūjāphalaṃ punaḥ /
yena saṃsthāpitaṃ caityaṃ vītaśoko bhaved asau /
māyāmohavinirmuktas trimalenāviliptitaḥ

pañcāmṛtaiś candanagandhagarbhair ye snāpayantī jinacaityabimbam /
mandākinītoyasugandhagandhais te cāpsarobhī ratim āvahanti

ye dhūpayanti kṣaṇam atra lokāḥ śokā na teṣāṃ prabhavanti jātu /
surāsuraiḥ pūjitapādapadmāḥ sugandhamālyāmbarabhūṣitāṅgāḥ

sugandham asmā upaḍhaukayanti prasannacittā manujā ajasram /
sugandhidehā ravibhānudīptā bhavanti lokāḥ paramārthalokāḥ

ye kuṅkumādyai racitaṃ suvastraṃ dadanti ye caityatathāgatebhyaḥ /
śītārtiduḥkhaṃ na hi jātu teṣāṃ taddhetutaḥ koṣaviśālasāram

aśeṣapuṣpaṃ jalajaṃ bhavantaṃ śvetāruṇaśyāmasupītakṛṣṇam /
samantabhadrāya viśālavaṃśam ārogyasaukhyaṃ prabhavanti dānāt

śraddhāratā ye manujā udārair mālāsugandhair bahupuṣpayuktaiḥ /
caranti pūjāṃ bahubhaktitas te samastasaukhyāni labhanti loke

netrābhirāmā bahuratnakoṣā narādhipair arcitapādapadmāḥ /
jñānapradīpāhatamohajālā ye dīpamālā racayanti buddhe