અહોરત્રવ્રતકથા · શ્લોક 61-80

તામ્બૂલપૂગસંયુક્તં કર્પૂરનિર્મલાનિ ચ ।
દિવ્યૌષધિગણાદીનિ ગૃહ્યતાં હિતકાઙ્ક્ષયા

લાજાક્ષતફલાર્ચૈવ દૂર્વાકુન્દાનિ ભક્તિતઃ ।
પ્રક્ષિપ્તાનિ મયા તુભ્યં ગૃહાણ હિતમાનસઃ

સૌવર્ણાદિકૃતં છત્ત્રં ધ્વજાનિ વિવિધાનિ ચ ।
પતાકાદીનિ સર્વાણિ પ્રગૃહ્ય જિન મોદતામ્

ધીમાન્ પુજાં તથા કૃત્વ સ્તોત્રમ્ એવં ચ કારયેત્ ।
જિનેન્દ્રતોષણાર્થાય કારયેચ્ ચ પ્રદક્ષિણામ્

ધર્મધાતુમયં ચૈત્યં સર્વલોકસ્વરૂપિણમ્ ।
આલયં સર્વબુદ્ધાનાં જિનધાતું નમામ્ય્ અહમ્

નમસ્ તે જિનધાતૂનાં પ્રત્યક્ષં સમલીલયા ।
ત્રિયાનસમયાનન્દં સતતં ત્વાં સમાશ્રયે

જિનજં સકલસ્થં ચ પુણ્યક્ષેત્રં નમામ્ય્ અહમ્ ।
પવિત્રજનસુખાર્થં સેવિતાર્થપ્રદાયકમ્

પ્રણમામિ મુનિશ્રેષ્ઠં મઙ્ગલાર્થપ્રદાયકમ્ ।
જનાનાં ભયહન્તારં લોકનાથં મહેશ્વરમ્

દેવતાઃ સર્વલોકસ્થાઃ સંભૂતા જિનમણ્ડલે ।
દદ્યાત્ તેભ્યો બલિં તુષ્ટ્યા પૂજાભક્ત્યર્ચનૈર્ અતઃ

{ચ્દ્ અદ્દ્ થે fઓલ્લોwઇન્ગ્ અfતેર્ વ્સ્. 69
શૌચસોભનાદિકં કૃત્વા વ્રતિનઃ
મૌરિકુણ્ડલસર્વાભરણગાંગોપયાદિવસ્ત્ર શોભયેન્ માલાપુષ્પ
લોહયેન્ મણ્ડલી પ્રજ્વાલયેન્ વિસ્તરેણોપડોષિત
ગન્ધાય તે ઽગ્રત ધૂપયેત્ સર્વપાપપ્રસમનં ભવતિ}
બહુમઙ્ગલવાદ્યૈસ્ ચ છત્ત્રસિન્દૂરપાત્રયા ।
આચાર્યઃ સ્વસ્તિવાક્યૈશ્ ચ કારયેચ્ ચ મહોત્સવમ્

અશ્વિનીપૂર્ણમાસ્યાં તુ (...) રવિવાસરે ।
આયુષ્મતીયુતે યોગે પ્રશસ્તશ્ ચ વિશેષતઃ

યઃ પ્રકુર્યાદ્ વ્રતં તસ્મિન્ વિપુલં ભોગમ્ આપ્નુયાત્ ।
પરત્ર સુખસંપ્રાપ્તો જિનલોકે મહીપતે

શૃણુ રાજન્ મહાભાગ વક્ષ્યે પૂજાફલં પુનઃ ।
યેન સંસ્થાપિતં ચૈત્યં વીતશોકો ભવેદ્ અસૌ ।
માયામોહવિનિર્મુક્તસ્ ત્રિમલેનાવિલિપ્તિતઃ

પઞ્ચામૃતૈશ્ ચન્દનગન્ધગર્ભૈર્ યે સ્નાપયન્તી જિનચૈત્યબિમ્બમ્ ।
મન્દાકિનીતોયસુગન્ધગન્ધૈસ્ તે ચાપ્સરોભી રતિમ્ આવહન્તિ

યે ધૂપયન્તિ ક્ષણમ્ અત્ર લોકાઃ શોકા ન તેષાં પ્રભવન્તિ જાતુ ।
સુરાસુરૈઃ પૂજિતપાદપદ્માઃ સુગન્ધમાલ્યામ્બરભૂષિતાઙ્ગાઃ

સુગન્ધમ્ અસ્મા ઉપઢૌકયન્તિ પ્રસન્નચિત્તા મનુજા અજસ્રમ્ ।
સુગન્ધિદેહા રવિભાનુદીપ્તા ભવન્તિ લોકાઃ પરમાર્થલોકાઃ

યે કુઙ્કુમાદ્યૈ રચિતં સુવસ્ત્રં દદન્તિ યે ચૈત્યતથાગતેભ્યઃ ।
શીતાર્તિદુઃખં ન હિ જાતુ તેષાં તદ્ધેતુતઃ કોષવિશાલસારમ્

અશેષપુષ્પં જલજં ભવન્તં શ્વેતારુણશ્યામસુપીતકૃષ્ણમ્ ।
સમન્તભદ્રાય વિશાલવંશમ્ આરોગ્યસૌખ્યં પ્રભવન્તિ દાનાત્

શ્રદ્ધારતા યે મનુજા ઉદારૈર્ માલાસુગન્ધૈર્ બહુપુષ્પયુક્તૈઃ ।
ચરન્તિ પૂજાં બહુભક્તિતસ્ તે સમસ્તસૌખ્યાનિ લભન્તિ લોકે

નેત્રાભિરામા બહુરત્નકોષા નરાધિપૈર્ અર્ચિતપાદપદ્માઃ ।
જ્ઞાનપ્રદીપાહતમોહજાલા યે દીપમાલા રચયન્તિ બુદ્ધે