Agni Purana · Chapter 87

:e ity ādimahāpurāṇe āgneye nirvāṇadīkṣāyāṃ
vidyāviśodhanaṃ nāma ṣaḍaśītitamo 'dhyāyaḥ ||
% Chapter {87}
:ś atha saptāśītitamo 'dhyāyaḥ
śāntiśodhanakathanaṃ
īśvara uvāca
sandadhyādadhunā vidyāṃ śāntyā sārdhaṃ yathāvidhi /AP_87.001ab/
śāntau tattvadvayaṃ līnaṃ bhāveśvarasadāśivau

:n
1 chedanaṃ bhedanaṃ teṣāṃ bahulīkaraṇantathā iti ga,
cihnitapustakapāṭhaḥ
:p 275
hakāraś ca kṣakāraś ca dvau varṇau parikīrtitau /AP_87.002ab/
rudrāḥ samānanāmāno bhuvanaiḥ saha tadyathā

prabhavaḥ samayaḥ kṣudro vimalaḥ śiva ity api /AP_87.003ab/
ghanau nirañjanākārau svaśivau dīptikāraṇau

tridaśeśvaranāmā ca tridaśaḥ kālasajjñakaḥ /AP_87.004ab/
sūkṣmāmbujeśvaraśceti(1) rudrāḥ śāntau pratiṣṭhitāḥ

vyomavyāpine vyomavyāpyarūpāya(2) sarvavyāpine śivāya anantāya
anāthāya anāśritāya dhruvāya śāśvatāya yogapīṭhasaṃsthitāya
nityayogine dhyānāhārāyeti(3) dvādaśapādāni
puruṣaḥ kavacau mantrau vīje vindūpakārakau /AP_87.005ab/
alambuṣāyasānāḍyau vāyū kṛkarakarmakau

indriye tvakkarāvasyā sparśastu viṣayo mataḥ /AP_87.006ab/
guṇau sparśaninādau dvāvekaḥ kāraṇamīśvaraḥ

turmyāvastheti śāntisthaṃ sambhāvya bhuvanādikaṃ /AP_87.007ab/
vidadhyāttāḍanaṃ bhedaṃ praveśañca viyojanaṃ

ākṛṣya grahaṇaṃ kuryācchāntervadanasūtrataḥ /AP_87.008ab/
ātmanyāropya saṅgṛhya kalāṃ kuṇḍe niveśayet

īśaṃ tavādhikāre 'smin mumukṣuṃ dīkṣayāmyahaṃ /AP_87.009ab/
bhavyaṃ tvayānukūlena(4) kuryāt vijñāpanāmiti

āvāhanādikaṃ pitroḥ śiṣyasya tāḍanādikaṃ /AP_87.010ab/
:n
1 sūkṣmāsūkṣmeśvaraś caiva iti ga, cihnitapustakapāṭhaḥ
2 vyomavyāpakarūpāya iti kha, cihnitapustakapāṭhaḥ / vyomarūpāyeti
ga, cihnitapustakapāṭhaḥ
3 dhyāyaparāyeti kha, cihnitapustakapāṭhaḥ / vyānāhārāyeti ga,
cihnitapustakapāṭhaḥ
4 bhāvyaṃ tvayā ca śuddhena iti ga, ṅa, cihnitapustakapāṭhaḥ
:p 276
vidhāyādāya caitanyaṃ vidhinā.atmani yojayet

pūrvavat pitṛsaṃyogaṃ bhāvayitvodbhavākhyayā /AP_87.011ab/
hṛtsampuṭātmavījena devīgarbhe niyojayet

dehotpattau hṛdā pañca śirasā janmahetave /AP_87.012ab/
śikhayā vādhikārāya bhogāya kavacāṇunā

layāya śastramantreṇa śrotaḥśuddhau śivena ca /AP_87.013ab/
tattvaśuddhau hṛdā hy evaṃ garbhādhānādi pūrvavat

varmaṇā pāśaśaithilyaṃ niṣkṛtyaivaṃ śataṃ japet /AP_87.014ab/
malaśaktitirodhane śastreṇāhutipañcakaṃ

evaṃ pāśaviyoge 'pi(1) tataḥ saptāstrajaptayā /AP_87.015ab/
chindyādastreṇa kartaryā pāśānvījavatā yathā

oṃ hauṃ(2) śāntikalāpāśāya haḥ hūṃ phaṭ
visṛjya vartulīkṛtya pāśamantreṇa pūrvavat /AP_87.016ab/
ghṛtapūrṇe śruve datvā kalāstreṇaiva homayet

astreṇa juhuyāt pañca pāśāṅkuśanivṛttaye /AP_87.017ab/
prāyaścittaniṣedhāya dadyādaṣṭāhutīratha

oṃ haḥ astrāya hūṃ phaṭ
hṛdeśvaraṃ samāvāhya kṛtvā pūjanatarpaṇe /AP_87.018ab/
vidadhīta vidhānena tasmai śulkasamarpaṇaṃ

oṃ hāṃ īśvara buddhyahaṅkārau śulkaṃ gṛhāṇa
svāhā
niḥśeṣadagdhapāśasya paśorasyeśvara tvayā /AP_87.019ab/
na stheyaṃ bandhakatvena śivājñāṃ śrāvayediti

:n
1 ekaṃ pāśaviyogārthamiti ga, gha, cihnitapustakapāṭhaḥ
2 oṃ hy aimiti ka, ṅa, cihnitapustakapāṭhaḥ / oṃ omiti ga,
cihnitapustakapāṭhaḥ / oṃ yaimiti gha, cihnitapustakapāṭhaḥ
:p 277
visṛjedīśvarandevaṃ raudrātmānaṃ niyojayet /AP_87.020ab/
īṣaccandramivātmānaṃ vidhinā.atmani yojayet

sūtre saṃyojayedenaṃ śuddhayodbhavamudrayā /AP_87.021ab/
dadyāt mūlena śiṣyasya śirasyamṛtavindukaṃ

visṛjya pitarau vahneḥ pūjitau kusumādibhiḥ /AP_87.022ab/
dadyāt pūrṇāṃ vidhānajño niḥśeṣavidhipūraṇīṃ

asyāmapi vidhātavyaṃ pūrvavattāḍanādiakaṃ /AP_87.023ab/
svavījantu viśeṣaḥ syācchuddhiḥ śānterapīḍitā