Agni Purana · Chapter 86

:e ity ādimahāpurāṇe āgneye nirvāṇadīkṣāyāṃ
pratiṣṭhākalāśodhanaṃ nāma pañcāśītitamo 'dhyāyaḥ ||
% Chapter {86}
:ś atha ṣaḍaśītitamo 'dhyāyaḥ
vidyāviśodhanavidhānaṃ
īśvara uvāca
sandhānamatha vidyāyāḥ prācīnakalayā saha /AP_86.001ab/
kurvīta pūrvavat kṛtvā(1) tattvaṃ varṇaya tadyathā

oṃ hoṃ kṣīmiti sandhānaṃ
rāgś ca śuddhavidyā ca niyatiḥ kalayā saha /AP_86.002ab/
kālo mayā tathāvidyā tattvānāmiti saptakaṃ

ralavāḥ śaṣasāḥ varṇāḥ ṣaḍ vidyāyāṃ prakīrtitāḥ /AP_86.003ab/
padāni praṇavādīni ekaviṃśatisaṅkhyayā

oṃ namaḥ śivāya sarvaprabhave haṃ śivāya(2) īśānamūrdhāya
tatpuruṣavaktrāya aghorahṛdayāya vāmadevaguhyāya(3)
sadyojātamūrtaye(4) oṃ namo namo guhyātiguhyāya goptre anidhāya
sarvādhipāya(5) jyotirūpāya prameśvārāya bhavena oṃ vyoma
:n
1 pūrvavat dhṛtveti kha, cihnitapustakapāṭhaḥ
2 iṃ śivāya iti kha, cihnitapustakapāṭhaḥ
3 vacoguhyāya iti kha, cihnitapustakapāṭhaḥ
4 sadyojātāya mūrtaye iti kha, cihnitapustakapāṭhaḥ
5 atha nidhāya sarvādhipataya iti kha, cihnitapustakapāṭhaḥ
:p 273
oṃ rudrāṇāṃ bhuvanānāñca svarūpamatha kaśyape /AP_86.004ab/
prathamo vāmadevaḥ syāttataḥ sarvabhavodbhavaḥ

vajradehaḥ prabhurdhātā kravikramasuprabhāḥ /AP_86.005ab/
vaṭuḥ(1) praśāntanāmā ca paramākṣarasañjñakaḥ

śivaś ca saśivo babhrurakṣayaḥ śambhureva ca /AP_86.006ab/
adṛṣṭarūpanāmānau tathānyo rūpavardhanaḥ

manonmano mahāvīryaścitrāṅgastadanantaraṃ /AP_86.007ab/
kalyāṇa iti vijñeyāḥ pañcaviṃśatisaṅkhyayā

mantro ghorāmarau vīje nāḍyau dve tatra te yathā /AP_86.008ab/
pūṣā ca hastijihvā ca vyānanāgau prabhañjanau

viṣayo rūpamevaikamindriye pādacakṣuṣī /AP_86.009ab/
śabdaḥ sparśaś ca rūpañca traya ete guṇāḥ smṛtāḥ

avasthātra ṣuptiś ca rudro devastu kāraṇaṃ /AP_86.010ab/
vidyāmadhyagataṃ sarvaṃ bhāvayedbhavanādikaṃ

tāḍanaṃ chedanaṃ tatra praveśañcāpi yojanaṃ /AP_86.011ab/
ākṛṣya grahaṇaṃ kuryādvidyayā hṛtpradeśataḥ

ātmanyāropya saṅgṛhya kalāṃ kuṇḍe niveśayet /AP_86.012ab/
rudraṃ kāraṇamāvāhya vijñāpya ca śiśuṃ prati

pitrorāvahanaṃ kṛtvā(2) hṛdaye tāḍayecchiśuṃ /AP_86.013ab/
praviśya pūrvamantreṇa tadātmani niyojayet

ākṛṣyādāya pūrvoktavidhinā.atmani yojayet /AP_86.014ab/
vāmayā yojayet yonau gṛhītvā dvādaśāntataḥ

:n
1 buddha iti gha, ṅa, cihnitapustakapāṭhaḥ
2 āvāhanaṃ kuryāditi ga, gha, cihnitapustakapāṭhaḥ
:p 274
kurvīta dehasampattiṃ janmādhikārameva ca /AP_86.015ab/
bhogaṃ layantathā śrotaḥśuddhitattvaviśodhanaṃ

niḥśeṣamalakarmādipāśabandhanivṛttaye /AP_86.016ab/
niṣkṛtyaiva vidhānena yajeta śatamāhutīḥ

astreṇa pāśaśaithilyaṃ malaśaktiṃ tirohitāṃ /AP_86.017ab/
chedanaṃ mardanaṃ teṣāṃ vartulīkaraṇaṃ tathā(1)

dāhaṃ tadakṣarābhāvaṃ prāyaścittamathoditaṃ /AP_86.018ab/
rudrāṇyāvāhanaṃ pūjā rūpagandhasamarpaṇaṃ

oṃ hrīṃ rūpagandhau śulkaṃ rudra gṛhāṇa svāhā
saṃśrāvya śāmbhavīmājñāṃ rudraṃ visṛjya kāraṇaṃ /AP_86.019ab/
vidhāyātmani caitanyaṃ pāśasūtre niveśayet

vinduṃ śirasi vinyasya visṛjet pitarau tataḥ /AP_86.020ab/
dadyāt pūrṇāṃ vidhānena samastavidhipūraṇīṃ

pūrvoktavidhinā kāryaṃ vidyāyāṃ tāḍanādikaṃ /AP_86.021ab/
svavījantu viśeṣaḥ syāditi vidyā viśodhitā