Agni Purana · Chapter 82

:e ity ādimahāpurāṇe āgneye samayadīkṣākathanaṃ nāma
ekāśītitamo 'dhyāyaḥ ||
% Chapter {82}
:ś atha dvyaśītitamo 'dhyāyaḥ
saṃskāradīkṣākathanaṃ
īśvara uvāca
vakṣye saṃskāradīkṣāyāṃ vidhānaṃ śṛṇu ṣaṇmukha /AP_82.001ab/
āvāhayenmaheśasya vahnisthasya śiro hṛdi

saṃśliṣṭau tau samabhyarcya santarpya hṛdayātmanā /AP_82.002ab/
tayoḥ sannidhaye dadyāttenaivāhutipañcakaṃ

kusumenāstraliptena(3) tāḍayettaṃ hṛdā śiśuṃ /AP_82.003ab/
prasphurattārakākāraṃ caitanyaṃ tatra bhāvayet

:n
1 śivātmaneti kha, ga, cihnitapustakadvayapāṭhaḥ
2 śivahaste ca sthityarthamiti ga, cihnitapustakapāṭhaḥ
3 kusumenāṣṭajapteneti ṅa, cihnitapustakapāṭhaḥ
:p 253
praviśya tatra huṅkāramuktaṃ recakayogataḥ /AP_82.004ab/
saṃhāriṇyā tadākṛṣya pūrakeṇa hṛdi nyaset

tato vāgīśvarīyaunau mudrayodbhavasañjñayā /AP_82.005ab/
hṛtsampuṭitamantreṇa(1) recakena vinikṣipet

oṃ hāṃ hāṃ hāṃ ātmane namaḥ(2)
jājvalyamāne nirdhūme juhuyādiṣṭasiddhaye /AP_82.006ab/
apravṛddhe sadhūme tu homo vahnau na siddhyati

snigdhaḥ pradakṣiṇāvartaḥ sugandhiḥ śasyate 'nalaḥ /AP_82.007ab/
viparītasphuliṅgī ca bhūmisparśaḥ praśasyate

ityevamādibhiścihnair hutvā śiṣyasya kalmaṣaṃ /AP_82.008ab/
pāpabhakṣaṇahomena(3) dahedvā taṃ bhavātmanā

dvijatvāpādanārthāya tathā rudrāṃśabhāvane /AP_82.009ab/
āhāravījasaṃśuddhau(4) garbhādhānāya saṃsthitau

sīmante janmato nāmakaraṇāya ca homayet /AP_82.010ab/
śatāni pañca mūlena vauṣaḍādidaśāṃśataḥ

śithilībhūtabandhasya śaktāvutkarṣaṇaṃ ca yat /AP_82.011ab/
ātmano rudraputtratve garbhādhānaṃ taducyate

svāntatryātmaguṇavyaktiriha puṃsavanaṃ mataṃ /AP_82.012ab/
māyātmanorvivekena jñānaṃ sīmantavardhanaṃ

śivāditattvaśuddhestu svīkāro jananaṃ mataṃ /AP_82.013ab/
:n
1 hṛtsampuṭātmamantreṇeti ṅa, cihnitapustakapāṭhaḥ
2 oṃ hāṃ hāṃ ātmane nama iti ga, gha, cihnitapustakapāṭhaḥ / oṃ
hāṃ ātmane nama iti ṅa, cihnitapustakapāṭhaḥ
3 pāpakṣayeṇa homaneti ṅa, cihnitapustakapāṭhaḥ
4 vījasaṃsiddhau iti ṅa, cihnitapustakapāṭhaḥ
:p 254
bodhanaṃ yacchivatvena śivatvārhasya no mataṃ(1)

saṃhāramudrayātmānaṃ sphuradvahnikaṇopamaṃ /AP_82.014ab/
vidadhīta samādāya nije hṛdayapaṅkaje

tataḥ kumbhayogena mūlamantramudīrayet /AP_82.015ab/
kuryāt samavaśībhāvaṃ tadā ca śivayorhṛdi

brahmādikāraṇātyāgakramādrecakayogataḥ /AP_82.016ab/
nītvā śivāntamātmānamādāyodbhavamudrayā

hṛtsampuṭitamantreṇa recakena vidhānavit /AP_82.017ab/
śiṣyasya hṛdayāmbhojakarṇikāyāṃ vinikṣipet

pūjāṃ śivasya vahneś ca guruḥ kuryāttadocitāṃ /AP_82.018ab/
praṇatiñcātmane śiṣyaṃ samayān śrāvayettathā

devaṃ na nindecchāstrāṇi nirmālyādi na laṅghayet /AP_82.019ab/
śivāgnigurupūjā ca kartavyā jīvitāvadhi

bālabāliśavṛddhastrībhogabhugvyādhitātmanāṃ /AP_82.020ab/
yathāśakti dadītārthaṃ(2) samarthasya samagrakān

bhūtāṅgāni jaṭābhasmadaṇḍakaupīnasaṃyamān /AP_82.021ab/
īśānādyair hṛdādyair vā parijapya yathākramāt

svāhāntasaṃhitamantraiḥ pātreṣvāropya pūrvavat /AP_82.022ab/
sampāditadrutaṃ hutvā sthaṇḍileśāya darśayet

rakṣaṇāya ghaṭādhastādāropya kṣaṇamātrakaṃ /AP_82.023ab/
śivādājñāṃ samādāya dadīta yatine guruḥ

evaṃ samayadīkṣāyāṃ viśiṣṭāyāṃ viśeṣataḥ /AP_82.024ab/
:n
1 vardhanamiti gha, cihnitapustakapāṭhaḥ
2 dadītānnamiti gha, cihnitapustakapāṭhaḥ
:p 255
vahnihomāgamajñānayogyaḥ sañjāyate śiśruḥ