Agni Purana · Chapter 81

:e ity ādimahāpurāṇe āgneye damanakārohaṇavidhirnāma aśītitamo
'dhyāyaḥ ||
% Chapter {81}
:ś athaikāśītitamo 'dhyāyaḥ
samayadīkṣāvidhānaṃ
īśvara uvāca
vākṣyāmi bhogamokṣārthaṃ dīkṣāṃ pāpakṣayaṅkarīṃ /AP_81.001ab/
malamāyādipāśānāṃ viśleṣaḥ kriyate yayā

jñānañca janyate śiṣye sā dīkṣā bhuktimuktidā /AP_81.002ab/
vijñātakalanāmaiko dvitīyaḥ pralayākalaḥ(1)

tṛtīyaḥ sakalaḥ śāstre 'nugrāhyastrividho mataḥ /AP_81.003ab/
tatrādyo malamātreṇa mukto 'nyo malakarmabhiḥ

kalādibhūmiparyantaṃ stavaistu sakalo yataḥ /AP_81.004ab/
nirādhārātha sādhārā dīkṣāpi dvividhā matā

nirādhārā dvayosteṣāṃ sādhārā sakalasya tu /AP_81.005ab/
ādhāranirapekṣeṇa kriyate śambhucaryayā

tīvraśaktinipātena nirādhāreti sā smṛtā /AP_81.006ab/
ācāryamūrtimāsthāya māyātīvrādibhedayā

śaktyā yāṃ kurute śambhuḥ sā sādhikaraṇocyate /AP_81.007ab/
:n
1 pralayānala iti kha, cihnitapustakapāṭhaḥ / pralayātmaka iti ṅa,
cihnitapustakapāṭhaḥ
:p 244
iyaṃ caturvidhā proktā savījā vījavarjitā

sādhikārānadhikārā yathā tadabhidhīyate /AP_81.008ab/
samayācārasaṃyuktā savījā jāyate nṛṇāṃ

nirvījā tvasamarthānāṃ samayācāravarjitā /AP_81.009ab/
nitye naimittike kāmye yataḥ syādadhikāritā

sādhikārā bhaveddīkṣā sādhakācāryayorataḥ /AP_81.010ab/
nirvījā dīkṣitānāntu yadāsa mama putrayoḥ

nityamātrādhikāratvaddīkṣā niradhikārikā /AP_81.011ab/
dvividheyaṃ dvirūpā hi pratyekamupajāyate

ekā kriyāvatī tatra kuṇḍamaṇḍalapūrvikā /AP_81.012ab/
manovyāpāramātreṇa yā sā jñānavatī matā

itthaṃ labdhādhikāreṇa dīkṣā.acāryeṇa sādhyate /AP_81.013ab/
skandadīkṣāṃ guruḥ kuryāt kṛtvā nityakriyāṃ tataḥ(1)

praṇavārgyakarāmbhojakṛtadvārādhipārcaṇaḥ /AP_81.014ab/
vighnānutsārya dehalyāṃ nyasyāstraṃ svāsane sthitaḥ

kurvīta bhūtasaṃśuddhiṃ mantrayogaṃ yathoditaṃ /AP_81.015ab/
tilataṇḍulasiddhārthakuśadūrvākṣatodakaṃ

sayavakṣīranīrañca viśeṣārghyamidantataḥ /AP_81.016ab/
tadambunā dravyaśuddhiṃ tilakaṃ svāsanātmanoḥ

pūjanaṃ mantraśiddhiñca pañcagavyañca pūrvavat /AP_81.017ab/
lājacandanasiddhārthabhasmadūrvākṣataṃ(2) kuśān

vikirān śuddhalājāṃstān sadhūpānastramantritān /AP_81.018ab/
:n
1 kṛtanityakriyādvaya iti kha, cihnitapustakapāṭhaḥ
2 bhasmadūrvākṣatāniti ṅa, cihnitapustakapāṭhaḥ
:p 245
śastrāmbu(1)prokṣitānetān kavacenāvaguṇṭhitān

nānāgrahaṇākārān vighnaughavinivārakān /AP_81.019ab/
darbhāṇāntālamānena kṛtvā ṣaṭtriṃśatā dalaiḥ

saptajaptaṃ śivāstreṇa veṇīṃ bodhāsimuttamaṃ /AP_81.020ab/
śivamātmani vinyasya sṛṣṭyādhāramabhīpsitaṃ

niṣkalaṃ ca śivaṃ nyasya śivo 'hamiti bhāvayet /AP_81.021ab/
uṣṇīṣaṃ śirasi nyasya alaṃ kuryātsvadehakaṃ

gandhamaṇḍanakaṃ svīye vidadhyāddakṣiṇe kare /AP_81.022ab/
vidhinātrārcayedīśamitthaṃ syācchivamastakaṃ

vinyasya śivamantreṇa bhāsvaraṃ nijamastake /AP_81.023ab/
śivādabhinnamātmānaṃ kartāraṃ bhāvayedyathā

maṇḍale karmaṇāṃ sākṣī kalaśe yajñarakṣakaḥ /AP_81.024ab/
homādhikaraṇaṃ vahnau śiṣye pāśavimocakaḥ(2)

svātmanyanugṛhīteti ṣaḍādhāro ya īśvaraḥ /AP_81.025ab/
so 'hameveti kurvīta bhāvaṃ sthirataraṃ punaḥ

jñānakhaḍgakaraḥ sthitvā nairṛtyābhimukho naraḥ /AP_81.026ab/
sārghyāmbupañcagavyābhyāṃ prokṣayedyāgamaṇḍapaṃ

catuṣpathāntasaṃskāraiḥ saṃskuryādīkṣaṇādibhiḥ /AP_81.027ab/
vikṣipya vikarāṃstatra kuśakūrcopasaṃharet

tānīśadiśi vardhanyāmāsanāyopakalpayet /AP_81.028ab/
nairṛte vāstugīrvāṇān dvāre lakṣmīṃ prapūjayet

āpye ratnaiḥ pūrayantīṃ hṛdā maṇḍaparūpiṇīṃ /AP_81.029ab/
:n
1 astrāmbu iti ṅa, cihnitapustakapāṭhaḥ
2 śiṣye pāpavimocaka iti ṅa, cihnitapustakapāṭhaḥ
:p 246
sāmbuvastre saratne ca dhānyasthe paścimānane

aiśe kumbhe yajecchambhuṃ śaktiṃ kumbhasya dakṣiṇe /AP_81.030ab/
paścimasyāntu siṃhasthāṃ vardhanīṃ khaḍgarūpiṇīṃ

dikṣu śakrādidikpālānviṣṇvantān praṇavāsanān /AP_81.031ab/
vāhanāyudhasaṃyuktān hṛdābhyarcya svanāmabhiḥ

prathamantāṃ samādāya kumbhasyāgrābhigāminīṃ /AP_81.032ab/
avicchinnapayodharāṃ bhrāmayitvā pradakṣiṇaṃ

śivājñāṃ lokapālānāṃ śrāvayenmūlamuccaran /AP_81.033ab/
saṃrakṣata yathāyogaṃ kumbhaṃ dhṛtvātha tāṃ dhāret

tataḥ sthirāsane kumbhe sāṅgaṃ sampūjya śaṅkaraṃ /AP_81.034ab/
vinyasya śodhyamadhvānaṃ vardhanyāmastramarcayet

oṃ haḥ astrāsanāya hūṃ phaṭ / oṃ oṃ astramūrtaye namaḥ /
oṃ hūṃ phaṭ pāśupatāstrāya namaḥ / oṃ oṃ hṛdayāya
hūṃ phaṭ namaḥ / oṃ śrīṃ śirase hūṃ phaṭ namaḥ / oṃ
yaṃ śikhāyai hūṃ phaṭ namaḥ / oṃ gūṃ kavacāya hūṃ
phaṭ namaḥ / oṃ phaṭ astrāya hūṃ phaṭ namaḥ(1)
caturvaktraṃ sadaṃṣṭrañca smaredastraṃ saśaktikaṃ /AP_81.035ab/
samudgaratriśūlāsiṃ sūryakoṭisamaprabhaṃ

bhagaliṅgasamāyogaṃ vidadhyālliṅgamudrayā /AP_81.036ab/
:n
1 oṃ aṃ haḥ astrāsanāya hraṃ phaṭ / oṃ aṃ astramūrtaye
namaḥ / oṃ paśūṃ huṃ phaṭ pāśupatāstrāya namaḥ / oṃ
hṛdayāya hraṃ phaṭ namaḥ / oṃ śrīṃ śirase hrūṃ phaṭ
namaḥ / oṃ maṃ śikhāyai phaṭ namaḥ / oṃ astrāya phaṭ
hūṃ phaṭ namaḥ / iti ga, cihnkitapustakapāṭhaḥ / oṃ haḥ
astrāsanāya krūṃ phaṭ / oṃ oṃ astramūrtaye namaḥ / oṃ svāṃ
svaṃ krūṃ phaṭ pāśupatāstrāya svāhā / oṃ oṃ hṛdayāya
krūṃ phaṭ namaḥ / oṃ paṃ śikhāyai krūṃ phaṭ namaḥ /
oṃ khaṃ kavacāya krūṃ phaṭ namaḥ / oṃ haṃ phaṭ astrāya
phaṭ namaḥ / iti ṅa, cihnitapustakapāṭhaḥ
:p 247
agguṣṭhena spṛśet kumbhaṃ hṛdā muṣṭyāstravardhanīṃ

bhuktaye muktaye tvādau muṣṭinā vardhanīṃ spṛśet /AP_81.037ab/
kumbhasya mukharakṣārthaṃ jñānakhaḍgaṃ samarpayet

śastrañca mūlamantrasya śataṃ kumbhe niveśayet /AP_81.038ab/
taddaśāṃśena vardhanyāṃ rakṣāṃ vijñāpayettataḥ

yathedaṃ kṛtayatnena bhagavanmakhamandiraṃ /AP_81.039ab/
rakṣaṇīyaṃ jagannātha sarvādhvaradhara tvayā

praṇavasthaṃ caturbāhuṃ vāyavye gaṇamarcayet(1) /AP_81.040ab/
sthaṇḍile śivamabhyarcya sārghyakuṇḍaṃ vrajennaraḥ

niviṣṭo mantratṛptyarthamarghyagandhaghṛtādikaṃ /AP_81.041ab/
vāme 'savye tu vinyasya samiddarbhatilādikaṃ

kuṇḍavahnisrugājyādi prāgvat saṃskṛtya bhāvayet /AP_81.042ab/
mukhyatāmūrdhvavaktrasya hṛdi vahnau śivaṃ yajet

svamūrtau śivakumbhe ca sthaṇḍile tvagniśiṣyayoḥ /AP_81.043ab/
sṛṣṭinyāsena vinyasya śodhyādhvānaṃ yathāvidhi

kuṇḍamānaṃ mukhaṃ dhyātvā hṛdāhutibhirīpsitaṃ /AP_81.044ab/
vījāni saptajihvānāmagnerhomāya bhaṇyate

virephāvantimauvarṇau rephaṣaṣṭhasvarānvitau /AP_81.045ab/
induvinduśikhāyuktau jihvāvījānupakramāt

hiraṇyā vanakā raktā kṛṣṇā tadanu suprabhā /AP_81.046ab/
atiriktā bahurūpā rudrendrāgnyāpyadiṅmukhā

kṣīrādimadhurair homaṃ kuryācchāntikapauṣṭike /AP_81.047ab/
abhicāre tu piṇyākasaktukañcukakāñcikaiḥ

lavaṇair ājikātakrakaṭutailaiś ca kaṇṭakaiḥ /AP_81.048ab/
:n
1 vāyavye kālamarcayediti ga, cihnitapustakapāṭhaḥ
:p 248
samidbhirapi vakrābhiḥ kruddho bhāṣyāṇunā yajet

kadambakalikāhomādyakṣiṇī siddhyati dhruvaṃ /AP_81.049ab/
bandhūkakiṃśukādīni vaśyākarṣāya homayet

bilvaṃ rājyāya lakṣmārthaṃ pāṭalāṃś campakānapi /AP_81.050ab/
padmāni cakravartitve bhakṣyabhojyāni sampade

dūrvā vyādhivināśāya sarvasattvavaśīkṛte /AP_81.051ab/
priyaṅgupāṭalīpuṣpaṃ cūtapatraṃ jvarāntakaṃ

mṛtyuñjayo mṛtyujit syād vṛddhiḥ syāttilahomataḥ /AP_81.052ab/
rudraśāntiḥ sarvaśāntyai atha prastutamucyate

āhutyaṣṭaśatair mūlamaṅgāni tu daśāṃśataḥ /AP_81.053ab/
santarpayeta mūlena dadyāt pūrṇāṃ yathā purā

tathā śiṣyapraveśāya pratiśiṣyaṃ śataṃ japet /AP_81.054ab/
dur nimittāpasārāya sunimittakṛte tathā

śatadvayañca hotavyaṃ mūlamantreṇa pūrvavat /AP_81.055ab/
mūlādyaṣṭāstramantrāṇāṃ svāhāntaistarpaṇaṃ sakṛt

śikhāsampuṭitair vījair hrūṃ phaḍantaiś ca(1) dīpanaṃ /AP_81.056ab/
oṃ hauṃ śivāya svāhetyādimantraiś ca tarpaṇaṃ

oṃ hrūṃ hrauṃ hrīṃ śivāya hrūṃ(2) phaḍityādidīpanaṃ /AP_81.057ab/
tataḥ śivāmbhasā sthālīṃ kṣālitāṃ varmaguṇṭhitāṃ(3)

candanādisamālabdhāṃ badhnīyāt kaṭakaṃ gale /AP_81.058ab/
varmāstrajaptasaddarbhapatrābhyāṃ carusiddhaye

:n
1 huṃ phaḍantaiś ca kha, cihnitapustakapāṭhaḥ
2 oṃ hūṃ hauṃ hūṃ śivāya hūmiti kha, cihnitapustakapāṭhaḥ /
oṃ kraṃ hauṃ kraṃ śivāya krūṃ iti ṅa,
cihnitapustakapāṭhaḥ
3 dharmaguṇṭhitāmiti kha, cihnitapustakapāṭhaḥ
:p 249
varmādyair āsane(1) datte sārdhendukṛtamaṇḍale(2) /AP_81.059ab/
nyastāyāṃ mūrtibhūtāyāṃ bhāvapuṣpaiḥ śivaṃ yajet

vastrabaddhamukhāyāṃ vā sthālyāṃ puṣpair vahirbhavaiḥ /AP_81.060ab/
cullyāṃ paścimavaktrāyāṃ nyastāyāṃ mānuṣātmanā

nyastāhaṅkāravījāyāṃ śuddhāyāṃ vīkṣaṇādibhiḥ /AP_81.061ab/
dharmādharmaśarīrāyāṃ japtāyāṃ mānuṣātmanā

sthālīmāropayedastrajaptāṃ gavyāmbumārjitāṃ /AP_81.062ab/
gavyaṃ payo 'strasaṃśuddhaṃ prāsādaśatamantritaṃ

tuṇḍalān śyāmakādīnāṃ nikṣipettatra tadyathā /AP_81.063ab/
ekaśiṣyavidhānāya teṣāṃ prasṛtipañcakaṃ

prasṛtiṃ prasṛtiṃ paścādvardhayed dvyādiṣu kramāt /AP_81.064ab/
kuryāccānalamantreṇa pidhānaṃ kavacāṇunā

śivāgnau mūlamantreṇa pūrvāsyaś carukaṃ pacet /AP_81.065ab/
sukhinne tatra taccullyāṃ śruvamāpūrya sarpiṣā

svāhāntaiḥ saṃhitāmantrair datvā taptābhighāraṇaṃ /AP_81.066ab/
saṃsthāpya maṇḍale sthālīṃ saddarbhe 'strāṇunā kṛte

praṇavena pidhāyāsyāṃ taddehalepanaṃ hṛdā /AP_81.067ab/
suśītalo bhavatyevam prāpya śītābhighāraṇaṃ

vidadhyātsaṃhitāmantraiḥ śiṣyaṃ prati sakṛt sakṛt /AP_81.068ab/
dharmādyāsanake hutvā(3) kuṇḍamaṇḍalapaścime

sampātañca srucā hutvā śuddhiṃ saṃhitayā caret /AP_81.069ab/
carukaṃ sakṛdālabhya tayaiva vaṣaḍantayā

:n
1 dharmādyair āsane iti ka, cihnitapustakapāṭhaḥ
2 sārdāmbukṛtamaṇḍale iti kha, cihnitapustakapāṭhaḥ
3 dharmādyāsanake dhṛtveti kha, ga, cihnitapustakapāṭhaḥ
:p 250
dhenumudrāmṛtībhūtaṃ sthaṇḍileśāntikaṃ nayet(1) /AP_81.070ab/
sājyabhāgaṃ svaśiṣyāṇāṃ bhāgo devāya vahnaye

kuryāttu stokapālādeḥ samadhvājyamitidaṃ trayaṃ /AP_81.071ab/
namo 'ntena hṛdā dadyāttenaivācamanīyakaṃ(2)

sājyaṃ mantraśataṃ hutvā dadyāt pūrṇāṃ yathāvidhi /AP_81.072ab/
maṇḍalaṃ kuṇḍataḥ pūrve madhye vā śambhukumbhayoḥ

rudramātṛgaṇādīnāṃ nirvartyāntarbaliṃ hṛdā /AP_81.073ab/
śivamadhye 'pyalabdhājño vidhāyaikatvabhāvanaṃ

sarvajñatādiyukto 'haṃ samantāccopari sthitaḥ /AP_81.074ab/
mamāṃśo yojanāsthānamadhiṣṭhāhamadhvare

śivo 'hamityahaṅkārī niṣkramed yāgamaṇḍapāt /AP_81.075ab/
nyastapūrvāgrasandharbhe śastrāṇukṛtamaṇḍale

praṇavāsanake śiṣyaṃ śuklavastrottarīyakaṃ /AP_81.076ab/
snātañcodaṅmukhaṃ muktyai pūrvavaktrantu bhuktaye

ūrdhvaṃ kāyaṃ samāropya pūrvāsyaṃ pravilokayet /AP_81.077ab/
caraṇādiśikhāṃ yāvanmuktau bhuktau vilomataḥ

cakṣuṣā saprasādena śaivaṃ dhāma vivṛṇvatā /AP_81.078ab/
astrodakena sammokṣya mantrāmbusnānasiddaye

bhasmasnānāya vighnānāṃ śāntaye pāpabhittaye(3) /AP_81.079ab/
sṛṣṭisaṃhārayogena tāḍayedastrabhasmanā

punarastrāmbunā prokṣya sakalīkaraṇāya taṃ /AP_81.080ab/
:n
1 sthaṇḍilopāntikaṃ nayediti ṅa, cihnitapustakapāṭhaḥ
2 tenaivācamanīyamiti ka, kha, ga, cihnitapustakatrayapāṭhaḥ
3 pāśabhittaye iti ga, cihnitapustakapāṭhaḥ
:p 251
nābherūrdhvaṃ kuśāgreṇa mārjanīyāstramuccaran

tridhā.alabheta tanmūlair aghamarṣāya nābhyadhaḥ /AP_81.081ab/
dvaividhyāya ca pāśānāṃ ālabheta śarāṇunā

taccharīre śivaṃ sāṅgaṃ sāsanaṃ vinyasettataḥ /AP_81.082ab/
puṣpādipūjitasyāsya netre netreṇa vā hṛdā

badhvāmantritavastreṇa sitena sadaśena ca /.AP_81.083ab/
pradakṣiṇakramādenaṃ praveśya śivadakṣiṇaṃ

savastramāsanaṃ dadyāt yathāvarṇaṃ(1) nivedayet /AP_81.084ab/
saṃhāramudrayātmānaṃ mūrtyā tasya hṛdambuje

nirudhya śodhite kāye nyāsaṃ kṛtvā tamarcayet /AP_81.085ab/
pūrvānanasya śiṣyasya mūlamantreṇa mastake

śivahastaṃ pradātavyaṃ rudreśapadadāyakaṃ /AP_81.086ab/
śivasevāgrahopāyaṃ dattahastaṃ śivāṇunā(2)

śive prakṣepayet puṣpamapanīyārcakantāraṃ(3) /AP_81.087ab/
tatpātrasthānamantrāḍhyaṃ śivadevagaṇānugaṃ

viprādīnāṃ kramānnāma kuryādvā svecchayā guruḥ /AP_81.088ab/
praṇatiṃ kumbhavardhanyoḥ kārayitvānalāntikaṃ

sadakṣiṇāsane tadvat(4) saumyāsyamupaveśayet /AP_81.089ab/
śiṣyadehaviniṣkrāntāṃ suṣumṇāmiva cintayet

nijagrahalīnāñca darbhamūlena mantritaṃ /AP_81.090ab/
:n
1 suvarṇañceti ga, cihnitapustakapāṭhaḥ
2 śivātmaneti kha, ga, cihnitapustakadvayapāṭhaḥ
3 apanīyādhikāmbaraṃ iti gha, cihnitapustakapāṭhaḥ
4 sadakṣiṇāsana tatreti ṅa, cihnitapustakapāṭhaḥ
:p 252
darbhāgraṃ dakṣiṇe tasya vidhāya karapallave

tammūlamātmajaṅghāyāmagrañceti śikhidhvaje /AP_81.091ab/
śiṣyasya hṛdayaṃ gatvā recakena śivāṇunā(1)

purakeṇa samāgatya svakīyaṃ hṛdyāntaraṃ /AP_81.092ab/
śivāgninā punaḥ kṛtvā nāḍīsandhānamīdṛśaṃ

hṛdā tatsannidhānārthañjuhuyādāhutitrayaṃ /AP_81.093ab/
śivahastasthiratvārthaṃ(2) śataṃ mūlena homayet /AP_81.093cd/
itthaṃ samayadīkṣāyāṃ bhavedyogyo bhavārcane