Agni Purana · Chapter 58

:e ity ādimahāpurāṇe āgneye kalaśādhivāso nāma
saptapañcāśattamo 'dhyāyaḥ ||
% Chapter {58}
:ś atha aṣṭapañcāśattamo 'dhyāyaḥ
snānādividhiḥ
bhagavānuvāca
aiśānyāṃ janayet kuṇḍaṃ gururvahniñca vaiṣṇavaṃ /AP_58.001ab/
gāyatryaṣṭaśataṃ hutvā sampātavidhinā ghaṭān

prokṣayet kāruśālāyāṃ śilpibhirmūrtipair vrajet /AP_58.002ab/
tūryaśabdaiḥ kautukañca bandhayeddakṣiṇe kare

viṣṇave śipiviṣṭeti ūrṇāsūtreṇa sarṣapaiḥ /AP_58.003ab/
paṭṭavastreṇa kartavyaṃ deśikasyāpi kautukaṃ

maṇḍape(1) pratimāṃ sthāpya savastrāṃ pūjitān stuvan /AP_58.004ab/
namastercye sureśāni praṇīte viśvakarmaṇā

prabhāvitāśeṣajagaddhātri tubhyaṃ namo namaḥ /AP_58.005ab/
tvayi sampūjayāmīśe nārāyaṇamanāmayaṃ

rahitā śilpidoṣaistvamṛddhiyuktā sadā bhava /AP_58.006ab/
evaṃ vijñāpya pratimāṃ nayettāṃ snānamaṇḍapaṃ

śilpinantoṣayeddravyair gurave gāṃ pradāpayet /AP_58.007ab/
citraṃ deveti mantreṇa netre conmīlayettataḥ

:n
1 maṇḍale iti ga, cihnitapustakapāṭhaḥ
:p 164
agnirjyotīti dṛṣṭiñca dadyādvai bhadrapīṭhake /AP_58.008ab/
tataḥ śuklāni puṣpāṇi ghṛtaṃ siddhārthakaṃ tathā

dūrvāṃ kuśāgraṃ devasya dadyācchirasi deśikaḥ /AP_58.009ab/
madhuvāteti mantreṇa netre cābhyañjayedguruḥ

hiraṇyagarbhamantreṇa imaṃ meti ca kīrtayet /AP_58.010ab/
ghṛtenābhyañjayet paścāt paṭhan ghṛtavatīṃ punaḥ

masūrapiṣṭe nodvartya(1) ato deveti kīrtayan /AP_58.011ab/
kṣālayeduṣṇatoyena sapta te 'greti deśikaḥ

drupadādivetyanulimpedāpo hi ṣṭheti secayet /AP_58.012ab/
nadījaistīrthajaiḥ snānaṃ pāvamānīti ratnajaiḥ

samudraṃ gaccha candanaistīrthamṛtkalaśena ca /AP_58.013ab/
śanno devīḥ snāpayecca gāyatryāpyuṣṇavāriṇā(2)

pañcamṛddhirhiraṇyeti snāpayetparameśvaraṃ /AP_58.014ab/
sikatādbhirirmaṃ meti valmīkodaghaṭena ca

tadviṣṇoriti oṣadhyadbhiryā oṣadhīti mantrataḥ /AP_58.015ab/
yajñāyajñeti kāṣāyaiḥ pañcabhirgavyakaistataḥ

payaḥ pṛthivyāṃ mantreṇa yāḥ phalinī phalāmbubhiḥ /AP_58.016ab/
viśvataś cakṣuḥ saumyena pūrveṇa kalasena ca

somaṃ rājānamityevaṃ viṣṇo rarāṭaṃ dakṣataḥ /AP_58.017ab/
haṃsaḥ śuciḥ paścimena kuryādudvartanaṃ hareḥ

mūrdhānandivamantreṇa dhātrīṃ māṃsīṃ ca ke dadet(3) /AP_58.018ab/
mānastoketi mantreṇa gandhadvāreti gandhakaiḥ

:n
1 mayūrapicchenodvartya iti gha, cihnitapustakapāṭhaḥ
2 gāyatryā gandhavāriṇā iti ga, gha, ṅa,
cihnitapustakatrayapāṭhaḥ
3 dhātrīmāṃsyudakena ceti gha, cihnitapustakapāṭhaḥ
:p 165
idamāpeti ca ghaṭair etāśītipadasthitaiḥ /AP_58.019ab/
ehyehi bhagavan viṣṇo lokānugrāhakāraka

yajñabhāgaṃ gṛhāṇemaṃ vāsudeva namostu te /AP_58.020ab/
anenāvāhya deveśaṃ kuryāt kautukamocanaṃ

muñcāmi tveti sūktena deśikasyāpi mocayet /AP_58.021ab/
hiraṇmayena pādyaṃ dadyādato deveti cārghyakaṃ

madhuvātā madhuparkaṃ mayi gṛhṇāmi cācamet /AP_58.022ab/
akṣannamīmadanteti kireddarvākṣataṃ budhaḥ

kāṇḍānnirmañchanaṃ kuryādgandhaṃ gandhavatīti ca /AP_58.023ab/
unnayāmīti(1) mālyañca idaṃ viṣṇuḥ pavitrakaṃ

vṛhaspate vastrayugmaṃ vedāhamityuttarīyakaṃ /AP_58.024ab/
mahāvratena sakalīpuṣpaṃ cauṣadhayaḥ kṣipet

dhūpaṃ dadyāddhūrasīti vibhrāṭsūktena cāñjanaṃ /AP_58.025ab/
yuñjantīti ca tilakaṃ dīrghāyuṣṭveti mālyakaṃ

indracchatreti chatrantu ādarśantu virājataḥ /AP_58.026ab/
cāmarantu vikarṇena bhūṣāṃ rathantareṇa ca

vyajanaṃ vāyudaivatyair muñcāmi tveti puṣpakaṃ /AP_58.027ab/
vedādyaiḥ saṃstutiṃ kuryāddhareḥ puruṣasūktataḥ

sarvametatsamaṃ kuryāt piṇḍikādau harādike /AP_58.028ab/
devasyotthānasamaye sauparṇaṃ sūktamuccaret

uttiṣṭheti samutthāpya śayyāyā maṇḍape nayet /AP_58.029ab/
śākunenaiva sūktena devaṃ brahmarathādinā

ato deveti sūktena prātimāṃ piṇḍikāṃ tathā /AP_58.030ab/
śrīsūktena ca śayyāyāṃ viṣṇostu śakalīkṛtiḥ

:n
1 tattvāyāmīti gha, cihnitapustakapāṭhaḥ
:p 166
mṛgarājaṃ vṛṣaṃ nāgaṃ vyajanaṃ kalaśaṃ tathā /AP_58.031ab/
vaijayantīṃ tathā bherīṃ dīpamityaṣṭamaṅgalaṃ

darśayedaśvasūktena pādadeśe tripāditi /AP_58.032ab/
ukhāṃ pidhānakaṃ pātramambikāṃ darvikāṃ dadet

muṣalolūkhalaṃ dadyācchilāṃ sammārjanīṃ tathā /AP_58.033ab/
tathā bhojanabhāṇḍāni gṛhopakāraṇāni ca

śirodeśe ca nidrākhyaṃ vastraratnayutaṃ ghaṭaṃ /AP_58.034ab/
khaṇḍakhādyaiḥ pūrayitvā snapanasya vidhiḥ smṛtaḥ