Agni Purana · Chapter 57

:e ity ādimahāpurāṇe āgneye dikpatiyāgo nāma
ṣaṭpañcāśattamodhyāyaḥ ||
% Chapter {57}
:ś atha saptapañcāśodhyāyaḥ
kumbhādhivāsavidhiḥ
bhagavānuvāca
bhūmeḥ parigrahaṃ kuryāt kṣipedbrīhīṃś ca sarṣapān /AP_57.001ab/
nārasiṃhena rakṣoghnān prokṣoghnān prokṣayet pañcagavyataḥ

bhūmiṃ ghaṭe tu sampūjya saratne sāṅgakaṃ hariṃ /AP_57.002ab/
astramantreṇa karakaṃ(1) tatra cāṣṭaśataṃ yajet

acchinnadhārayā siñcan brīhīn saṃskṛtya dhārayet /AP_57.003ab/
:n
1 astramantreṇa kavacamiti ṅa, cihnitapustakapāṭhaḥ
:p 161
pradakṣiṇaṃ paribhrāmya kalaśaṃ vikiropari

savastre kalaśe bhūyaḥ pūjayedacyutaṃ śriyaṃ /AP_57.004ab/
yoge yogeti mantreṇa nyasecchayyāntu maṇḍale

kuśopari tūlikāñca śayyāyāṃ digvidikṣu ca /AP_57.005ab/
vidyādhipān yajedviṣṇuṃ madhughātaṃ trivikramaṃ

vāmanaṃ dikṣu vāyvādau(1) śrīdharañca hṛṣīkapaṃ /AP_57.006ab/
padmanābhaṃ dāmodaramaiśānyāṃ snānamaṇḍape

abhyarcya paścādaiśānyāṃ catuṣkumbhe(2) savedike /AP_57.007ab/
snānamaṇḍaṣake sarvadravyāṇyānīya nikṣipet

snānakumbheṣu kumbhāṃstāṃś caturdikṣvadhivāsayet /AP_57.008ab/
kalaśāḥ sthāpanīyāstu abhiṣekārthamādarāt

vaṭodumbarakāśvatthāṃś campakāśokaśrīdrumān(3) /AP_57.009ab/
palāśārjunaplakṣāṃstu kadambavakulāmrakān

pallavāṃstu samānīya pūrvakumbhe(4) vinikṣipet /AP_57.010ab/
padmakaṃ rocanāṃ dūrvāṃ darbhapiñjalameva ca

jātīpuṣpaṃ kundapuṣpacandanaṃ raktacandanaṃ /AP_57.011ab/
siddhārthaṃ tagarañcaiva taṇḍulaṃ dakṣiṇe nyaset

savarṇaṃ rajatañcaiva kūladvayamṛdantathā /AP_57.012ab/
nadyāḥ samudragāminyā viśeṣāt jāhnavīmṛdaṃ

gomayañca yavān śālīṃstilāṃś caivāpare nyaset /AP_57.013ab/
viṣṇuparṇīṃ śyāmalatāṃ bhṛṅgarājaṃ śatāvarīṃ

:n
1 dikṣu vahnyādāviti ṅa, cihnitapustakapāṭhaḥ
2 catustambhe iti ga, cihnitapustakapāṭhaḥ
3 padmakāśokaśrīdrumāniti ga, cihnitapustakapāṭhaḥ
4 parṇakumbha iti ṅa, cihnitapustakapāṭhaḥ
:p 162
sahadevāṃ mahādevīṃ(1) balāṃ vyaghrīṃ salakṣmaṇāṃ /AP_57.014ab/
aiśānyāmapare kumbhe maṅgalyānviniveśayet

valmīkamṛttikāṃ saptasthānotthāmapare nyaset /AP_57.015ab/
jāhnavīvālukātoyaṃ vinyasedapare ghaṭe

varāhavṛṣanāgendraviṣāṇoddhṛtamṛttikāṃ /AP_57.016ab/
mṛttikāṃ padmamūlasya kuśasya tvapare nyaset

tīrthaparvatamṛdbhiś ca yuktamapyapare nyaset /AP_57.017ab/
nāgakeśarapuṣpañca kāśmīramapare nyaset

candanāgurukarpūraiḥ puṣpaṃ caivāpare nyaset /AP_57.018ab/
vaidūryaṃ vidrumaṃ muktāṃ sphaṭikaṃ vajrameva ca

etānyekatra nikṣipya sthāpayeddevasattama /AP_57.019ab/
nadīnadataḍāgānāṃ salilair aparaṃ nyaset

ekāśītipade cānyānmaṇḍape kalaśān nyaset /AP_57.020ab/
gandhodakādyaiḥ sampūrṇān śrīsūktenābhimantrayet

yavaṃ siddhārthakaṃ gandhaṃ kuśāgraṃ cākṣataṃ tathā /AP_57.021ab/
tilān phalaṃ tathā puṣpamarghyārthaṃ pūrvato nyaset

padmaṃ śyāmalatāṃ dūrvāṃ viṣṇuparṇīṃ kuśāṃstathā /AP_57.022ab/
pādyārthaṃ dakṣiṇe bhāge madhuparkaṃ tu dakṣiṇe(2)

kakkolakaṃ lavaṅgañca tathā jātīphalaṃ śubhaṃ /AP_57.023ab/
uttare hy ācamanāya agnau dūrvākṣatānvitaṃ

pātraṃ nīrājanārthaṃ ca tathodvartanamānile /AP_57.024ab/
gandhapuṣpānvitaṃ pātramaiśānyāṃ pātrake nyaset

:n
1 sahadevāṃ siṃhapucchīmiti kha, cihnitapustakapāṭhaḥ / sahadevāṃ
javāṃ siṃhīmiti ṅa, cihnitapustakapāṭhaḥ
2 madhuparkantu paścime iti ṅa, cihnitapustakapāṭhaḥ
:p 163
murāmāṃsī cāmalakaṃ sahadevāṃ niśādikaṃ /AP_57.025ab/
ṣaṣṭidīpānnyasedaṣṭau nyasennīrājanāya ca

śaṅkhaṃ cakrañca śrīvatsaṃ kuliśaṃ paṅkajādikaṃ /AP_57.026ab/
hemādipātre kṛtvā tu nānāvarṇādipuṣpakaṃ