Agni Purana · Chapter 45

:e ity ādimahāpurāṇe āgneye pratimālakṣaṇaṃ nāma catuś
catvāriṃśodhyāyaḥ ||
% Chapter {45}
:ś atha pañcacatvāriṃśodhyāyaḥ
piṇḍikālakṣaṇakathanaṃ
bhagavānuvāca
piṇḍikālakṣaṇaṃ vakṣye dairghyeṇa pratimāsamā /AP_45.001ab/
ucchrāyaṃ pratimārdhantu catuḥṣaṣṭipuṭāṃ(2) ca tām

tyaktvā paṅktidvayaṃ cādhastadūrdhvaṃ yattu koṣṭhakam /AP_45.002ab/
:n
1 sārdhāṅgulaṃ tathāyāmamiti ṅa, cihnitapustakapāṭhaḥ
2 maṇividyādharāviti gha, cihnitapustakapāṭhaḥ
3 catuḥṣaṣṭipadāmiti ṅa, cihnitapustakapāṭhaḥ
:p 132
samantādubhayoḥ pārśve antasthaṃ parimārjayet

ūrdhvaṃ paṅgktidvayaṃ tyaktvā adhastād yattu koṣṭhakam /AP_45.003ab/
antaḥ sammārjayet yatnāt pārśvayorubhayoḥ samam

tayormadhyagatau tatra catuṣkau mārjayettataḥ /AP_45.004ab/
caturdhā bhājayitvā tu ūrdhvapaṅktidvayaṃ budhaḥ

mekhalā bhāgamātrā syāt khātaṃ tasyārdhamānataḥ /AP_45.005ab/
bhāgaṃ bhāgaṃ parityajya pārśvayorubhayoḥ samaṃ

datvā caikaṃ padaṃ vāhye pramāṇaṃ kārayed budhaḥ /AP_45.006ab/
tribhāgeṇa ca bhāgasyāgre syāttoyavinirgamaḥ

nānāprakārabhedena bhadreyaṃ(1) piṇḍikā śubhā /AP_45.007ab/
aṣṭatālā tu kartavyā devī lakṣmīstayā striyaḥ

bhruvau yavādhike kārye yavahīnā tu nāsikā /AP_45.008ab/
golakenādhikaṃ vaktramūrdhvaṃ tiryagvivarjitaṃ

āyate nayane kārye tribhāgonair yavaistribhiḥ /AP_45.009ab/
tadardhena tu vaipulyaṃ netrayoḥ parikalpayet

karṇapāśo .dhikaḥ kāryaḥ sṛkkaṇīsamasūtrataḥ /AP_45.010ab/
namraṃ kalāvihīnantu kuryādaṃśadvayaṃ tathā

grīvā sārdhakalā kāryā tadvistāropaśobhitā /AP_45.011ab/
netraṃ vinā tu vistārau ūrū jānū ca piṇḍikā

aṅghripṛṣṭhau sphicau kaṭyāṃ yathābhāgaṃ prakalpayet /AP_45.012ab/
saptāṃśonās tathāṅgulyo dīrghaṃ viṣkambhanāhataṃ

netraikavarjitāyāmā jaṅghorū ca tathā kaṭiḥ /AP_45.013ab/
madhyapārśvaṃ ca tadvṛttaṃ ghanaṃ pīnaṃ kucadvayaṃ

:n
1 tatreyamiti ṅa, cihnitapustakapāṭhaḥ
:p 133
tālamātrau stanau karyau kaṭiḥ sārdhakalādhikā /AP_45.015ab/
lakṣma śeṣaṃ purāvatsyāt dakṣiṇe cāmubujaṃ kare

vāme vittvaṃ striyau pārśve śubhe cāmarahastake /AP_45.016ab/
dīrghaghoṇastu garuḍaś cakrāṅgādyānatho vade