Agni Purana · Chapter 46

:e ity ādimahāpurāṇe āgneye piṇḍikālakṣmādilakṣaṇaṃ
nāma pañcacatvāriṃśo 'dhyāyaḥ
% Chapter {46}
:ś atha ṣaṭcatvāriṃśo 'dhyāyaḥ
śālagrāmādimūrtilakṣaṇakathanaṃ
bhagavānuvāca
śālagrāmādimūrteś ca vakṣyehaṃ bhuktimuktidāḥ /AP_46.001ab/
vāsudevo 'sito dvāre śālagrāmadvicakrakaḥ

jñeyaḥ saṅkarṣaṇo lagnadvicakro rakta uttamaḥ /AP_46.002ab/
sūkṣmacakro bahucchidraḥ pradyumno nīladīghavaḥ

pīto niruddhaḥ padmāṅgo vartulo dvitrirekhavān /AP_46.003ab/
kṛṣṇo nārāyaṇo nābhyunnataḥ śuṣiradīrghavān

parameṣṭho sābjacakraḥ pṛṣṭhacchidrakaś ca(1) vindumān /AP_46.004ab/
sthūlacakro 'sito viṣṇurmadhye rekhā gadākṛtiḥ

nṛsiṃhaḥ kapikaḥ sthūlavakraḥ syāt pañcavindukaḥ /AP_46.005ab/
varāhaḥ śaktiliṅgaḥ syāt taccakrau viṣamau sṛtau

indranīlanibhaḥ sthūlastrirekhālāñchitaḥ śubhaḥ /AP_46.006ab/
kūrmastathonnataḥ pṛṣṭhe vartulāvartako 'sitaḥ

hayagrīvoṅkuśāvārarekho nīlaḥ savindukaḥ /AP_46.007ab/
:n
1 pṛthuśccchidraśceti ṅa, cihnitapustakapāṭhaḥ
:p 134
vaikuṇṭhaḥ ekacakro 'bjī maṇibhiḥ puccharekhakaḥ

matsyo dīrghastrivinduḥ syāt kācavarṇastu pūritaḥ /AP_46.008ab/
śrīdharo vanamālāṅkaḥ pañjarekhastu vartulaḥ

vāmano vartulaścātihrasvo nīlaḥ savindukaḥ /AP_46.009ab/
śyāmastrivikramo dakṣarekho vāmena vindukaḥ

ananto nāgabhogāṅgo naikābho naikamūrtimān /AP_46.010ab/
sthūlo dāmodaro madhyacakro dvāḥsūkṣmavindukaḥ(1)

sudarśanastvekacakro lakṣmīnārāyaṇo dvayāt /AP_46.011ab/
tricakraścācyuto devastricakrako vā trivikramaḥ

janārdanaś catuś cakro vāsudevaś ca pañcabhiḥ /AP_46.012ab/
ṣaṭvakraś caiva pradyumnaḥ saṅkarṣaṇañca saptabhiḥ

puruṣottamoṣṭacakro navavyūho navāṅkitaḥ /AP_46.013ab/
daśāvatāro daśabhirdaśaikenāniruddhakaḥ /AP_46.013cd/
dvādaśātmā dvādaśabhirata ūrdhvamanantakaḥ