Agni Purana · Chapter 43

:e ity ādimahāpurāṇe āgneye prāsādalakṣaṇaṃ nāma
dvācattvāriṃśo 'dhyāyaḥ
% Chapter {43}
:ś atha tricatvāriṃśo 'dhyāyaḥ
prāsādadevatāsthāpanaṃ
bhagavānuvāca
prāsāde devatāḥ sthāpyā vakṣye brahman śṛṇuṣva me /AP_43.001ab/
pañcāyatamadhye tu vāsudevaṃ niveśayet

vāmanaṃ nṛhariñcāśvaśīrṣaṃ tadvañca śūkaraṃ /AP_43.002ab/
āgneye nairṛte caiva vāyavye ceśagocare

atha nārāyaṇaṃ madhye āgneyyāmambikāṃ nyaset /AP_43.003ab/
nairṛtyāṃ bhāskaraṃ vāyau brahmāṇaṃ liṅgamīśake

athavā rudrarūpantu athavā navadhāmasu /AP_43.004ab/
vāsudevaṃ nyasenmadhye pūrvādau vāmavāmakān

indrādīn lokapālāṃś ca athavā navadhāmasu /AP_43.005ab/
pañcāyatanakaṃ kuryāt madhye tu puruṣottamaṃ

lakṣmīvaiśravaṇau pūrvaṃ dakṣe mātṛgaṇaṃ nyaset /AP_43.006ab/
skandaṃ gaṇeśamīśānaṃ sūryādīn paścime grahān

uttare daśa matsyādīnāgneyyāṃ caṇḍikāṃ tathā /AP_43.007ab/
nairṛtyāmambikāṃ sthāpya vāyavye tu sarasvatīṃ

padmāmaiśe vāsudevaṃ madhye nārāyaṇañca vā /AP_43.008ab/
trayodaśālaye madhye viśvarūpaṃ nyaseddhariṃ

:p 125
pūrvādau keśavādīn vā anyadhāmasvayaṃ hariṃ(1) /AP_43.009ab/
mṛṇmayī dārughaṭitā lohajā ratnajā tathā

śailajā gandhajā caiva kausumī(2) saptadhā smṛtā /AP_43.010ab/
kausumī gandhajā caiva mṛṇmayī pratimā tathā

tatkālapūjitāś caitāḥ sarvakāmaphalapradāḥ /AP_43.011ab/
atha śailamayīṃ vakṣye śilā yatra ca gṛhyate

parvatānāmabhāve ca gṛhṇīyādbhūgatāṃ śilāṃ /AP_43.012ab/
pāṇḍarā hy aruṇā pītā kṛṣṇā śastā tu vairṇināṃ

na yadā labhyate samyag varṇināṃ varṇataḥ śilā /AP_43.013ab/
varṇādyāpādānaṃ tatra juhyāt siṃhavidyayā

śilāyāṃ śuklarekhāgryā kṛṣṇāgryā siṃhahomataḥ /AP_43.014ab/
kāṃsyaghaṇṭāninādā syāt puṃliṅgā visphuliṅgikā

tanmandalakṣaṇā(3) strī syādrūpābhāvānnapuṃsakā /AP_43.015ab/
dṛśyate maṇḍalaṃ yasyāṃ sagarbhāṃ tāṃ vivarjayet

pratimārthaṃ vanaṃ gatvā vrajayāgaṃ samācaret /AP_43.016ab/
tatra khātvopalipyātha maṇḍape tu hariṃ yajet

baliṃ datvā karmaśastraṃ ṭaṅkādikamathārcayet /AP_43.017ab/
hutvātha śālitoyena astreṇa prokṣayecchilāṃ

rakṣāṃ kṛtvā nṛsiṃhena mūlamantreṇa pūjayet(4) /AP_43.018ab/
hutvā pūrṇāhutiṃ dadyāttato bhūtabaliṃ guruḥ

:n
1 anyadhāmasu yajñaviditi kha, cihnitapustakapāṭhaḥ /
yugmadhāmasvayaṃ harimiti gha, cihnitapustakapāṭhaḥ
2 kaumudī iti kha, gha, cihnitapustakadvayapāṭhaḥ
3 unmattalakṣaṇā iti ṅa, cihnitapustakapāṭhaḥ
4 mantrayediti kha, cihnitapustakapāṭhaḥ
:p 126
atra ye saṃsthitāḥ sattvā yātudhānāś ca guhyakāḥ /AP_43.019ab/
siddhādayo vā ye cānye tān sampūjya kṣamāpayet

viṣṇubimbārthamasmākaṃ(1) yātraiṣā keśavājñayā /AP_43.020ab/
viṣṇvarthaṃ yadbhavet kāryaṃ yuṣmākamapi tadbhavet

anena balidānena prītā bhavata sarvathā /AP_43.021ab/
kṣameṇa gacchatānyatra muktvā sthānamidaṃ tvarāt //AP_43.021cde
evaṃ prabodhitāḥ sattvā yānti tṛptā yathāsukhaṃ /AP_43.022ab/
śilpibhiś ca caruṃ prāśya svapnamantraṃ japenniśi

oṃ namaḥ sakalalokāya viṣṇave prabhaviṣṇave /AP_43.023ab/
viśvāya viśvarūpāya svapnādhipataye(2) namaḥ

ācakṣva devadeveśa prasuptosmi(3) tavāntikaṃ /AP_43.024ab/
svapne sarvāṇi kāryāṇi hṛdisthāni tu yāni me

oṃ oṃ hrūṃ phaṭ viṣṇave svāhā(4)
śubhe svapne śubhaṃ sarvaṃ hy aśubhe siṃhahomataḥ /AP_43.025ab/
prātararghyaṃ śilāyāṃ tu datvāstreṇāstrakaṃ yajet

kuddālaṭaṅkaśastrādyaṃ madhvānyāktamukhañcaret /AP_43.026ab/
ātmānaṃ cintayedviṣṇuṃ śilpinaṃ viśvakarmakaṃ(5)

śastraṃ viṣṇvātmakaṃ(6) dadyāt mukhapṛṣṭhādi darśayet /AP_43.027ab/
jitendriyaḥ ṭaṅkahastaḥ śilpī tu caturasrakāṃ

:n
1 lokasiddhyarthamasmākamiti kha, cihnitapustakapāṭhaḥ
2 viśvādhipataye iti kha, cihnitapuatakapāṭhaḥ
3 prapanno 'smi iti kha, cihnitapustakapāṭhaḥ
4 oṃ oṃ hrīṃ phaḍiti ga, cihnitapustakapāṭhaḥ
5 viśvakarmaṇimiti kha, ga, cihnitapuatakapāṭhaḥ
6 viśvātmakamiti ga, gha, ṅa, cihnitapustakatrayapāṭhaḥ
:p 127
śilāṃ kṛtvā piṇḍikārthaṃ kiñcinnyūnāntu kalpayet /AP_43.028ab/
rathe sthāpya samānīya savastrāṃ kāruveśmani /AP_43.028cd/
pūjayitvātha ghaṭayet pratimāṃ sa tu karmakṛt