Agni Purana · Chapter 40

:e ity ādimahāpurāṇe āgneye pratiṣṭhāyāṃ bhūparigraho
nāmonacatvāriṃśodhyāyaḥ ||
% Chapter {40}
:ś atha catvāriṃśo 'dhyāyaḥ
arghyadānavidhānaṃ
bhagavānuvāca
pūrvamāsit mahadbhūtaṃ sarvabhūtabhayaṅkaraṃ /AP_40.001ab/
taddevair nihitaṃ bhumau sa vāstupuruṣaḥ smṛtaḥ

catuḥṣaṣṭipade kṣetre īśaṃ koṇārdhasaṃsthitaṃ /AP_40.002ab/
ghṛtākṣataistarpayettaṃ parjanyaṃ padagataṃ tataḥ

utpalādibhirjayantañca dvipadasthaṃ patākayā /AP_40.003ab/
mahendrañcaikakoṣṭhasthaṃ sarvaraktaiḥ pade raviṃ

vitānenārdhapadagaṃ satyaṃ pade bhṛśaṃ ghṛtaiḥ /AP_40.004ab/
vyoma śākunamāṃsena(2) koṇārdhapadasaṃsthitaṃ

srucā cārdhapade vahniṃ pūṣāṇaṃ lājayaikataḥ /AP_40.005ab/
svarṇena vitathaṃ dviṣṭhaṃ mathanena gṛhākṣataṃ

māṃsaudanena dharmeśamekaikasmin sthitaṃ dvayaṃ /AP_40.006ab/
gandharvaṃ dvipadaṃ gandhair bhṛśaṃ śākunajihvayā

ekasthamūrdhvasaṃsthañca mṛgaṃ nīlapaṭais tathā /AP_40.007ab/
pitṝn kṛśarayārdhasthaṃ dantakāṣṭhaiḥ padasthitaṃ

:n
1 nṛhasta iti kha, cihnitapustakapāṭhaḥ
2 vyoma śākulamāṃseneti kha, cihnitapustakapāṭhaḥ
:p 116
dauvārikaṃ dvisaṃsthañca sugrīvaṃ yāvakena tu /AP_40.008ab/
puṣpadantaṃ kuśastambaiḥ padmair varuṇamekataḥ

asuraṃ surayā dviṣṭhaṃ pade śeṣaṃ ghṛtāmbhasā /AP_40.009ab/
yavaiḥ pāpaṃ padārdhasthaṃ rogamardhe ca maṇḍakaiḥ

nāgapuṣpaiḥ pade nāgaṃ mukhyaṃ bhakṣyair dvisaṃsthitaṃ /AP_40.010ab/
mudgaudanena bhallāṭaṃ pade somaṃ pade tathā

madhunā pāyasenātha śālūkena ṛṣiṃ dvaye /AP_40.011ab/
pade ditiṃ lopikābhirardhe ditimathāparaṃ

pūrikābhistataścāpamīśādhaḥ payasā pade /AP_40.012ab/
tatodhaścāpavatsantu dadhnā caikapade sthitaṃ

laḍḍukaiś ca marīcintu pūrvakoṣṭhacatuṣṭaye(1) /AP_40.013ab/
savitre raktapuṣpāṇi brahmādhaḥkoṇakoṣṭhake

tadadhaḥkoṣṭhake dadyāt sāvitryai ca kuśodakaṃ /AP_40.014ab/
vivaste 'ruṇaṃ dadyāccandanañcaturaṅghriṣu

rakṣodhaḥkoṇakoṣṭhe tu indrāyānnaṃ niśānvitaṃ /AP_40.015ab/
indrajayāya tasyādho ghṛtānnaṃ koṇakoṣṭhake

catuṣpadeṣu dātavyamindrāya guḍapāyasaṃ /AP_40.016ab/
vāyvadhaḥkoṇadeśe tu rudrāya pakvamāṃsakaṃ

tadadhaḥkoṇakoṣṭhe tu yakṣāyārdraṃ phalantathā /AP_40.017ab/
mahīdharāya māṃsānnaṃ māghañca caturaṅghriṣu

madhye catuṣpade sthāpyā brahmaṇe tilataṇḍulāḥ /AP_40.018ab/
carakīṃ māṣasarpibhyāṃ skandaṃ kṛśarayāsṛjā

raktapadmair vidārīñca kandarpañca palodanaiḥ /AP_40.019ab/
pūtanāṃ palapittābhyāṃ māṃsāsṛgbhyāñca jambhakaṃ

:n
1 madhyacatuṣṭaye iti kha, cihnitapustakapāṭhaḥ
:p 117
pittāsṛgasthibhiḥ pāpāṃ pilipiñjaṃ(1) srajāsṛjā /AP_40.020ab/
īśādyān raktamāṃsena abhāvādakṣatair yajet

rakṣomātṛgaṇebhyaś ca piśācādibhya eva ca /AP_40.021ab/
pitṛbhyaḥ kṣetrapālebhyo balīn dadyāt prakāmataḥ

āhutvaitānasantarpya prāsādādīnna kārayet /AP_40.022ab/
brahamasthāne hariṃ lakṣmīṃ gaṇaṃ paścāt samarcayet

mahīśvaraṃ vāstumayaṃ(2) vardhanyā sahitaṃ ghaṭaṃ /AP_40.023ab/
brahmāṇaṃ madhyataḥ kumbhe brahmādīṃś ca digīśvarān

dadyāt pūrṇāhutiṃ paścāt svasti vācya praṇamya ca /AP_40.024ab/
pragṛhya karkarīṃ samyak maṇḍalantu pradakṣiṇaṃ

sūtramārdeṇa he brahmaṃstoyadhārāñca bhrāmayet /AP_40.025ab/
pūrvavattena mārgeṇa sapta vījāni vāpayet

prārambhaṃ tena mārgeṇa tasya khātasya kārayet /AP_40.026ab/
tato gartaṃ khanenmadhye hastamātraṃ pramāṇataḥ

caturaṅgulakaṃ cādhaścopalipyārcayettataḥ /AP_40.027ab/
dhyātvā caturbhujaṃ viṣṇumarghyaṃ dadyāttu kumbhataḥ

karkaryā pūrayet śvabhraṃ śuklapuṣpāṇi ca nyaset /AP_40.028ab/
dakṣiṇāvartakaṃ śreṣṭhaṃ bījair mṛddbhiś ca pūrayet

arghyādānaṃ viniṣpādya govastrādīndadedgurau /AP_40.029ab/
kālajñāya sthapataye vaiṣṇavādibhya arcayet

tatastu khānayedyatnajjalāntaṃ yāvadeva tu /AP_40.030ab/
puruṣādhaḥsthitaṃ śalyaṃ(3) na gṛhe doṣadaṃ bhavet

:n
1 pilipicchamiti ṅa, cihnitapustakapāṭhaḥ
2 mahīdharaṃ vāstumayamiti kha, ṅa, cihnitapustakapāṭhaḥ
3 puruṣādhiṣṭhitaṃ śalyamiti ga, cihnitapustakapāṭhaḥ
:p 118
asthiśalye vidyate vai bhittirvai gṛhiṇo 'sukhaṃ /AP_40.031ab/
yannāmaśabdaṃ śṛṇuyāttatra śalyaṃ tadudbhavaṃ