Agni Purana · Chapter 39

:e ity ādimahāpurāṇe āgneye devālayādimāhātmyavarṇanaṃ nāma
aṣṭatriṃśodhyāyaḥ ||
:n
1 kṛṣṇāśraye gatā iti kha, gha, ṅa,
cihnitapustakatrayapāṭhaḥ
2 pratiṣṭhādyamiti kha, ṅa, cihnitapustakadvayapāṭhaḥ
:p 113
% Chapter {39}
:ś athonacatvāriṃśo 'dhyāyaḥ
bhūparigrahavidhānaṃ
hayagrīva uvāca
viṣṇvādīnāṃ pratiṣṭhādi vakṣye brahman śṛṇuṣva me /AP_39.001ab/
proktāni pañcarātarāṇi saptarātrāṇi vai mayā

vyastāni munibhirloke pañcaviṃśatisaṅkhyayā /AP_39.002ab/
hayaśīrṣaṃ tantramādyaṃ tantraṃ trailokyamohanaṃ

vaibhavaṃ pauṣkaraṃ tantraṃ prahrādaṅgārgyagālavaṃ /AP_39.003ab/
nāradīyañca sampraśnaṃ śāṇḍilyaṃ vaiśvakaṃ(1) tathā

satyoktaṃ śaunakaṃ tantraṃ vāsiṣṭhaṃ jñānasāgaraṃ /AP_39.004ab/
svāyambhuvaṃ kapilañca tārkṣaṃ nārāyaṇīyakaṃ

ātreyaṃ nārasiṃhākhyamānandākhyaṃ tathāruṇaṃ /AP_39.005ab/
baudhāyanaṃ tathārṣaṃ tu(2) viśvoktaṃ tasya sārataḥ

pratiṣṭhāṃ hi dvijaḥ kuryānmadhyadeśādisambhavaḥ /AP_39.006ab/
nakacchadeśasambhūtaḥ kāverīkoṅkaṇodgataḥ

kāmarūpakaliṅgoptyaḥ kāñcīkāśmīrakośalaḥ(3) /AP_39.007ab/
ākāśavāyutejombu bhūretāḥ pañca rātrayaḥ

acaitanyāstamodriktāḥ pañcarātravivarjitaṃ /AP_39.008ab/
brahmāhaṃ viṣṇuramala iti vidyātsa deśikaḥ

sarvalakṣaṇahīṇopi sa gurustantrapāragaḥ /AP_39.009ab/
:n
1 caiśvaraṃ tatheti ga, ṅa, gha, cihnitapustakatrayapāṭhaḥ
2 tathāṣṭāṅgamiti kha, ṅa, cihnitapustakadvayapāṭhaḥ
3 kāśmīrake sthita iti ga, cihnitapustakapāṭhaḥ
:p 114
nagarābhimukhāḥ sthāpyā devā na ca parāṅmukhāḥ

kurukṣetre gayādau ca nadīnāntu(1) samīpataḥ /AP_39.010ab/
brahmā madhye tu nagare pūrve śakrasya śobhanaṃ

agnāvagneś ca mātṝṇāṃ bhūtānāñca yamasya ca /AP_39.011ab/
dakṣiṇe caṇḍikāyāś ca pitṛdaityādikasya ca

vairṛte mandiraṃ kuryāt varuṇādadeś ca vāruṇe /AP_39.012ab/
vāyor nāgasya vāyavye saumye yakṣaguhasya ca

caṇḍīśasya maheśasya aiśe viṣṇoś ca sarvaśaḥ /AP_39.013ab/
pūrvadevakulaṃ pīḍya prāsādaṃ svalpakaṃ tvatha

samaṃ vāpyadhikaṃ vāpi na kartavyaṃ vijānatā /AP_39.014ab/
ubhayordviguṇāṃ sīmāṃ tyaktvā cocchrayasammitāṃ

prāsādaṃ kārayedanyaṃ nobhayaṃ pīḍayedbudhaḥ /AP_39.015ab/
bhūmau tu śodhitāyāṃ tu kuryādbhumiparigrahaṃ

prākārasīmāparyantaṃ tato bhutabaliṃ haret /AP_39.016ab/
māṣaṃ haridrācūrṇantu salājaṃ dadhisaktubhiḥ

aṣṭākṣareṇa saktūṃś ca pātāyitvāṣṭadikṣu ca /AP_39.017ab/
rākṣasāś ca piśācāś ca yesmiṃstiṣṭhanti bhūtale

sarve te vyapagacchantu sthānaṃ kuryāmahaṃ hareḥ /AP_39.018ab/
halena vāhayitvā gāṃ gobhiś caivāvadārayet

pramāṇvaṣṭakenaiva trasareṇuḥ prakīrtyate //19

tair aṣṭabhistu bālāgraṃ likhyā tair aṣṭabhirmatā /AP_39.020ab/
tābhiryūkāṣṭabhiḥ khyātā tāścāṣṭau yavamadhyamaḥ

:n
1 nadyadriṣu iti kha, ga, ṅa, cihnitapustakatrayapāṭhaḥ
:p 115
yavāṣṭakair aṅgulaṃ syāccaturviṃśāṅgulaḥ karaḥ /AP_39.021ab/
caturaṅgulasaṃyuktaḥ sa hastaḥ(1) padmahastakaḥ