Agni Purana · Chapter 376

:e ity āgneye mahāpurāṇe samādhirnāma pañcasaptatyadhikatriśatatamo
'dhyāyaḥ
:p 330
% chapter {376}
:ś atha ṣaṭsaptatyadhikatriśatatamo 'dhyāyaḥ
brahmajñānaṃ
agnir uvāca
brahmajñānaṃ pravakṣyāmi saṃsārājñānamuktaye /AP_376.001ab/
ayamātmā parṃ brahma ahamasmīti mucyate

deha ātmā na bhavati dṛsyatvācca ghaṭādivat /AP_376.002ab/
prasapte maraṇe dehādātmānyo jñāyate dhruvaṃ

dehaḥ sa cedavyavaharedvikāryādisannibhaḥ /AP_376.003ab/
cakṣurādīnīndriyāṇi nātmā vai karaṇaṃ tvataḥ

mano dhīrapi ātmā na dīpavat karaṇaṃ tvataḥ /AP_376.004ab/
prāṇo 'pyātmā na bhavati suṣupte citprabhāvataḥ

jāgratsvapne ca caitanyaṃ saṅkīrṇatvānna budhyate /AP_376.005ab/
vijñānarahitaḥ prāṇaḥ suṣupte jñāyate yataḥ

ato nātmendriyaṃ tasmādintriyādikamātmanaḥ /AP_376.006ab/
ahaṅkāro 'pi naivātmā dehavadvyabhicārataḥ

uktebhyo vyatirikto 'yamātmā sarvahṛdi sthitaḥ /AP_376.007ab/
sarvadraṣṭā ca bhoktā ca naktamujjvaladīpavat

samādhyārambhakāle ca evaṃ sañcintayenmuniḥ /AP_376.008ab/
yato brahmaṇa ākāśaṃ khādvāyurvāyuto 'nalaḥ

agnerāpo jalātpṛthvī tataḥ sūkṣmaṃ śarīrakaṃ /AP_376.009ab/
apañcīkṛtabhūtebhya āsan pañcīkṛtānyataḥ

:p 331
sthūlaṃ śarīraṃ dhyātvāsmāllayaṃ brahmaṇi cintayet /AP_376.010ab/
pañcīkṛtāni bhūtāni tatkāryañca virāṭsmṛtam

etat sthūlaṃ śarīraṃ hi ātmano jñānakalpitaṃ /AP_376.011ab/
indriyair atha vijñānaṃ dhīrā jāgaritaṃ viduḥ

viśvastadabhimānī syāt trayametadakārakaṃ /AP_376.012ab/
apañcīkṛtabhūtāni tatkāryaṃ liṅgamucyate

saṃyuktaṃ saptadaśabhirhiraṇyagarbhasaṃjñitaṃ /AP_376.013ab/
śarīramātmanaḥ sūkṣmaṃ liṅgamityabhidhīyate

jāgratsaṃskārajaḥ svapnaḥ pratyayo viṣayātmakaḥ /AP_376.014ab/
ātmā tadupamānī styāttaijaso hy aprapañcataḥ

sthūlasūkṣmaśarīrākhyadvayasyaikaṃ hi kāraṇaṃ /AP_376.015ab/
ātmā jñānañca sābhāsaṃ tadadhyāhṛtamucyate

na sannāsanna sadasadetatsāvayavaṃ na tat /AP_376.016ab/
nirgatāvayavaṃ neti nābhinnaṃ bhinnameva ca

bhinnābhinnaṃ hy anirvācyaṃ bandhasaṃsārakārakaṃ /AP_376.017ab/
ekaṃ sa brahma vijñānāt prāptaṃ naiva ca karmabhiḥ

sarvātmanā hīndriyāṇāṃ saṃhāraḥ kāraṇātmanāṃ /AP_376.018ab/
buddheḥ sthānaṃ suṣuptaṃ syāttaddvayasyābhimānavān

prājña ātmā trayañcaitat makāraḥ praṇavaḥ smṛtaḥ /AP_376.019ab/
akāraś ca ukāro 'sau makāro hy ayameva ca

ahaṃ sākṣī ca cinmātro jāgratsvapnādikasya ca /AP_376.020ab/
nājñānañcaiva tatkāryaṃ saṃsārādikabandhanaṃ

nityaśuddhabandhamuktasatyamānandamadvayaṃ /AP_376.021ab/
:p 332
brahmāhamasmyahaṃ brahma paraṃ jyotirvimukta oṃ

ahaṃ brahma paraṃ jñānaṃ samādhirbandhaghātakaḥ /AP_376.022ab/
ciramānandakaṃ brahma satyaṃ jñānamanantakaṃ

ayamātmā parambrahma tad brahma tvamasīti ca /AP_376.023ab/
guruṇā bodhito jīvo hy ahaṃ brahmāsmi vāhyataḥ

so 'sāvādityapuruṣaḥ so 'sāvahamakhaṇḍa oṃ /AP_376.024ab/
mucyate 'sārasaṃsārādbrahmajño brahma tadbhavet