Agni Purana · Chapter 377

:e ity āgneye mahāpurāṇe brahmajñānaṃ nāma
ṣaṭsaptatyadhikatriśatatamo 'dhyāyaḥ
% chapter {377}
:ś atha saptasaptatyadhikatriśatatamo 'dhyāyaḥ
brahmajñānaṃ
agnir uvāca
ahaṃ brahma paraṃ jyotiḥ pṛthivyavanalojjhitaṃ /AP_377.001ab/
ahaṃ brahma paraṃ jyotirvāyvākāśavivarjitaṃ

ahaṃ brahma paraṃ jyotirādikāryavivarjitam /AP_377.002ab/
ahaṃ brahma paraṃ jyotirvirāḍātmavivarjitaṃ

ahaṃ brahma paraṃ jyotirjāgratsthānavivarjitam /AP_377.003ab/
ahaṃ brahma paraṃ jyotirviśvabhāvavivarjitam

ahaṃ brahma paraṃ jyotirākārākṣaravarjitaṃ /AP_377.004ab/
ahaṃ brahma paraṃ jyotirvākpāṇyaṅghrivivarjitam

:p 333
ahaṃ brahma paraṃ jyotiḥ pāyūpasthavivarjitaṃ /AP_377.005ab/
ahaṃ brahma paraṃ jyotiḥ śrotratvakcakṣurujjhitaṃ

ahaṃ brahma paraṃ jyotīrasarūpavivarjitam /AP_377.006ab/
ahaṃ brahma paraṃ jyotiḥ sarvagandhavivarjitam

ahaṃ brahma paraṃ jyotirjihvāghrāṇavivarjitaṃ /AP_377.007ab/
ahaṃ brahma paraṃ jyotiḥ sparśaśabdavivarjitaṃ

ahaṃ brahma paraṃ jyotirmanobuddhivivarjitaṃ /AP_377.008ab/
ahaṃ brahma paraṃ jyotiścittāhaṅkāravarjitaṃ

ahaṃ brahma paraṃ jyotiḥ prāṇāpānavivarjitaṃ /AP_377.009ab/
ahaṃ brahma paraṃ jyotirvyānodānavivarjitaṃ

ahaṃ brahma paraṃ jyotiḥ samānaparivarjitaṃ /AP_377.010ab/
ahaṃ brahma paraṃ jyotirjarāmaraṇavarjitaṃ

ahaṃ brahma paraṃ jyotiḥ śokamohavivarjitaṃ /AP_377.011ab/
ahaṃ brahma paraṃ jyotiḥ kṣutpipāsāvivarjitaṃ

ahaṃ brahma paraṃ jyotiḥ śabdodbhūtādivarjitaṃ /AP_377.012ab/
ahaṃ brahma paraṃ jyotirhiraṇyagarbhavarjitaṃ

ahaṃ brahma paraṃ jyotiḥ svapnāvasthāvivarjitaṃ /AP_377.013ab/
ahaṃ brahma paraṃ jyotistaijasādivivarjitaṃ

ahaṃ brahma paraṃ jyotirapakārādivarjitaṃ /AP_377.014ab/
ahaṃ brahma paraṃ jyotiḥ sabhājñānavivarjitaṃ

ahaṃ brahma paraṃ jyotiradhyāhṛtavivarjitaṃ /AP_377.015ab/
ahaṃ brahma paraṃ jyotiḥ sattvādiguṇavarjitaṃ

ahaṃ brahma paraṃ jyotiḥ sadasadbhāvavarjitaṃ /AP_377.016ab/
:p 334
ahaṃ brahma paraṃ jyotiḥ sarvāvayavavarjitaṃ

ahaṃ brahma paraṃ jyotirbhedābhedavivarjitaṃ /AP_377.017ab/
ahaṃ brahma paraṃ jyotiḥ suṣuptisthānavarjitam

ahaṃ brahma paraṃ jyotiḥ prājñabhāvavivarjitam /AP_377.018ab/
ahaṃ brahma paraṃ jyotirmakārādivivarjitam

ahaṃ brahma paraṃ jyotirmānameyavivarjitam /AP_377.019ab/
ahaṃ brahma paraṃ jyotirmitimāhṛvivarjitam

ahaṃ brahma paraṃ jyotiḥ sākṣitvādivivarjitam /AP_377.020ab/
ahaṃ brahma paraṃ jyotiḥ kāryakāraṇavarjitam

dehendriyamanobuddhiprāṇāhaṅkāravarjitaṃ /AP_377.021ab/
jāgrat sapnasuṣuptyādimuktaṃ brahma turīyakaṃ

nityaśuddhabuddhamuktaṃ satyamānandamadvayam /AP_377.022ab/
brahmāhamasmyahaṃ brahma savijñānaṃ vimukta oṃ /AP_377.022cd/
ahaṃ brahma paraṃ jyotiḥ samādhirmokṣadaḥ paraḥ