Agni Purana · Chapter 372

:e ity āgneye mahāpurāṇe yamaniyamā nāmaikasaptatyadhikatriśatatamo
'dhyāyaḥ
:p 317
% chapter {372}
:ś atha dvisaptyadhikatriśatatamo 'dhyāyaḥ
āsanaprāṇāyāmapratyāhārāḥ
agnir uvāca
āsanaṃ kamalādyuktaṃ tadbaddhvā cintayetparaṃ /AP_372.001ab/
śucau deśe pratiṣṭhāpya sthiramāsanamātmanaḥ

nātyucchritaṃ nātinīcaṃ celājinakuśottaraṃ /AP_372.002ab/
tatraikāgraṃ manaḥ kṛtvā yātacittendriyakriyaḥ

upaviśyāsane yuñjyādyogamātmaviśuddhaye /AP_372.003ab/
samakāyaśīragrīvaṃ dhārayannacalaṃ sthiraḥ

samprekṣya nāsikāgraṃ svandiśaścānavalokayan /AP_372.004ab/
pārṣṇibhyāṃ vṛṣaṇau rakṣaṃs tathā prajananaṃ punaḥ

urubhyāmuparisthāpya vāhū tiryak prayatnataḥ /AP_372.005ab/
dakṣiṇaṃ karapṛṣṭhañca nyaseddhāmatalopari

unnamya śanakair vakraṃ mukhaṃ viṣṭabhya cāgrataḥ /AP_372.006ab/
prāṇaḥ svadehajo vāyustasyāyāmo nirodhanaṃ

nāsikāpuṭamaṅgulyā pīḍyaiva ca pareṇa ca /AP_372.007ab/
ādaraṃ recayedvāyuṃ recanādrecakaḥ smṛtaḥ

vāhyena vāyunā dehaṃ dṛtivat pūrayedyathā /AP_372.008ab/
tathā purṇaś ca santiṣṭhet pūraṇāt pūrakaḥ smṛtaḥ

na bhuñcati na gṛhṇāti vāyumantarvāhiḥsthitam /AP_372.009ab/
sampūrṇakumbhavattiṣṭhedacalaḥ sa tu kumbhakaḥ

:p 318
kanyakaḥ(1) sakṛdudghātaḥ sa vai dvādaśamātrikaḥ /AP_372.010ab/
madhyamaś ca dvirudghātaś caturviṃśatimātrikaḥ

uttamaś ca trirudghātaḥ ṣaṭtriṃśattālamātrikaḥ /AP_372.011ab/
svedakampābhidhātānām jananaścottamottamaḥ

ajitānnāruhedbhūmiṃ hikkāśvāsādayas tathā /AP_372.012ab/
jite prāṇe khalpadojavinmūtrādi prajāyate

ārogyaṃ śīghragāmitvamutsāhaḥ svarasauṣṭhavam /AP_372.013ab/
balavarṇaprasādaś ca sarvadoṣakṣayaḥ phalaṃ

japadhyānaṃ vināgarbhaḥ sa garbhastatsamanvitaḥ /AP_372.014ab/
indriyāṇāṃ jayārthāya sa garbhaṃ dhārayetparaṃ

jñānavairāgyayuktābhyāṃ prāṇāyāmavaśena ca /AP_372.015ab/
indriyāṃś ca vinirjitya sarvameva jitaṃ bhavet

indriyāṇyeva tatsarvaṃ yat svarganarakāvubhau /AP_372.016ab/
nigṛhītavisṛṣṭāni svargāya narakāya ca

śarīraṃ rathamityāhurindriyāṇyasya vājinaḥ /AP_372.017ab/
manaś ca sārathiḥ proktaḥ prāṇāyāmaḥ kaśaḥ(2)smṛtaḥ

jñānavairāgyaraśmibhyāṃ sāyayā vidhṛtaṃ manaḥ /AP_372.018ab/
śanair niścalatām eti prāṇāyāmaikasaṃhitam

jalavinduṃ kuśāgreṇa māse māse pivettu yaḥ /AP_372.019ab/
saṃvatsaraśataṃ sāgraṃ prāṇayāmaś ca tatsamaḥ

indriyāṇi prasaktāni praviśya viṣayodadhau /AP_372.020ab/
:n
1 kanyasa iti ña..
2 prāṇāyāmo 'ṅkuśa iti jha..
:p 319
āhṛtya yo nigṛhṇāti pratyāhāraḥ sa ucyate

uddharedātmanātmānaṃ majjamānaṃ yathāmbhasi /AP_372.021ab/
bhoganadyativegena(1) jñānavṛkṣaṃ samāśrayet