Agni Purana · Chapter 371

:e ity āgneye mahāpurāṇe narakanirūpaṇaṃ nāma
saptatyadhikatriśatatamo 'dhyāyaḥ
% chapter {371}
:ś athaikasaptatyadhikatriśatatamo 'dhyāyaḥ
yamaniyamāḥ
agnir uvāca
saṃsāratāpamuktyarthaṃ vakṣyāmy aṣṭāṅgayogakaṃ /AP_371.001ab/
brahmaprakāśakaṃ jñānaṃ(1) yogastatraikacittatā

cittavṛttirnirodhaś ca jīvabrahmātmanoḥ paraḥ /AP_371.002ab/
ahiṃsā satyamasteyaṃ brahmacaryāparigrahau

yamāḥ pañca smṛtā niyamādbhuktimuktidāḥ /AP_371.003ab/
śaucaṃ santoṣatapasī svādhyāyeśvarapūjane

bhūtāpīḍā hy ahiṃsā syādahiṃsā dharma uttamaḥ /AP_371.004ab/
yathā gajapade 'nyāni(2) padāni pathagāmināṃ(3)

evaṃ sarvamahiṃsāyāṃ dharmārthamabhidhīyate /AP_371.005ab/
udvegajananaṃ hiṃsā santāpakaraṇantathā

rukkṛtiḥ śonitakṛtiḥ paiśunyakaraṇantathā /AP_371.006ab/
:n
1 brahmaprakāśanaṃ jñānamiti ña..
2 yathā nāgapade 'nyānīti ka..
3 padagāmināmiti kha.. , ja.. ca
:p 314
hitasyātiniṣedhaś ca marmodghāṭanameva ca

sukhāpahnutiḥ saṃrodho badho daśavithā ca sā /AP_371.007ab/
yadbhūtahitamatyantaṃ vacaḥ satyasya lakṣaṇaṃ

satyaṃ brūyātpriyaṃ brūyānna brūyātsatyamapriyaṃ /AP_371.008ab/
priyañca nānṛtaṃ brūyādeṣa dharmaḥ sanātanaḥ

maithunasya parityāgo brahmacaryantadaṣṭadhā /AP_371.009ab/
smaraṇaṃ kīrtanaṃ keliḥ prekṣyaṇaṃ guhyabhāṣaṇaṃ

saṅkalpo 'dhyavasāyaś ca kriyānirvṛttireva ca /AP_371.010ab/
etanmaithunamaṣṭāṅgaṃ pravadanti manīṣiṇaḥ

brahmacaryaṃ kriyāmūlamanyathā viphalā kriyā /AP_371.011ab/
vasiṣṭhaś candramāḥ śukro devācāryaḥ pitāmahaḥ

tapovṛddhā vayovṛddhāste 'pi strībhirvimohitāḥ /AP_371.012ab/
gauḍī paiṣṭī ca mādhvī ca vijñeyāstrividhāḥ surāḥ

caturthī strī surā jñeyā yayedaṃ mohitaṃ jagat /AP_371.013ab/
mādyati pramadāṃ dṛṣṭvā surāṃ pītvā tu mādyati

yasmāddṛṣṭamadā nārī tasmāttānnāvalokayet /AP_371.014ab/
yadvā tadvāparadravyamapahṛtya balānnaraḥ

avaśyaṃ yāti tiryaktvaṃ jagdhvā caivāhutaṃ haviḥ /AP_371.015ab/
kaupīnācchādanaṃ vāsaḥ kanthāṃ śītanivāriṇīṃ

pāduke cāpi gṛhṇīyāt kuryānnānyasya saṃgrahaṃ /AP_371.016ab/
dehasthitinimittasya vastrādeḥ syātparigrahaḥ

śarīraṃ dharmasaṃyuktaṃ rakṣaṇīyaṃ prayatnataḥ /AP_371.017ab/
śaucantu dvividhaṃ proktaṃ vāhyamabhyantaraṃ tathā

:p 315
gṛjjalābhyāṃ smṛtaṃ vāhyaṃ bhāvaśuddherathāntaraṃ /AP_371.018ab/
ubhayena śuciryastu sa śucirnetaraḥ śuciḥ

yathā kathañcitprāptyā ca santoṣastuṣṭirucyate /AP_371.019ab/
manasaścendriyāṇāñca aikāgryaṃ tapa ucyate

tajjayaḥ sarvadharmebhyaḥ sa dharmaḥ para ucyate /AP_371.020ab/
vācikaṃ mantrajapyādi mānasaṃ rāgavarjanaṃ

śārīraṃ devapūjādi sarvadantu tridhā tapaḥ /AP_371.021ab/
praṇavādyāstato vedāḥ praṇave paryavasthitāḥ

vāṅmayaḥ praṇavaḥ sarvaṃ tasmātpraṇavamabhyaset /AP_371.022ab/
akāraś ca tathokāro makāraścārdhamātrayā

tisro mātrāstrayo vedāḥ lokā bhūrādayo guṇāḥ /AP_371.023ab/
jāgratsvapnaḥ suṣuptiś ca brahmaviṣṇumaheśvarāḥ

pradyumnaḥ śrīrvāsudevaḥ sarvamoṅgārakaḥ kramāt /AP_371.024ab/
amātro naṣṭamātraś ca dvaitasyāpagamaḥ śivaḥ

oṅkāro vidito yena sa munirnetaro muniḥ /AP_371.025ab/
caturthī mātrā gāndhārī prayuktā mūrdhnilakṣyate

tatturīyaṃ paraṃ brahma jyotirdīpo ghaṭe yathā /AP_371.026ab/
tathā hṛtpadmanilayaṃ dhyāyennityaṃ japennaraḥ

praṇavo dhanuḥ śaro hy ātmā brahma tallakṣyamucyate /AP_371.027ab/
apramattena veddhavyaṃ śaravattanmayo bhavet

etedekākṣaraṃ brahma etadekākṣaraṃ paraṃ /AP_371.028ab/
detadekākṣaraṃ jñātvā yo yadicchati tasya tat

chando 'sya devī gāyatrī antaryāmī ṛṣiḥ smṛtaḥ /AP_371.029ab/
:p 316
devatā paramātmāsya niyogo bhuktimuktaye

bhūragnyātmane hṛdayaṃ bhuvaḥ prājāpatyātmane /AP_371.030ab/
śiraḥ svaḥsūryātmane ca śikhā kavacamucyate

oṃbhūrbhuvaḥ svaḥkavacaṃ satyātmane tato 'strakaṃ /AP_371.031ab/
vinyasya pūjayedviṣṇuṃ japedvai bhuktimuktaye

juhuyācca tilājyādi sarvaṃ sampadyate nare /AP_371.032ab/
yastu dvādaśasāhasraṃ japamanvahamācaret

tasya dvādaśabhirmāsaiḥ paraṃ brahma prakāśate /AP_371.033ab/
animādi koṭijapyāllakṣātsārasvatādikaṃ

vaidikastāntriko miśro viṣṇārvai trividho makhaḥ /AP_371.034ab/
trayānāmīpsitenaikavidhinā harimarcayet

praṇamya daṇḍavadbhūmau namaskāreṇa yo 'rcayet /AP_371.035ab/
sa yāṅgatimavāpnoti na tāṃ kratuśatair api

yasya deve parā bhaktiryathā deve tathā gurau /AP_371.036ab/
tasyaite kathitā hy arthāḥ prakāśante mahātmanaḥ