Agni Purana · Chapter 370

:e ity āgneye mahāpurāṇe śarīrāvayavā nāmo na
saptatyadhikatriśatatamo 'dhyāyaḥ
% chapter {370}
:ś athasapratyadhikatriśatatamo 'dhyāyaḥ
narakanirūpaṇam
agnir uvāca
uktāni yamamārgāṇi vakṣye 'tha maraṇe nṛṇāṃ /AP_370.001ab/
ūṣmā prakupitaḥ kāye tīvravāyusamīritaḥ

śarīramuparudhyātha kṛtsnāndoṣānruṇaddhi vai /AP_370.002ab/
chinatti prāṇasthānāni punarmarmāṇi caiva hi

śaityāt prakupito vāyuśchidramanviṣyate tataḥ /AP_370.003ab/
dve netre dvau tathā karṇau dvau tu nāsāpuṭau tathā

ūrdhvantu sapta cchidrāṇi aṣṭamaṃ vadanaṃ tathā /AP_370.004ab/
etaiḥ prāṇo viniryāti prāyaśaḥ śubhakarmaṇāṃ

adhaḥ pāyurupasthañca anenāśubhakāriṇāṃ /AP_370.005ab/
:n
1 piṇḍaṃ kṛtvā tuvnyasediti ña..
:p 310
mūrdhānaṃ yogino bhittvā jīvo yātyatha cecchayā

antakāle tu samprāpre prāṇe 'pānamupasthite /AP_370.006ab/
tamasā saṃvṛte jñāne saṃvṛteṣu ca marmasu

sa jivo nābhyadhiṣṭānaścālyate mātariśvanā /AP_370.007ab/
bādhyamāṇaścānayate aṣṭāṅgāḥ prāṇavṛttikāḥ

cyavantaṃ jāyamānaṃ vā praviśantañca yoniṣu /AP_370.008ab/
prapaśyanti ca taṃ siddhā devā divyena cakṣupā

gṛhṇāti tatkṣaṇādyoge śarīrañcātivāhikam /AP_370.009ab/
ākāśavāyutejāṃsi vigrahādūrdhvagāminaḥ

jalaṃ mahī ca pañcatvamāpannaḥ puruṣaḥ smṛtaḥ /AP_370.010ab/
ātivāhikadehantu yamadūtā nayanti taṃ

yāmyaṃ mārgaṃ mahāghoraṃ ṣaḍaśītisahasrakam /AP_370.011ab/
annodakaṃ nīyamāno bāndhavair dattamaśnute

yamaṃ dṛṣṭvā yamoktena citraguptena ceritān /AP_370.012ab/
prāpnoti narakānraudrāndharmī śubhapathair divam

bhujyante pāpibhirvakṣye narakāṃstāś ca yātanāḥ /AP_370.013ab/
aṣṭāviṃśatirevādhaḥkṣiternarakakoṭayaḥ

saptamasya talasyānte ghore tamasi saṃsthitāḥ /AP_370.014ab/
ghorākhyā prathamākoṭiḥ sughorā tadadhaḥsthitā

atighorā mahāghorā ghorarūpā ca pañcamī /AP_370.015ab/
ṣaṣṭhī taralatārākhyā saptamī ca bhayānakā

bhayotkaṭā kālarātrī mahācaṇḍā ca caṇḍayā /AP_370.016ab/
kolāhalā pracaṇḍākhyā padmā narakanāyikā

:p 311
padmāvatī bhīṣaṇā ca bhīmā caiva karālikā /AP_370.017ab/
vikarālā mahāvajrā trikoṇā pañcakoṇikā

sadīrghā vartulā saptabhūmā caiva subhūmikā /AP_370.018ab/
dīptamāyāṣṭāviṃśatayaḥ koṭayaḥ pāpiduḥkhadāḥ

aṣṭāviṃśatikoṭīnāṃ pañca pañca ca nāyakāḥ /AP_370.019ab/
rauravādyāḥ śatañcaikaṃ catvāriṃśaccatuṣṭayaṃ

tāmiśramandhatāmiśraṃ mahārauravarauravau /AP_370.020ab/
asipatraṃ vanañcaiva lohabhāraṃ tathaiva ca

narakaṃ kālasūtrañca mahānarakameva va /AP_370.021ab/
sañjīvanaṃ mahāvīci tapanaṃ sampratāpanaṃ

saṅghātañca sakākolaṃ kudmalaṃ pūtimṛttikaṃ /AP_370.022ab/
lohaśaṅkumṛjīṣañca pradhānaṃ śālmalīṃ nadīm

narakānviddhi koṭīśanāganvai ghoradarśanān /AP_370.023ab/
pātyante pāpakarmāṇa ekaikasminbahuṣvapi

mārjārolūkagomāyugṛghrādivadanāś ca te /AP_370.024ab/
tailadroṇyāṃ naraṃ kṣiptvā jvālayanti hutāśanaṃ

ambarīṣeṣu caivānyāṃstāmrapātreṣu cāparān /AP_370.025ab/
ayaḥpātreṣu caivānyān bahuvahnikaṇeṣu ca

śūlāgrāropitāścānye chidyante narake 'pare /AP_370.026ab/
tāḍyante ca kaśābhistu bhojyante cāpyayoguḍān

yamadūtair narāḥ pāṃśūnviṣṭhāraktakaphādikān /AP_370.027ab/
taptaṃ madyaṃ pāyayanti pāṭayanti punarnarān

yantreṣu pīḍayanti sma bhakṣyante vāyasādibhiḥ /AP_370.028ab/
:p 312
tailenoṣṇena sicyante chidyante naikaghā śiraḥ

hā tāteti krandamānāḥ svakannidanti karma te /AP_370.029ab/
mahāpātakajānghorānnarakānprāpya garhitān

karmakṣayātprajāyante mahāpātakinastviha /AP_370.030ab/
mṛgaśvaśūkaroṣṭrāṇāṃ brahmahā yonimṛcchati

kharapukkaśamlecchānāṃ madyapaḥ svarṇahāryapi /AP_370.031ab/
kṛmikīṭapataṅgatvaṃ gurugastṛṇagulmatāṃ

brahmahā kṣayarogī syāt surāpaḥ śyāvadantakaḥ /AP_370.032ab/
svarṇahārī tu kunakhī duś carmā gurutalpagaḥ

yo yena saṃspṛśatyeṣāṃ sa talliṅgo 'bhijāyate /AP_370.033ab/
annahartā māyāvī syānmūko vāgapahārakaḥ

dhānyaṃ hṛtvātiriktāṅgaḥ piśunaḥ pūtināsikaḥ /AP_370.034ab/
tailahṛttailapāyī syāt pūtivaktrastu sūcakaḥ

parasya yoṣitaṃ hṛtvā brahmasvamapahṛtya ca /AP_370.035ab/
araṇye nirjane deśe jāyate brahmarākṣasaḥ

ratnahārī hīnajātirgandhān chuchundarī śubhān /AP_370.036ab/
patraṃ śākaṃ śikhī hṛtvā mukharo dhānyahārakaḥ

ajaḥ paśuṃpayaḥ kāko yānamuṣṭraḥ(1) phalaṃ kapiḥ /AP_370.037ab/
madhu daṃśaḥ phalaṃ gṛdhro gṛhakāka upaskaraṃ

śivatrī vastraṃ sārasañca jhallī lavaṇahārakaḥ /AP_370.038ab/
ukta ādhyātmikastāpaḥ śastrādyair ādhibhautikaḥ

grahāgnidevapīḍādyair ādhikaivika īritaḥ /AP_370.039ab/
:n
1 yānaṃ vasta+iti kha..
:p 313
trithā tāpaṃ hi saṃsāraṃ jñānayogādvināśayet /AP_370.039cd/
kṛcchrair vrataiś ca dānādyair viṣṇupūjādibhirnaraḥ