Agni Purana · Chapter 367

:e ity āgneye mahāpurāṇe sāmānyanāmaliṅgāni nāma
ṣaṭṣaṣṭyadhikatriśatatamo 'dhyāyaḥ ||
:p 298
% chapter {367}
:ś atha saptaṣaṣṭyadhikatriśatatamo 'dhyāyaḥ
nityanaimīttikaprākṛtapralayāḥ
agnir uvāca
caturvidhastu pralayo nityo yaḥ prāṇināṃ layaḥ /AP_367.001ab/
sadā vināśo jātānāṃ brāhmo naimittiko layaḥ

caturyugasahasrānte prākṛtaḥ prākṛto layaḥ /AP_367.002ab/
laya ātyantiko jñānādātmanaḥ paramātmani

naimittikasya kalpānte vakṣye rūpaṃ layasya te /AP_367.003ab/
caturyugasahasrānte kṣīṇaprāye mahītale

anāvṛṣṭiratīvogrā jāyate śatavārṣikī /AP_367.004ab/
tataḥ sattvakṣayaḥ syācca tato viṣṇurjagatpatiḥ

sthito jalāni pivati bhānoḥ saptasu raśmiṣu /AP_367.005ab/
bhūpātālasamudrāditoyaṃ nayati saṃkṣayaṃ

tatastasyānubhāvena toyāhāropavṛṃhitāḥ /AP_367.006ab/
ta eva raśmayaḥ sapta jāyante sapta bhāskarāḥ

dahanty aśeṣaṃ trailokyaṃ sapātālatalaṃ dvija /AP_367.007ab/
kūrmapṛṣṭhasamā bhūḥ syāttataḥ kālāgnirudrakaḥ

śeṣāhiśvāsasampātāt pātālāni dahatyadhaḥ /AP_367.008ab/
pātālebhyo bhuvaṃ viṣṇurbhuvaḥ svargaṃ dahatyataḥ

ambarīṣamivābhāti trailokyamakhilaṃ tathā /AP_367.009ab/
tatastāparītāstu lokadvayanivāsinaḥ

:p 299
gācanti te maharlokaṃ maharlokājjanaṃ tataḥ /AP_367.010ab/
rudrarūpī jagaddagdhvā mukhaniśvāsato hareḥ

uttiṣṭanti tato medhā nānārūpāḥ savidyutaḥ /AP_367.011ab/
śataṃ varṣāṇi varṣantaḥ śamayantyagnimutthitam

saptarṣisthānamākramya sthite 'mbhasi śataṃ marut /AP_367.012ab/
mukhaniśvāsato viṣṇornāśaṃ nayati tānghanān

vāyuṃ pītvā hariḥ śeṣe śete caikārṇave prabhuḥ /AP_367.013ab/
brahmarūpadharaḥ siddhair jalagair munibhistutaḥ

ātmamāyāmayīṃ divyāṃ yoganidrāṃ samāsthitaḥ /AP_367.014ab/
ātmānaṃ vasidevākhyaṃ cintayanmadhusūdanaḥ

kalpaṃ śete prabuddho 'tha brahmarūpī sṛjaty asau /AP_367.015ab/
dviparārdhantato vyaktaṃ prakṛtau līyate dvija

sthānāt sthānaṃ daśaguṇamekasmādguṇyate sthale /AP_367.016ab/
tato 'ṣṭādaśame bhāge parārdhamabhidhīyate

parārdhaṃ dviguṇaṃ yattu prākṛtaḥ pralayaḥ smṛtaḥ /AP_367.017ab/
anāvṛṣṭyāgnisamparkāt kṛte saṃjvalane dvija

mahadādervikārasya viśeṣāntasya saṃkṣaye /AP_367.018ab/
kṛṣṇecchākārite tasmin samprāpte pratisañcare

āpo grasanti vai pūrvaṃ bhūmirgandhādikaṃ guṇaṃ /AP_367.019ab/
ātmagandhāttato bhūmiḥ pralayatvāya kalpate

rasātmikāś ca tiṣṭhanti hy āpastāsāṃ raso guṇaḥ /AP_367.020ab/
pīyate jyotiṣā tāsu naṣṭāsvagniś ca dīpyate

jyotiṣo 'pi guṇaṃ rūpaṃ vāyurgrasati bhāskaraṃ /AP_367.021ab/
:p 300
naṣṭe jyotiṣi vāyuś cabalī dodhūyate mahān

vāyorapi guṇaṃ sparśamākāśaṃ grasate tataḥ /AP_367.022ab/
vāyau naṣṭe tu cākāśannīravaṃ tiṣṭhati dvija

ākāśasyātha vai śabdaṃ bhūtādirgrasate ca khaṃ /AP_367.023ab/
abhimānātmakaṃ khañca bhūtādiṃ grasate mahān

bhūmiryāti layañcāpsu āpo jyotiṣi tadbrajet /AP_367.024ab/
vāyau vāyuś ca khe khañca ahaṅkāre layaṃ sa ca

mahāttatve mahāntañca prakṛtirgrasate dvija /AP_367.025ab/
vyaktāvyaktā ca prakṛtirvyaktasyāvyaktake layaḥ

pumāne kākṣaraḥ śuddhaḥ so 'pyaṃśaḥ paramātmanaḥ /AP_367.026ab/
prakṛtiḥ puruṣaś caitau līyete paramātmani

na santi yatra sarveśe nāmajātyādikalpanāḥ /AP_367.027ab/
sattāmātrātmake jñeye jñānātmanyātmahaḥ pare