Agni Purana · Chapter 361

:e ity āgneye mahāpurāṇe avyayavargā nāma
ṣaṣṭyadhikatriśatatamo 'dhyāyaḥ
% chapter {361}
:ś athaikaṣaṣṭyadhikatriśatatamo 'dhyāyaḥ
nānārthavargāḥ
agnir uvāca
ākāśe tridive nāko lokastu bhavane jane /AP_361.001ab/
padye yaśasi ca ślokaḥśare khaḍge ca sāyakaḥ

ānakaḥ paṭaho bherī kalaṅko 'ṅkāpavādayoḥ /AP_361.002ab/
mārute vedhasi vradhne puṃsi kaḥ kaṃ śiro 'mbunoḥ

syāt pulākastucchadhānye saṃkṣepe bhaktasikthake /AP_361.003ab/
mahendraguggulūlūkavyālagrāhiṣu kauśikaḥ

śālāvṛkau kapiśvānau mānaṃ syānmitisādhanaṃ /AP_361.004ab/
sargaḥ svabhāvanirmokṣaniś cayādhyāyasmṛṣṭiṣu

yogaḥ sannahanopāyadhyānasaṅgatiyuktiṣu /AP_361.005ab/
:p 276
bhogaḥ sukhe stryādibhṛtāvabjau śaṅkaniśākarau

kāke bhagaṇḍau karaṭau duś carmā śipiviṣṭakaḥ /AP_361.006ab/
riṣṭaṃ kṣemāśubhābhāveṣvariṣṭe tu śubhāśubhe

vyuṣṭiḥ phale samṛddhau ca dṛṣṭirjñāne 'kṣṇi darśane /AP_361.007ab/
niṣṭhāniṣpattināśāntāḥ kāṣṭhotkarṣe sthitau diśi

bhūgovācastviḍā ilāḥ pragāḍhaṃ bhṛṣakṛcchrayoḥ /AP_361.008ab/
bhṛśapratijñayorvāḍhaṃ śaktasthūlau dṛḍhau triṣu

vinyastasaṃhatau vyūḍhau kṛṣṇo vyāse 'rjune harau /AP_361.009ab/
paṇo dūyatādiṣūtsṛṣṭe bhṛtau mūlye dhane 'pi ca

maurvyāṃ dravyāśrite satvaśuklasandhyādike guṇaḥ /AP_361.010ab/
śreṣṭhe 'dhipe grāmaṇīḥ syāt jugpsākaruṇe ghṛṇe

tṛṣṇā spṛhāpipāse dve vipaṇiḥ syādvaṇikpathe /AP_361.011ab/
viṣābhimaraloheṣu tīkṣṇaṃ klīve khare triṣu

pramāṇaṃ hetumaryādāśāstreyattāpramātṛṣu /AP_361.012ab/
karaṇaṃ kṣetragātrādāvīriṇaṃ śūnyamūṣaraṃ

yantā hastipake sūte vahnijvālā ca hetayaḥ /AP_361.013ab/
srutaṃ śāstrāvadhṛtayoryugaparyāptayoḥ kṛtaṃ

khyāte hṛṣṭe pratīto 'bhijātastu kulaje budhe /AP_361.014ab/
viviktau pūtavijanau mūrchitau mūḍsocchayau

artho 'bhidheyaraivastuprayojananivṛttiṣu /AP_361.015ab/
nidānāgamayostīrthamṛṣijuṣṭajale gurau

prādhānye rājaliṅge ca vṛṣāṅge kakudo 'striyāṃ /AP_361.016ab/
strī sambijjñānasambhāṣākriyākārājināmasu

:p 277
dharme rahasyupaniṣat syādṛtau vatsare śarat /AP_361.017ab/
padaṃ vyavasititrāṇasthānalakṣmāṅghrivastuṣu

triṣvaṣṭamadhurau svādū mṛdū cātīkṣṇakomalau /AP_361.018ab/
satye sādhau vidyamāne praśaste 'bhyarhite ca sat

vidhirvidhāne daive 'pi praṇidhiḥ prārthane care /AP_361.019ab/
vadhūrjāyā snuṣā ca sudhālepo 'mṛtaṃ snuhī

spṛhā sampratyayaḥ śraddhā paṇḍitammanyagarvitau /AP_361.020ab/
brahmabandhuradhikṣepe bhānū raṣmidivākarau

grāvāṇau śailapāṣānau mūrkhanīcau pṛthagjanau /AP_361.021ab/
taruśailau śikhariṇau tanustvagdehayorapi

ātmā yatno dhṛtirvuddhiḥ svabhāvo brahmavarṣma ca /AP_361.022ab/
utthānaṃ pauruṣe tantre vyutthānaṃ pratirodhane

niryātanaṃ vairaśuddhau dāne nyāsārpaṇe 'pi ca /AP_361.023ab/
vyasanaṃ vipadi bhraśe doṣe kāmajakopaje

mṛgayākṣo divāsvapnaḥ parivādaḥ striyo madaḥ /AP_361.024ab/
tauryatrikaṃ vṛthāṭyā ca kāmajo daśako gaṇaḥ

paiśūnyaṃ sāhasaṃ droha īrṣyāsūyārthadūṣaṇam /AP_361.025ab/
vāgdaṇḍaś caiva pāruṣyaṃ krodhajo 'pi gaṇo 'ṣṭakaḥ

akarmaguhye kaupīnaṃ maithunaṃ saṅgatau ratau /AP_361.026ab/
pradhānaṃ paramārthā dhīḥ prajñānaṃ buddhicihnayoḥ

krandane rodanāhvāne varṣma dehapramāṇayoḥ /AP_361.027ab/
ārādhanaṃ sādhane syādavāptau toṣaṇe 'pi ca

ratnaṃ svajātiśreṣṭhe 'pi lakṣma cihnapradhānayoḥ /AP_361.028ab/
:p 278
kalāpo bhūṣaṇe varhe tūṇīre saṃhate 'pi ca

talpaṃ śayyāṭṭāreṣu ḍimbhau tu śiśuvāliśau /AP_361.029ab/
stambhau sthūṇājaḍībhāvau sabhye saṃsadi vai sabhā

kiraṇapragrahau raśmī dharmāḥ puṇyayamādayaḥ /AP_361.030ab/
lalāmaṃ pucchapuṇḍrāśvabhūṣāprādhānyaketuṣu

pratyayo 'dhīnaśapathajñānaviśvāsahetuṣu /AP_361.031ab/
samayāḥ śapathācārakālasiddhāntasaṃvidaḥ

atyayo 'tikrame kṛcchre satyaṃ śapathatathyayoḥ /AP_361.032ab/
vīryaṃ balaprabhāvau ca rūpyaṃ rūpe praśastake

durodaro dyūtakāre paṇe dyūte durodaraṃ /AP_361.033ab/
mahāraṇye durgapathe kāntāraḥ punnapuṃsakaṃ

yamānilendracandrārkaviṣṇusiṃhādike hariḥ /AP_361.034ab/
daro 'striyāṃ bhaye śvabhre jaṭharaḥ kaṭhine 'pi ca

udāro dātṛmahatoritarastvanyanīcayoḥ /AP_361.035ab/
cūḍā kirīṭaṃ keśāś ca saṃyatā maulayastrayaḥ

baliḥ karopahārādau sainyasthair yādike balaṃ /AP_361.036ab/
strīkaṭīvastrabandhe 'pi nīvī paripaṇe 'pi ca

śukrale mūṣike śreṣṭhe sukṛte vṛṣabhe vṛṣaḥ /AP_361.037ab/
dyūtākṣe sāriphalake 'pyākarṣo 'thākṣamindriye

nā dyūtāṅge ca karṣe ca vyavahāre kalidrume /AP_361.038ab/
ūṣṇīṣaḥ syāt kirīṭādau karṣūḥ kulyābhidhāyinī

pratyakṣe 'dhikṛte 'dhyakṣaḥ sūryavahnī vibhāvasū /AP_361.039ab/
śṛṅgārādau viṣe vīrye guṇe rāge drave rasaḥ

:p 279
tejaḥpurīṣayorvarca āgaḥ pāpāparādhayoḥ /AP_361.040ab/
chandaḥ padye 'bhilāse ca sādhīyān sādhuvāḍhayoḥ /AP_361.040cd/
vyūho vṛnde 'pyahirvṛtre 'pyagnīndvarkāstamonudaḥ