Agni Purana · Chapter 360

:e ity āgneye mahāpurāṇe svargapātālādivargā
nāmonaṣaṣṭyadhikatriśatatamo 'dhyāyaḥ
% chapter {360}
:ś atha ṣaṣṭyadhikatriśatatamo 'dhyāyaḥ
avyayavargāḥ
agnir uvāca
āṅīṣadarthe 'bhivyāptau sīmārthe dhātuyogaje /AP_360.001ab/
ā pragṛhyaḥ smṛtau vākye 'pyāstu syāt kopapīḍyoḥ

pāpakutseṣadarthe ku dhigjugupsananindayoḥ /AP_360.002ab/
cānvācayasamāhāretaretarasamuccaye

:p 272
svastyāśīḥ kṣemapuṇyādau prakarṣe laṅghane 'pyati /AP_360.003ab/
svitpraśne ca vitarke ca tu syādbhede 'vadhāraṇe

sakṛtsahaikavāre syādārāddūrasamīpayoḥ /AP_360.004ab/
pratīcyāṃ carame paścādutāpyarthavikalpayoḥ

punaḥsadārthayoḥ śaśvat sākṣāt pratyakṣatulyayoḥ /AP_360.005ab/
khedānukampāsantoṣavismayāmantraṇe vata

hanta harṣe 'nukampāyāṃ vākyārambhaviṣādayoḥ /AP_360.006ab/
prati pratinidhau vīpsālakṣaṇādau prayogataḥ

iti hetau prakaraṇe prakāśādisamāptiṣu /AP_360.007ab/
prācyāṃ purastāt prathame purārthe 'grata ity api

yāvattāvacca sākalye 'vadhau māne 'vadhāraṇe /AP_360.008ab/
maṅgalānantarārambhapraśnakārtsneṣv athotha ca

vṛthā nirarthakāvidhyornānānekobhayārthayoḥ /AP_360.009ab/
nu pṛcchāyāṃ vikalpe ca paścātsādṛśyayoranu

praśnāvadhāraṇānujñānunayāmantraṇe nanu /AP_360.010ab/
garhāsamuccayapraśnaśaṅkāsambhāvanāsv api

upamāyāṃ vikalpe vā sāmitvardhe jugupsite /AP_360.011ab/
amā saha samīpe ca kaṃ vāriṇi ca mūrdhani

ivetthamarthayorevaṃ nūnaṃ tarke 'rthaniś caye /AP_360.012ab/
tūṣṇīmarthe sukhe joṣaṃ kimpṛcchāyāṃ jugupsane

nāma prākāśyasambhāvyakrodhopagamakutsane /AP_360.013ab/
alaṃ bhūṣaṇaparyāptiśaktivāraṇavācakam

:p 273
hūṃ vitarke paripraśne samayāntikamadhyayoḥ /AP_360.014ab/
punaraprathame bhede nirniś cayaniṣedhayoḥ

syātprabandhe cirātīte nikaṭāgāmike purā /AP_360.015ab/
uraryurī corarī ca vistāre 'ṅgīkṛte trayam

svarge pare ca loke svarvārtāsambhāvayoḥ kila /AP_360.016ab/
niṣedhavākyālaṅkāre jijñāsāvasare(1) khalu

samīpobhayataḥśīghrasākalyābhimukhe 'bhitaḥ /AP_360.017ab/
nāmaprakāśayoḥ prādurmitho 'nyonyaṃ rahasyapi

tiro 'ntardhau tiryagarthe hā viṣādaśugartiṣu /AP_360.018ab/
ahahetyadbhute khede hi hetāvavadhāraṇe

cirāya cirarātrāya cirasyādyāścirārthakāḥ /AP_360.019ab/
muhuḥ punaḥ punaḥ śaśvadabhīkṣṇamasakṛt samāḥ

srāgjhaṭityañcasāhnāya sapadi drāṅmaṅkhu ca drute /AP_360.020ab/
balavat suṣṭhu kimuta vikalpe kiṃ kimūta ca

tu hi ca sma ha vai pādapūraṇe pūjanepyati /AP_360.021ab/
divāhnītyatha doṣā ca naktañca rajanāviti

tiryagarthe sāci tiro 'pyatha sambodhanārthakāḥ /AP_360.022ab/
syuḥ pyāṭpāḍṅga he hai bhoḥ samayā nikaṣā hiruk

atarkite tu sahasā syāt puraḥ purato 'grataḥ /AP_360.023ab/
svāhā devahavirdāne śrauṣaṭ vauṣaṭ vaṣaṭ svadhā

kiñcidīṣanmanāgalpe pretyāmutra bhavāntare /AP_360.024ab/
:n
1 jijñāsānunaya iti ña..
:p 274
yathā tathā caiva sāmye aho ho iti vismaye

maune tu tūṣṇīṃ tūṣṇīkaṃ sadyaḥ sapadi tatkṣaṇe /AP_360.025ab/
diṣṭyā śamupayoṣañcetyānande 'thāntare 'ntarā

antareṇa ca madhye syuḥ prasahya tu haṭārthakam /AP_360.026ab/
yukte dve sāmprataṃ sthāne 'bhīkṣṇaṃ śasvadanārate

abhāve nahyano nāpi māsma mālañca vāraṇe /AP_360.027ab/
pakṣāntare cedyadi ca tattve tv addhāñjasā dvayam

prākāśye prādurāviḥ syādomevaṃ paramaṃ mate /AP_360.028ab/
samantatastu paritaḥ sarvato viśvagityapi

akāmānumatau kāmamasūyopagame 'stu ca /AP_360.029ab/
nanu ca syādvirodhoktau kaccit kāmapravedane

niḥṣamaṃ duḥṣamaṃ garhye yathāsvantu yathāyathaṃ /AP_360.030ab/
mṛṣā mithyā ca vitathe yathārthantu yathātathaṃ

syurevantu punarvaivetyavadhāraṇavācakāḥ /AP_360.031ab/
prāgatītārthakaṃ nūnamavaśyaṃ niś caye dvayaṃ

saṃvadvarṣe 'vare tvarvāgāmevaṃ svayamātmanā /AP_360.032ab/
alpe nīcair mahatyuccaiḥ prāyobhūmny adrute śanaiḥ

sanā nitye vahirvāhye smātīte 'stamadarśane /AP_360.033ab/
asti sattve ruṣoktāvūmuṃ praśne 'nunaye tvayi

hūṃ tarke syāduṣā rātreravasāne namo natau /AP_360.034ab/
punararthe 'ṅganindāyāṃ duṣṭhu suṣṭhu praśaṃsane

sāyaṃ sāye prage prātaḥ prabhāte nikaṣāntike /AP_360.035ab/
parutparāryaisamo 'bde pūrve pūrvatare yati

:p 275
adyātrāhny atha pūrvehnītyādau pūrvottarā parāt /AP_360.036ab/
tathādharānyānyataretarātpūrvedyurādayaḥ

ubhayadyuścobhayedyuḥ pare tvahni paredyapi /AP_360.037ab/
hyo gate 'nāgate 'hni śvaḥ paraśvaḥ śvaḥpare 'hani

tadā tadānīṃ yugapadekadā sarvadā sadā /AP_360.038ab/
etarhi sampratīdānīmadhunā sāmpratantathā