Agni Purana · Chapter 354

:e ity āgneye mahāpurāṇe vyākaraṇe kārakaṃ nāma
tripañcāśadadhikatriśatatamo 'dhyāyaḥ
% chapter {354}
:ś atha catuḥpañcaśadadhikatriśatatamo 'dhyāyaḥ
samāsaḥ
skanda uvāca
ṣoḍhā samāsaṃ vakṣyāmi aṣṭāviṃśatidhā punaḥ /AP_354.001ab/
nityānityavibhāgena luglopena ca dvidhā

kumbhakāraś ca nityaḥ syāddhemakārādikas tathā /AP_354.002ab/
rājñaḥ pumān rājapumān nityo 'yañca samāsakaḥ

:n
1 arthasyeti ja..
:p 253
kaṣṭaśrito luksamāsaḥ kaṇṭhekālādikastvaluk /AP_354.003ab/
syādaṣṭadhā tatpuruṣaḥ prathamādyasupā saha

prathamātatpuruṣo 'yaṃ pūrvaṃ kāyasya vigrahe /AP_354.004ab/
pūrvakāyo 'parakāyo hy adharottarakāyakaḥ

ardhaṃ kaṇāyā ardhakaṇā bhikṣātūryamathedṛśam /AP_354.005ab/
āpannajīvikastadvat dvitīyā cādharāśritaḥ

varṣambhogyo varṣabhogyo dhānyārthaś ca tṛtīyayā /AP_354.006ab/
caturthī syādviṣṇubalirvṛkabhītiś ca pañcamī

rājñaḥ pumān rājapumān ṣaṣṭhī vṛkṣaphalaṃ tathā /AP_354.007ab/
saptamī cākṣaśauṇḍo 'yamahito nañsamāsakaḥ

karmadhārayaḥ saptadhā nīlotpalamukhāḥ smṛtāḥ /AP_354.008ab/
viśeṣaṇapūrvapado viśeṣyottaratas tathā

vaiyākaraṇakhamūciḥ śītoṣṇaṃ dvipadaṃ śubham /AP_354.009ab/
upamānapūrvapadaḥ śaṅkhapāṇḍara ity api

upamānottarapadaḥ puruśavyāghra ity api /AP_354.010ab/
sambhāvanāpūrvapado guṇavṛddhiritīdṛśam

guṇa iti vṛddhirvācyā suhṛdeva suvandhukaḥ /AP_354.011ab/
avadhāraṇapūrvapado bahubrīhiś ca saptadhā

dvipadaś ca bahuvrīhirārūḍhbhavano naraḥ /AP_354.012ab/
arcitāśeṣapūrvoyaṃ bahvaṅghriḥ parikīrtitaḥ

ete viprāścopadaśāḥ saṅkhyottarapadastvayam /AP_354.013ab/
saṅkhyobhayapado yadvaddvitrā dvyekatrayo naraḥ

sahapūrvapado 'yaṃ syāt samūloddhṛtakastaruḥ /AP_354.014ab/
:p 254
vyatihāralakṣaṇārthaḥ keśākeśi nakhānakhi

diglakṣyā syāddakṣiṇapūrvā dvigurābhāṣito dvidhā /AP_354.015ab/
ekavadbhāvi dviśṛṅgaṃ pañcamūlī tvekadhā

dvandvaḥ samāso dvividho hītaretarayogakaḥ /AP_354.016ab/
rudraviṣṇū samāhāro bherīpaṭahamīdṛśam

dvidhākhyāto 'vyayībhāvo nāmapūrvapado yathā /AP_354.017ab/
śākasya mātrā śākaprati yathāvyayapūrvakaḥ

upakumbhañcoparathyaṃ prādhānyena caturvidhaḥ /AP_354.018ab/
uttarapadārthamukhyo dvandvaścobhayamukhyakaḥ /AP_354.018cd/
pūrvārtheśo 'vyayībhāvo bahuvrīhiś ca vāhyagaḥ