Agni Purana · Chapter 344

:e ity āgneye mahāpurāṇe alaṅkāre arthālaṅkāranirūpaṇaṃ
nāma tricatvāriṃśadadhikatriśatatamo 'dhyāyaḥ
% chapter {344}
:ś atha catuś catvāriṃśadadhikatriśatatamo 'dhyāyaḥ
śabdārthālaṅkārāḥ
agnir uvāca
śabdārthayoralaṅkāro dvāvalaṅkurute samaṃ /AP_344.001ab/
ekatra nihito hāraḥ stanaṃ grīvāmiva striyāḥ

praśastiḥ kāntiraucityaṃ saṃkṣepo yāvadarthatā /AP_344.002ab/
abhivyaktiriti vyaktaṃ ṣaḍbhedāstasya jāgrati

praśastiḥ paravanmarmadravīkaraṇakarmaṇaḥ /AP_344.003ab/
vāco yuktirdvidhā sā ca premoktistutibhedataḥ

:p 227
premoktistutiparyāyau priyoktiguṇakīrtane /AP_344.004ab/
kāntiḥ sarvamanorucyavācyavāttakasaṅgatiḥ

yathā vastu tathā rītiryathā vṛttis tathā rasaḥ /AP_344.005ab/
ūrjasvimṛdusandarbhādaucityamupajāyate

saṃkṣepo vācakair alpair vahorarthasya saṃgrahaḥ /AP_344.006ab/
anyūnādhikatā śabdavastunoryāvadarthatā

prakaṭatvamabhivyaktiḥ śrutirākṣepa ity api /AP_344.007ab/
tasyā bhedau śrutistatra śabdaṃ svārthasamarpaṇam

bhavennaimittikī pāribhāṣikī dvividhaiva sā /AP_344.008ab/
saṅketaḥ paribhāṣeti tataḥ syāt pāribhāṣikī

mukhyaupacārikī ceti sā ca sā ca dvidhā dvidhā /AP_344.009ab/
svābhidheyaskhaladvṛttiramukhyārthasya vācakaḥ

yayā śabdo nimittena kenacitsaupacārikī /AP_344.010ab/
sā ca lākṣaṇikī gauṇī lakṣaṇāguṇayogataḥ

abhidheyāvinābhūtā pratītir lakṣaṇocyate /AP_344.011ab/
abhidheyena sambandhātsāmīpyātsamavāyataḥ

vaiparītyātkriyāyogāllakṣaṇā pañcadhā matā /AP_344.012ab/
gauṇīguṇānāmānantyādanantā tadvivakṣayā

anyadharmastato 'nyatra lokasīmānurodhinā /AP_344.013ab/
samyagādhīyate yatra sa samādhiriha smṛtaḥ

śrūteralabhyamāno 'rtho yasmādbhāti sacetanaḥ /AP_344.014ab/
sa ākṣepo dhaniḥ syācca dhvaninā vyajyate yataḥ

śabdenārthena yatrārthaḥ kṛtvā svayamupārjanam /AP_344.015ab/
:p 228
pratiṣedha iveṣṭasya yo viśeṣo 'bhidhitsayā

tamākṣepaṃ vruvantyatra stutaṃ stotramidaṃ punaḥ /AP_344.016ab/
adhikārādapetasya vastuno 'nyasya yā stutiḥ

yatroktaṃ gamyate nārthastatsamānaviśeṣaṇaṃ /AP_344.017ab/
sā samāsokitiruditā saṅkṣepārthatayā budhaiḥ

apahnutirapahnutya kiñcidanyārthasūcanam /AP_344.018ab/
paryāyoktaṃ yadanyena prakārenābhidhīyate /AP_344.018cd/
eṣāmekaṃtamasyeva samākhyā dhvanirityataḥ