Agni Purana · Chapter 340

:e ity āgneye mahāpurāṇe alaṅkāre rītinirūpaṇaṃ
nāmonacatvāriṃśadadhikatriśatatamo 'dhyāyaḥ
% chapter {340}
:ś atha catvāriṃśadadhikatriśatatamo 'dhyāyaḥ
nṛtyādāvaṅgakarmanirūpaṇaṃ
agnir uvāca
ceṣṭāviśeṣamapyaṅgapratyaṅge karma cānayoḥ /AP_340.001ab/
śarīrārambhamicchanti prāyaḥ pūrvo 'valāśrayaḥ

līlā vilāso vichittirvibhramaṃ kilakiñcitaṃ /AP_340.002ab/
moṭṭāyitaṃ kuṭṭamitaṃ vivvoko lalitantathā

vikṛtaṃ krīḍitaṃ keliriti dvādaśadhaiva saḥ /AP_340.003ab/
līleṣṭajanaceṣṭānukaraṇaṃ saṃvṛtakṣaye

viśeṣān darśayan kiñcidvilāsaḥ sadbhiriṣyate /AP_340.004ab/
hasitakrānditādīnāṃ saṅkaraḥ kilakiñcitaṃ

vikāraḥ kopi vivvoko lalitaṃ saukumāryataḥ /AP_340.005ab/
śiraḥ pāṇiruraḥ pārśvaṅkaṭiraṅghririti kramāt

aṅgāni bhrūlatādīni pratyaṅgānyabhijānate /AP_340.006ab/
:n
1 saṅkṣiptakarapātau ceti ja..
:p 212
aṅgapratyaṅgayoḥ karma prayatnajanitaṃ vinā

na prayogaḥ kvacinmukhyantiraścīnañca tat kvacit /AP_340.007ab/
ākampitaṃ kampitañca(1) dhūtaṃ vidhūtameva ca

parivāhitamādhūtamavadhūtamathācitaṃ /AP_340.008ab/
nikuñcitaṃ parāvṛttamutkṣiptañcāpyadhogatam

lalitañceti vijñeyaṃ trayodaśavidhaṃ śiraḥ /AP_340.009ab/
bhrūkarma saptadhā jñeyaṃ pātanaṃ bhrūkuṭīmukhaṃ

dṛṣtistridhā ramasthāyisañcāripratibandhanā /AP_340.010ab/
ṣaṭtriṃśadbhedavidhurā rasajā tatra cāṣṭadhā

navadhā tārakākarma bhramaṇañcalanādikaṃ /AP_340.011ab/
ṣoḍhā ca nāsikā jñeyā niśvāso navadhā mataḥ

ṣoṭauṣṭhakarmakaṃ pāpaṃ saptadhā civukakriyā /AP_340.012ab/
kaluṣādimukhaṃ ṣoḍhā grīvā navavidhā smṛtā

asaṃyutaḥ saṃyutaś ca bhūmnā hastaḥ pramucyate /AP_340.013ab/
patākastripātākaś ca tathā vai kartarīmukhaḥ

ardhacandrotkarālaś ca śukatuṇḍastathaiva ca /AP_340.014ab/
suṣṭiś ca śikharaś caiva kapitthaḥ kheṭakāmukhaḥ

sūcyāsyaḥ padmakoṣo hi śirāḥ samṛgaśīrṣakāḥ /AP_340.015ab/
kāṃmūlakālapadmau(2)* ca caturabhramarau tathā

haṃsāsyahaṃsapakṣau ca sandaṃśamukulau tathā /AP_340.016ab/
:n
1 ākalpitaṃ kalpitañceti kha..
2 kāṅgūlakālapadmāviti ña..
kāṃmūlakālapadmau kāṅgūlakālapadmau etatpāṭhadvayaṃ na
samīcīnaṃ
:p 213
urṇanābhastāmracūḍaś caturviṃśatirityamī

asaṃyutakarāḥ proktāḥ saṃyutāstu trayodaśa /AP_340.017ab/
añjaliś ca kapotaś ca karkaṭaḥ svastikas tathā

kaṭako vardhamānaścāpyasaṅgo niṣadhas tathā /AP_340.018ab/
dolaḥ puṣpapuṭaś caiva tathā makara eva ca

gajadanto vahistambho vardhamāno 'pare karāḥ /AP_340.019ab/
uraḥ pañcavidhaṃ syāttu ābhugnanartanādikam

udaranduratikṣāmaṃ khaṇḍaṃ pūrṇamiti tridhā /AP_340.020ab/
pārśvayoḥ pañcakarmāṇi jaṅghākarma ca pañcadhā /AP_340.020cd/
anekadhā pādakarma nṛtyādau nāṭake smṛtam