Agni Purana · Chapter 339

:e ity āgneye mahāpurāṇe alaṅkāre śṛṅgārādirasanirūpaṇaṃ
nāmāṣṭatriṃśadadhikatriśatatamo 'dhyāyaḥ ||
:n
1 muhuriti kha..
:p 210
% chapter {339}
:ś athonacatvāriṃśadadhikatriśatatamo 'dhyāyaḥ
rītinirūpaṇaṃ
agnirucāca
vāgvidyāsampratijñāne rītiḥ sāpi caturvidhā /AP_339.001ab/
pāñcālī gauḍadeśīyā vaidarbhī lāṭajā tathā

upacārayutā mṛdvī pāñcālī hrasvavigrahā /AP_339.002ab/
anavasthitasandarbhā gauḍīyā dīrghavigrahā

upacārair na bahubhirupacārair vivarjitā /AP_339.003ab/
nātikomalasandarbhā vaidarbhī muktavigrahā

lāṭīyā sphuṭasandharbhā nātivisphuravigrahā /AP_339.004ab/
parityaktāpi bhūyobhirupacārair udāhṛtā

kriyāsvaviṣamā vṛttirbhāratyārabhaṭī tathā /AP_339.005ab/
kauśikī sātvatī ceti sā caturdhā pratiṣṭhitā

vākpradhānā naraprāyā strīyuktā prākṛtoktitā /AP_339.006ab/
bharatena praṇītatvād bhāratī rītirucyate

catvāryaṅgāni bhāratyā vīthī prahasanantathā /AP_339.007ab/
prastāvanā nāṭakādervīthyaṅgāś ca trayodaśa

udghātakaṃ tathaiva syāllapitaṃ syāddvitīyakam /AP_339.008ab/
asatpralāpo vākśreṇī(1) nālikā vipaṇantathā

vyāhārastimatañcaiva(2) chalāvaskandite tathā /AP_339.009ab/
:n
1 vāgveṇīti ka.. , ña.. , ṭa.. ca
2 vyāhārastrigatañcaiveti kha..
:p 211
gaṇḍo 'tha mṛdavaś caiva trayodaśamathācitam

tāpasādeḥ prahasanaṃ parihāsaparaṃ vacaḥ /AP_339.010ab/
māyendrajālayuddhādibahulārabhaṭī smṛtā /AP_339.010cd/
maṅkṣiptakārapātau ca(1) vastūtthāpanameva ca