Agni Purana · Chapter 33

:e ity ādimahāpurāṇe āgneye aṣṭacatvāriṃśatsaṃskārakathanaṃ
nāma dvātriṃśo 'dhyāyaḥ
% Chapter {33}
:ś atha trayastriṃśo 'dhyāyaḥ
pavitrārohaṇavidhānaṃ
agnir uvāca
pavitrārohaṇaṃ vakṣye varṣapūjākalaṃ hareḥ /AP_33.001ab/
āṣāḍhādau kārtikānte pratipadvanadā tithiḥ(1)

śriyā gauryā gaṇeśasya sarasvatyā guhasya ca /AP_33.002ab/
mārtaṇḍamātṛdurgāṇāṃ nāgarṣiharimanmathaiḥ

śivasya brahmaṇastadvaddvitīyādititheḥ kramāt /AP_33.003ab/
yasya devasya yo bhaktaḥ pavitrā tasya sā tithiḥ

ārohaṇe tulyavidhiḥ pṛthak mantrādikaṃ yadi /AP_33.004ab/
:n
1 vardhate tithiriti kha, cihnitapustakapāṭhaḥ
:p 93
sauvarṇe rājataṃ tāmraṃ netrakārpāsikādikaṃ

brāhmaṇyā kartitaṃ sūtraṃ tadalābhe tu saṃskṛtaṃ /AP_33.005ab/
triguṇaṃ triguṇīkṛtya tena kuryāt pavitrakaṃ

aṣtottaraśatādūrdhvaṃ tadardhaṃ cottamādikaṃ /AP_33.006ab/
kriyālopāvighātārthaṃ yattvayābhihitaṃ prabho

mayā tat kriyate deva yathā yatra pāvitrakaṃ /AP_33.007ab/
avighnaṃ tu bhavedatra kuru nātha jayāvyaya

prārthya tanmaṇḍalāyādau gāyatryā bandhayennaraḥ /AP_33.008ab/
oṃ nārāyaṇāya vidmahe vāsudevāya dhīmahi

tanno viṣṇuḥ pracodayāt devadevānurūpataḥ /AP_33.009ab/
jānūrunābhināmāntaṃ pratimāsu pavitrakaṃ

pādāntā vanamālā syādaṣṭottrasahasrataḥ(1) /AP_33.010ab/
mālā tu kalpasādhyaṃ vā dviguṇaṃ ṣoḍaśāṅgulāt

karṇikā keśaraṃ patraṃ mantrādyaṃ(2) maṇḍalāntakaṃ /AP_33.011ab/
maṇḍalāṅgulamātraikacakrābjādyau(3) pavitrakaṃ

sthaṇḍile 'ṅgulamānena ātmanaḥ saptaviṃśatiḥ /AP_33.012ab/
ācāryāṇāṃ ca sūtrāṇi pitṛmātrādipustake

nābhyantaṃ dvādaśagranthiṃ tathā gandhapavitrake /AP_33.013ab/
dvyaṅgulāt kalpanādau dvirmālā cāṣṭottaraṃ śataṃ

athavārkacaturviṃśaṣaḍtriṃśanmālikā dvijaḥ /AP_33.014ab/
anāmāmadhyamāṅguṣṭhair mandādyaiḥ mālikārthibhiḥ (4)

:n
1 pādāntareṇa mālā syādaṣṭottarasahasraśaḥ iti ga,
cihnitapustakapāṭhaḥ
2 gadādyamiti gha, cihnitapustakapāṭhaḥ
3 cakrāṅgadau pavitrake iti gha, cihnitaputakapāṭhaḥ
4 mandādau iti kha, ga, cihnitapustakadvayapāṭhaḥ mandrādyair iti gha,
cihnitapustakapāṭhaḥ
:p 94
kaniṣṭādau dvādaśa vā granthayaḥ syuḥ pavitrake /AP_33.015ab/
raveḥ kumbhahutāśādeḥ sambhave viṣṇuvanmatam

pīṭhasya pīṭhamānaṃ syānmekhalānte ca kuṇḍakaṃ /AP_33.016ab/
yathāśakti sūtragranthiparicāretha vaiṣṇave

sūtrāṇi vā saptadaśa sūtreṇa trivibhaktake(1) /AP_33.017ab/
rocanāgurukarpūraharidrākuṅkumādibhiḥ

rañjayeccandanādyair vā snānasandhyādikṛnnaraḥ /AP_33.018ab/
ekādaśyāṃ yāgagṛhe bhagavantaṃ hariṃ jayet

samastaparivārāya baliṃ pīṭhe samarcayet /AP_33.019ab/
kṣyauṃ kṣetrapālāya dvārānte dvāropari tathā śriyaṃ

dhātre dakṣe vidhātre ca gaṅgāñca yamunāṃ tathā /AP_33.020ab/
śaṅkhapadmanidhī pūjya madhye vāstvapasāraṇaṃ
sāraṅgāyeti bhūtānāṃ bhūtaśuddhiṃ sthitaś caret

oṃ hrūṃ haḥ phaṭ hrūṃ(2) gandhatanmātraṃ saṃharāmi
namaḥ ||
oṃ hrūṃ haḥ phaṭ hrūṃ(3) rasatanmātraṃ saṃharāmi
namaḥ
oṃ hrūṃ haḥ phaṭ hrūṃ(4) rūpatanmātraṃ saṃharāmi
namaḥ ||
oṃ hrūṃ haḥ phaṭ hrūṃ(5) sparśatanmātraṃ saṃharāmi
namaḥ
:n
1 trisūtrāṇi ca bhadrake iti gha, cihnitapustakapāṭhaḥ
2 oṃ hūṃ haḥ phaṭ hūmiti ga, cihnitapustakapāṭhaḥ oṃ hrāṃ
haḥ phaṭ hrūmiti ṅa, cihnitapustakapāṭhaḥ
2 oṃ hrīṃ haḥ phaṭ hrūniti ṅa, cihnitapustakapāṭhaḥ
3 oṃ hrāṃ haḥ hrūṃ iti ga, cihnitapustakapāṭhaḥ oṃ hrāṃ
haḥ phaṭ hrīmiti ṅa, cihnitapustakapāṭhaḥ
4 oṃ hrāṃ haḥ phaṭ iti ga, cihnitapustakapāṭhaḥ
:p 95
oṃ hrūṃ haḥ phaṭ hrūṃ(1) śabdatanmātraṃ saṃharāmi
namaḥ ||
pañcodghātair gandhatanmātrarūpaṃ bhūmimaṇḍalaṃ /AP_33.021ab/
caturasrañca pītañca kaṭhinaṃ vajralāñchitam

indrādhidaivataṃ pādayugmamadhyagataṃ smaret /AP_33.022ab/
śuddhañca rasatanmātraṃ pravilipyātha saṃharet
rasamātrarūpamātre krameṇānena pūjakaḥ

oṃ hrīṃ haḥ phaṭ hrūṃ(2) rasatanmātraṃ saṃharāmi
namaḥ
oṃ hrūṃ haḥ phaṭ(3) rūpatanmātraṃ saṃharāmi namaḥ
oṃ hrīṃ haḥ phaṭ hrūṃ sparśatanmātraṃ saṃharāmi
namaḥ
oṃ hrīṃ haḥ phaṭ hrūṃ(4) śabdatanmātraṃ saṃharāmi
namaḥ
jānunābhimadhyagataṃ(5) śvetaṃ vai padmalāñchitaṃ /AP_33.023ab/
śuklavarṇaṃ cārdhacandraṃ dhyāyedvaruṇadaivataṃ

caturbhiś ca tadudghātaiḥ śuddhaṃ tadrasamātrakaṃ /AP_33.024ab/
saṃharedrūpatanmātrai rūpamātre ca saṃharet

oṃ hrūṃ haḥ phaṭ hrūṃ rūpatanmātraṃ saṃharāmi
namaḥ
oṃ hrūṃ haḥ phaṭ hrūṃ sparśatanmātraṃ saṃharāmi
namaḥ
oṃ hrūṃ haḥ phaṭ hrūṃ śabdatanmātraṃ saṃharāmi
namaḥ
iti tribhistadudghātaistrikoṇaṃ vahnimaṇḍalam /AP_33.025ab/
nābhikaṇṭhamadhyagataṃ raktaṃ svastikalāñchitaṃ

dhyātvānalādhidaivantacchuddhaṃ sparśe layaṃ nayat /AP_33.026ab/
:n
1 oṃ hrāṃ haḥ phaṭ hamiti ga, cihnitapustakapāṭhḥ
2 oṃ hrīṃ phaṭ hamiti ga, cihnitapustakapāṭhaḥ oṃ hrūṃ haḥ
phaṭ hūmiti ṅa, cihnitapustakapāṭhaḥ
3 oṃ hrīṃ haḥ phaṭ hrūṃ iti ṅa, cihnitapustakapāṭhaḥ
4 oṃ hraṃ haḥ phaṭ hūmiti ṅa, cihnitapustakapāṭhaḥ
5 padmāsanamadhyagatamiti ṅa, cihnitapustakapāṭhaḥ
:p 96
oṃ hrauṃ haḥ phaṭ hrūṃ(1) sparśatanmātraṃ saṃharāmi
namaḥ
oṃ hrauṃ haḥ phaṭ hrūṃ(2) śabdatanmātraṃ saṃharāmi
namaḥ ||
kaṇṭhanāsāmadhyagataṃ vṛttaṃ vai vāyumaṇḍalam

dvirudghātair dhūmravarṇaṃ dhyāyecchuddhendulāñchitam /AP_33.027ab/
sparśamātraṃ śabdamātraiḥ saṃhareddhyānayogataḥ

oṃ hrauṃ haḥ phaṭ hrūṃ śabdatanmātraṃ saṃharāmi
namaḥ
ekodghātena cākāśaṃ śuddhasphaṭikasannibham /AP_33.028ab/
nāsāpuṭaśikhāntasthamākāśamupasaṃharet

śoṣaṇādyair dehaśuddhiṃ kuryādevam kramāttataḥ /AP_33.029ab/
śuṣkaṃ kalevaraṃ dhyāyet pādādyañca śikhāntakam

yaṃ vījena vaṃ vījena jvālāmālāsamāyutam(3) /AP_33.030ab/
dehaṃ ramityanenaiva brahmarandhrādvinirgatam

vindundhyātvā cāmṛtasya tena bhasmakalevaram /AP_33.031ab/
samplāvayellamityasmāt dehaṃ sampādya divyakam

nyāsaṃ kṛtvā kare dehe mānasaṃ yāgamācaret /AP_33.032ab/
viṣṇuṃ sāṅgaṃ hṛdi padme mānasaiḥ kusumādibhiḥ

mūlamantreṇa deveśamprārcayedbhuktimuktidam /AP_33.033ab/
svāgataṃ devadeveśa sannidhau bhava keśava

gṛhāṇa mānasīṃ pūjāṃ yathārthaṃ(4) paribhāvitām /AP_33.034ab/
ādhāraśaktiḥ kūrmātha pūjyonanto mahī tataḥ

madhyegnyādau ca dharmādyā adharmādīndramukhyagam(4) /AP_33.035ab/
:n
1 oṃ kṣauṃ haḥ phaṭ krūmiti ṅa, cihnitapustakapāṭhaḥ
2 oṃ kṣauṃ haḥ phaṭ krūmiti ṅa, cihnitapustakapāṭhaḥ
3 jvālāmālāsamaprabhamiti ṅa, cihnitapustakapāṭhaḥ
4 yathāsvamiti kha, cihnitapustakapāṭhaḥ
5 dharmādīnindrādau viparītakāniti ṅa, cihnitapustakapāṭhaḥ
:p 97
sattvādi madhye padmañca māyāvidyākhyatattvake

kālatattvañca sūryādimaṇḍalaṃ pakṣirājakaḥ /AP_33.036ab/
madhye tataś ca vāyavyādīśāntā gurupaṅktikāḥ

gaṇaḥ sarasvatī pūjyā(1) nārado nalakūvaraḥ /AP_33.037ab/
gururgurupādukā ca paro guruś ca pādukā

pūrvasiddhāḥ parasiddhāḥ keśareṣu ca śaktayaḥ /AP_33.038ab/
lakṣmīḥ sarasvatī prītiḥ kīrtiḥ śāntiś ca kāntikā

puṣṭistuṣṭirmahendrādyā madhye vācāhito hariḥ /AP_33.039ab/
dhṛtiḥ śrīratikāntyādyā mūlena sthāpito 'cyutaḥ

oṃ abhimukho bhaveti prārthya sannihito bhava /AP_33.040ab/
vinyasyārghyādikaṃ datvā gandhādyair mūlato yajet

oṃ bhīṣaya bhīṣaya hṛt śirastrāsaya vai punaḥ /AP_33.041ab/
mardaya mardaya śikhā agnyādau śastratostrakaṃ

rakṣa rakṣa pradhvaṃsaya pradhvaṃsaya kavacāya(2) namastataḥ /AP_33.042ab/
oṃ hrūṃ(3) phaṭ astrāya namo mūlavījena cāṅgakaṃ

pūrvadakṣāpyasaumyeṣu mūrtyāvaraṇamarcayet /AP_33.043ab/
vāsudevaḥ saṅkarṣaṇaḥ pradyumnaścāniruddhakaḥ

agnyādau śrīdhṛtiratikāntayo mūrtayo hareḥ /AP_33.044ab/
śaṅkhacakragadāpadmamagnyādau pūrvakādikaṃ

śārṅgañca muṣalaṃ khaḍgaṃ vanamālāñca tadvahiḥ /AP_33.045ab/
indrādyāś ca tayānanto nairṛtyāṃ varuṇastataḥ

brahmendreśānayormadhye astrāvaraṇakaṃ vahiḥ /AP_33.046ab/
airāvatastataśchāgo mahiṣo vānaro jhaṣaḥ

:n
1 gaṇaś ca tāsu pūjyo 'tha iti ṅa, cihnitapustakapāṭhaḥ
2 rakṣa rakṣa pradhvaṃsaya kavacāyeti ṅa,
cihnitapustakapāṭhaḥ
3 oṃ hrīmiti kha, cihnitapustakapāṭhaḥ
:p 98
mṛgaḥ śaśo 'tha vṛṣabhaḥ kūrmo haṃsastato vahiḥ /AP_33.047ab/
pṛśnigarbhaḥ kumudādyā dvārapālā dvayaṃ dvayaṃ

pūrvādyuttaradvārāntaṃ hariṃ natvā baliṃ vahiḥ /AP_33.048ab/
viṣṇupārṣadebhyo namo balipīṭhe baliṃ dadet

viśvāya viśvaksenātmane īśānake yajet /AP_33.049ab/
devasya dakṣiṇe haste rakṣāsūtrañca bandhayet

saṃvatsarakṛtācāryāḥ sampūrṇaphaladāyine /AP_33.050ab/
pavitrārohaṇāyedaṃ kautukaṃ dhāraya oṃ namaḥ

upavāsādiniyamaṃ kuryādvai devasannidhau /AP_33.051ab/
upavāsādiniyato devaṃ santoṣayāmyaham

kāmakrodhādayaḥ sarve mā me tiṣṭhantu sarvathā /AP_33.052ab/
adyaprabhṛti deveśa yāvadvaiśeṣikaṃ dinam

yajamāno hy aśaktaścet kuryānnaktādikaṃ vratī /AP_33.053ab/
hutvā visarjayet stutvā śrīkarannityapūjanam
oṃ hrīṃ(1) śrīṃ śrīdharāya trailokyamohanāya namaḥ