Agni Purana · Chapter 32

:e ity ādimahāpurāṇe āgneye kuśāpamārjanaṃ nāma ekatriṃśo
'dhyāyaḥ
% Chapter {32}
:ś atha dvātiṃśo 'dhyāyaḥ
saṃskārakathanaṃ
agnir uvāca
nirvāṇādiṣu dīkṣāsu cattvāriṃśattathāṣṭa ca /AP_32.001ab/
saṃskārān kārayeddhīmān śṛṇutānyaiḥ suro bhavet

garbhādhānantu yonyāṃ vai tataḥ puṃsavanañcaret /AP_32.002ab/
sīmantonnayanañcaiva jātakarma ca nāma ca

annāśanaṃ tataścūḍā brahmacaryavratāni ca /AP_32.003ab/
catvāri vaiṣṇavī pārthī bhautikī śrotrikī tathā

godānaṃ sūtakatvañca pākayajñāś ca sapta te(1) /AP_32.004ab/
aṣṭakā pārvaṇaśrāddhaṃ śrāvaṇyagrāyaṇīti ca

caitrī cāśvayujī sapta haviryajñāṃś ca tān śṛṇu /AP_32.005ab/
ādhānañcāgnihotrañca darśo vai paurṇamāsakaḥ

cāturmāsyaṃ paśubandhaḥ sautrāmaṇirathāparaḥ /AP_32.006ab/
somasaṃsthāḥ sapta śṛṇu agniṣṭomaḥ kratūttamaḥ

atyagniṣṭoma ukthaś ca ṣoḍaśo vājapeyakaḥ /AP_32.007ab/
atirātrāptoryāmaś ca sahasreśāḥ savā ime

hiraṇyāṅghrirhiraṇyākṣo hiraṇyamitra ity ataḥ /AP_32.008ab/
:n
1 sapta ca iti ga, kha, cihnitapustkadvayapāṭhaḥ
:p 92
hiraṇyapāṇirhemākṣo hemāṅgo hemasūtrakaḥ

hiraṇyāsyo hiraṇyāṅgo hemajihvo hiraṇyavān /AP_32.009ab/
aśvamedho hi sarveśo guṇāścāṣṭātha tān śṛṇu

dayā ca sarvabhūteṣu kṣāntiś caiva tathārjavam /AP_32.010ab/
śaucaṃ caivamanāyāso maṅgalaṃ cāparo guṇaḥ

akārpaṇyañcāspṛhā ca mūlena juhuyācchatam /AP_32.011ab/
sauraśākteyaviṣṇvīśadīkṣāstvete samāḥ smṛtāḥ

saṃskāraiḥ saṃskṛtaś caitair bhuktimuktimavāpnuyāt /AP_32.012ab/
sarvarogādvinirmukto devavadvartate naraḥ /AP_32.012cd/
japyāddhomātpūjanācca dhyānāddevasya ceṣṭabhāk