Agni Purana · Chapter 298

:e ity āgneye mahāpurāṇe gonasādicikitsā nāma
saptanavatyadhikadviśatatamo 'dhyāyaḥ
:n
1 ṣaṣṭivyoṣaguḍakṣīrayoga iti ka.. , ja.. , ña.. , ṭa ca
:p 103
% chapter {298}
:ś athāṣṭanavatyadhikadviśatatamo 'dhyāyaḥ
balagrahaharabālatantram
agnir uvāca
bālatantraṃ pravakṣyāmi bālādigrahamardanaṃ /AP_298.001ab/
atha jātadine vatsaṃ grahī gṛhṇāti pāpinī

gātrodvego nirāhāro nānāgrīvāvivartanaṃ /AP_298.002ab/
tacceṣṭitamidaṃ tasyānmātṝṇāñca balaṃ haret

satsyamāṃsasurābhakṣyagandhasragdhūpadīpakaiḥ /AP_298.003ab/
limpecca dhātakīlodhramañjiṣṭhātālacandanaiḥ

mahiṣākṣeṇa dhūpaś ca dvirātre bhauṣaṇī grahī /AP_298.004ab/
tacceṣṭā kāsaniśvāsau gātrasaṅkocanaṃ muhuḥ

ājamūtrair lipet kṛṣṇāsevyāpāmārgacandanaiḥ /AP_298.005ab/
gośṛṅgadantakeśaiś ca dhūpayet pūrvavadbaliḥ

grahī trirātre ghaṇṭhālī tacceṣṭā krandanaṃ muhuḥ /AP_298.006ab/
jṛmbhaṇaṃ svanitantrāso gātrodvegamarocanaṃ

keśarāñjanagohastidantaṃ sājapayo lipet /AP_298.007ab/
nakharājībilvadalair dhūpayecca baliṃ haret

grahī caturthī kākolī gātrodvegaprarocanaṃ /AP_298.008ab/
phenodgāro diśo dṛṣṭiḥ kulmāṣaiḥ sāsavair baliḥ

gajadantāhinirmokavājimūtrapralepanaṃ /AP_298.009ab/
sarājīnimbapatreṇa dhūtakeśena chūpayet

haṃsādhikā pañcamī syājjṛmbhāśvāsordhadhāriṇī /AP_298.010ab/
:p 104
muṣṭibandhaś ca tacceṣṭā baliṃ matsyādinā haret

meṣaśṛṅgabalālodhraśilātālaiḥ śiśuṃ lipet /AP_298.011ab/
phaṭkārī tu grahī ṣaṣṭhī bhayamohaprarodanaṃ

nirāhāro 'ṅgavikṣepo harenmatsyādinā baliṃ /AP_298.012ab/
rājīguggulukuṣṭhebhadantādyair dhūpalepanaiḥ

saptame muktakeśyārtaḥ pūtigandho vijṛmbhaṇaṃ /AP_298.013ab/
sādaḥ prarodanaṅkāso dhūpo vyāghranakhair lipet

vacāgomayagomūtraiḥ śrīdaṇḍī cāṣṭame grahī /AP_298.014ab/
diśo nirīkṣaṇaṃ jihvācālanaṅkāsarodanaṃ

baliḥ pūrvaiva matsyādyair dhūpalepe ca(1) hiṅgulā /AP_298.015ab/
vacāsiddharthalaśunaiścordhvagrāhī mahāgrahī

udvejanordhvaniḥśvāsaḥ svamuṣṭidvayakhādanaṃ /AP_298.016ab/
raktacandanakuṣṭhādyair dhūpayellepayecchiśuṃ

kapiromanakhair dhūpo daśamī rodanī grahī /AP_298.017ab/
tacceṣṭā rodanaṃ śaśvat sugandho nīlavarṇatā

dhūpo nimbena bhūtograrājīsarjarasair lipet /AP_298.018ab/
baliṃ vahirharellājakulmāṣakavakodanam(2)

yāvattrayodaśāhaṃ syādevaṃ dhūpādikā kriyā /AP_298.019ab/
gṛhnāti māsikaṃ vatsaṃ pūtanāsaṅkulī grahī

kākavadrodanaṃ śvāso mūtragandho 'kṣimīlanaṃ /AP_298.020ab/
gomūtrasnapanaṃ tasya godantena ca dhūpanam

:n
1 dhūpadīpe ceti ṭa..
2 karakodanamiti kha..
:p 105
pītavastraṃ dadedraktasraggandhau tailadīpakaḥ /AP_298.021ab/
trividhaṃ pāyasammadyaṃ tilamāsañcaturvidham

karañjādho yamadiśi saptāhaṃ tair baliṃ haret /AP_298.022ab/
dvimāsikañca mukuṭā vapuḥ śītañca śītalaṃ

chardhiḥ syānmukhaśoṣādipuṣpagandhāṃśukāni ca /AP_298.023ab/
apūpamodanaṃ dīpaḥ kṛṣṇaṃ nīrādi dhūpakam

tṛtīye gomukhī nidrā savinmūtraprarodanam /AP_298.024ab/
yavāḥ priyaṅguḥ palanaṃ kulmāṣaṃ śākamodanam

kṣīraṃ pūrve dadenmadhye 'hani dhūpaś ca sarpiṣā /AP_298.025ab/
pañcabhaṅgena tat snānaṃ caturthe piṅgalārtihṛt

tanuḥ śītā pūtigandhaḥ śoṣaḥ sa mriyate dhruvam /AP_298.026ab/
pañcamī lalanā gātrasādaḥ syānmukhaśoṣaṇaṃ

apānaḥ pītavarṇaś ca matsyādyair dakṣiṇe baliḥ /AP_298.027ab/
ṣaṇmāse paṅkajā ceṣṭā rodanaṃ vikṛtaḥ svaraḥ

matsyamāṃsasurābhaktapuṣpagandhādibhirbaliḥ /AP_298.028ab/
saprame tu nirāhārā pūtigandhādidantaruk

piṣṭamāṃsasurāmāṃsair baliḥ syādyamunāṣṭame /AP_298.029ab/
visphoṭaśoṣaṇādyaṃ syāt taccikitsānna kārayet

navame kumbhakarṇyārto jvarī cchardati pālakam /AP_298.030ab/
rodanaṃ māṃsakulmāṣamadyādyair vaiśvake baliḥ

daśame tāpasī ceṣṭā nirāhārokṣimīlanam /AP_298.031ab/
ghaṇṭā patākā piṣṭoktā surāmāṃsabaliḥ same

rākṣasyekādaśī pīḍā netrādyaṃ na cikitsanam /AP_298.032ab/
:p 106
cañcalā dvādaśe śvāsaḥ trāsādikaviceṣṭitam

baliḥ pūrve 'tha madhyāhne kulmāpādyaistilādibhiḥ /AP_298.033ab/
yātanā tu dvitīye 'bde yātanaṃ rodanādikam

tilamāṃsamadyamāṃsair baliḥ snānādi pūrvavat /AP_298.034ab/
tṛtīye rodanī kampo rodanaṃ raktamūtrakaṃ

guḍaudanaṃ tilāpūpaḥ pratimā tilapiṣṭajā /AP_298.035ab/
tilasnānaṃ pañcapatrair dhūpo rājaphalatvacā

caturthe caṭakāśopho jvaraḥ sarvāṅgasādanam /AP_298.036ab/
matsyamāṃsatilādyaiś ca baliḥ snānañca dhūpanam

cañcalā pañcame 'bde tu jvarastrāso 'ṅgasādanam /AP_298.037ab/
māṃsaudanādyaiś ca balirmeṣaśṛṅgeṇa dhūpanam

palāśodumbarāśvatthavaṭabilvadalāmbudhṛk /AP_298.038ab/
ṣaṣṭhe 'bde dhāvanīśoṣo vairasyaṃ(1) gātrasādanam

saptāhobhirbaliḥ pūrvair dhupasnānañca bhaṅgakaiḥ(2) /AP_298.039ab/
saptame yamunācchardiravacohāsarodanam

māṃsapādyasamadyādyair baliḥ snānañca dhūpanam /AP_298.040ab/
aṣṭame vā jātavedā nirāhāraṃ prarodanam

kṛśarāpūpadadhyādyair baliḥ snānañca dhūpanam /AP_298.041ab/
kālābde navame vāhvorāsphoṭo garjanaṃ bhayam

baliḥ syāt kṛśarāpūpaśaktukulmāsapāyasaiḥ /AP_298.042ab/
daśame 'bde kalahaṃsī dāho 'ṅgakṛśatā jvaraḥ

:n
1 vaivarṇyamiti ṭha..
2 bhāgakair iti kha..
:p 107
paulikāpūpadadhyannaiḥ pañcarātraṃ baliṃ haret /AP_298.043ab/
nimbadhūpakuṣṭhalepa ekādaśamake grahī

devadūtī niṣṭhuravāk balirlepādi pūrvavat /AP_298.044ab/
balikā dvādaśe balirlepādi pūrvavat

trayodaśe vāyavī ca mukhavāhyāṅgasādanam /AP_298.045ab/
raktānnagandhamālyādyair baliḥ pañcadalaiḥ snapet

rājīnisvadalair dhūpo yakṣiṇī ca caturdaśe /AP_298.046ab/
ceṣṭā śūlaṃ jvaro dāho māṃsabhakṣādikair baliḥ

snānādi pūrvavacchāntyai muṇḍikārtistripañcake /AP_298.047ab/
tacceṣṭāsṛkśravaḥ śaśvatkuryāmmātṛcikitsanam

vānarī ṣoḍaśī bhūmau patennidrā sadā jvaraḥ /AP_298.048ab/
pāyasādyaistrirātrañca valiḥ snānādi pūrvavat

gandhavatī saptadaśe gātrodvegaḥ prarodanam /AP_298.049ab/
kulmāṣādyair baliḥ snānadhūpalepādi pūrvavat

dineśāḥ pūtanā nāma varṣeśāḥ sukumārikāḥ /AP_298.050ab/
oṃ namaḥ sarvamātṛbhyo bālapīḍāsaṃyogaṃ bhuñja bhuñja
cuṭa cuṭa sphoṭaya sphoṭaya sphura sphura gṛhṇa gṛhṇa
ākaṭṭaya ākaṭṭaya evaṃ siddharūpo jñāpayati / hare hare
nirdoṣaṃ kuru kuru bālikāṃ bālaṃ striyam puruṣaṃ vā
sarvagrahāṇāmupakramāt
cāmuṇḍe namo devyai hrūṃ hrūṃ hrīṃ apasara apasara
duṣṭagrahān hrūṃ tadyathā gacchantu gṛhyakāḥ anyatra
panthānaṃ rudro jñāpayati
sarvabālagraheṣu syānmantro 'yaṃ sarvakāmikaḥ