Agni Purana · Chapter 299

oṃ namo bhagavati cāmuṇḍe muñca muñca baliṃ bālikāṃ vā
:p 108
baliṃ gṛhṇa gṛhṇa jaya jaya vasa vasa /AP_298.051ab/
sarvatra balidāne 'yaṃ rakṣākṛt paṭhyate manuḥ /AP_298.051cd/
rakṣantu ca jvarābhyāntaṃ muñcantu ca kumārakam /AP_298.051ef/
brahmā viṣṇuḥ śivaḥ skando gauro gaurīlakṣmīrgaṇādayaḥ //AP_298.051gh
:e ity āgnaye mahāpurāṇe bālagrahaharaṃ bālatantraṃ nāma
aṣṭanavatyadhikadviṣatatamo 'dhyāyaḥ
% chapter {299}
:ś atha navanavatyadhikadviśatatamo 'dhyāyaḥ
grahahṛnmantrādikam
agnir uvāca
grahāpahāramantrādīn vakṣye grahavimardanān /AP_299.001ab/
harṣecchābhayaśokādiviruddhāśucibhojanāt

gurudevādikopācca pañconmādā bhavanty atha /AP_299.002ab/
tridoṣajāḥ sannipātā āganturiti te smṛtāḥ

devādayo grahā jātā rudrakrodhādanekadhā /AP_299.003ab/
saritsarastaḍāgādau śailopavanasetuṣu

nadīsaṅge śūnyagṛhe viladvāryekavṛkṣake /AP_299.004ab/
grahā gṛhṇanti puṃsaś ca śriyaḥ(1) suptāñca garbhiṇīm

āsannapuṣpānnagnāñca ṛtusnānaṃ karoti yā /AP_299.005ab/
avamānaṃ nṛṇāṃ vairaṃ vighnaṃ bhāgyaviparyayaḥ

devatāgurudharmādisadācārādilaṅghanam /AP_299.006ab/
:n
1 striya iti ña.. , ṭa.. ca
:p 109
patanaṃ śailavṛkṣādervidhunvanmūrdhajaṃ muhuḥ

rudannṛtyati raktākṣo hūṃrūpo 'nugrahī naraḥ /AP_299.007ab/
udvignaḥ śūladāhārtaḥ kṣuttṛṣṇārtaḥ śirortimān

dehi dahīti yāceta balikāmagrahī naraḥ /AP_299.008ab/
strīmālābhogasnānecchūratikāmagrahī naraḥ

mahāsudarśano vyomavyāpī viṭapanāsikaḥ(1) /AP_299.009ab/
pātālanārasiṃhādyā caṇḍīmantrā grahārdanāḥ

pṛśnīhiṅguvacācakraśirīṣadayitamparam /AP_299.010ab/
pāśāṅkuśadharaṃ devamakṣamālākapālinam

khaṭṭāṅgābjādiśiktiñca dadhānaṃ caturānanam /AP_299.011ab/
antarvāhyādikhaṭṭāṅgapadmasthaṃ ravimaṇḍale

ādityādiyutaṃ prārcya uditerke 'rghyakaṃ dadet /AP_299.012ab/
śvāsaviṣāgniviprakuṇḍīhṛllekhāsakalo bhṛguḥ

arkāya bhūrbhuvaḥsvaś ca jvālinīṃ kulamudgaram /AP_299.013ab/
padmāsano 'ruṇo raktavastrasadyutiviśvakaḥ

udāraḥ padmadhṛgdorbhyāṃ saumyaḥ sarvāṅgabhūṣitaḥ /AP_299.014ab/
raktā hṛdādayaḥ saumyā varadāḥ padmadhāriṇaḥ

vidyutpuñjanibhaṃ vastraṃ śvetaḥ saumyo 'ruṇaḥ kujaḥ /AP_299.015ab/
budhastadvadguruḥ pītaḥ śuklaḥ śukraḥ śanaiś caraḥ

kṛṣṇāṅgāranibho rāhurdhūmraḥ keturudāhṛtaḥ /AP_299.016ab/
vāmoruvāmahastānte dakṣahastābhayapradā

svanāmādyantu vījāste hastau saṃśodhya cāstrataḥ /AP_299.017ab/
:n
1 vipiṭanāsika iti ña..
:p 110
aṅguṣṭhādau tale netre hṛdādyaṃ vyāpakaṃ nyaset

mūlavījaistribhiḥ prāṇadhyāyakaṃ nyasya sāṅgakam /AP_299.018ab/
prakṣālya pātramastreṇa mūlenāpūrya vāriṇā

gandhapuṣpākṣataṃ nyasya dūrvāmarghyañca mantrayet /AP_299.019ab/
ātmānaṃ tena samprokṣya pūjādravyañca vai dhruvam

prabhūtaṃ vimalaṃ sāramārādhyaṃ paramaṃ sukham /AP_299.020ab/
pīṭhādyān kalpayedetān hṛdā madhye vidikṣu ca

pīṭhopari hṛdā madhye dikṣu caiva vidikṣu ca /AP_299.021ab/
pīṭhopari hṛdābjañca keśaveṣvaṣṭaśaktayaḥ

vāṃ dīptāṃ vīṃ tathā sukṣmāṃ vuñjayāṃ vūñcabhādrikāṃ /AP_299.022ab/
veṃ vibhūtīṃ vaiṃ vimalāṃ vomasighātavidyutām

vauṃ sarvatomukhīṃ vaṃ pīṭhaṃ vaḥ prārcya raviṃ yajet /AP_299.023ab/
āvāhya dadyāt pādyādi hṛtṣaḍaṅgena suvrata

khakārau daṇḍinau caṇḍau majjā daśanasaṃyutā /AP_299.024ab/
māṃsadīrghā jaradvāyuhṛdaitat sarvadaṃ raveḥ

vahnīśarakṣo marutām kikṣu pūjyā hṛdādayaḥ /AP_299.025ab/
svamantraiḥ karṇikāntasthā dikṣvastraṃ purataḥ sadṛk

pūrvādidikṣu sampūjyāś candrajñagurubhārgavāḥ /AP_299.026ab/
nasyāñjanādi kurvīta sājamūtrair grahāpahaiḥ

pāṭhāpathyāvacāśigrusindhūvyoṣaiḥ pṛthak phalaiḥ /AP_299.027ab/
ajākṣīrāḍhake pakvasarpiḥ sarvagrahān haret

vṛścikālīphalīkuṣṭhaṃ lavaṇāni ca śārṅgakam /AP_299.028ab/
apasmāravināśāya tajjalaṃ tvabhibhojayet

:p 111
vidārīkuśakāśekṣukvāthajaṃ pāyayet payaḥ /AP_299.029ab/
droṇe sayaṣṭikuṣmāṇḍarase sarpiś ca saṃskṛtau

pañcagavyaṃ ghṛtaṃ tadvadyogaṃ jvaraharaṃ śṛṇu /AP_299.030ab/
oṃ bhasmāstrāya vidmahe ekadaṃṣṭrāya dhīmahi tanno jvaraḥ
pracodayāt
kṛṣṇoṣaṇaniśārāsnādrākṣātailaṃ guḍaṃ lihet

śvāsavānatha vā bhārgīṃ sayaṣṭimadhusarpiṣā /AP_299.031ab/
pāṭhā tiktā kaṇā bhārgī athavā madhunā lihet

dhātrī viśvasitā kṛṣṇā mustā kharjūramāgadhī /AP_299.032ab/
pivaraśceti hikkāghnaṃ tat trayaṃ madhunā lihet

kāmalī jīramāṇḍūkīniśādhātrīrasaṃ pivet /AP_299.033ab/
vyoṣapadmakatriphalākiḍaṅgadevadāravaḥ /AP_299.033cd/
rāsnācūrṇaṃ samaṃ khaṇḍair jagdhvā kāsaharaṃ dhruvam