Agni Purana · Chapter 297

:e ity āgneye mahāpuraṇe viṣahṛnmantrauṣadhaṃ nāma
ṣannavatyadhikadviśatatamo 'dhyāyaḥ
% chapter {297}
:ś atha saptanavatyadhikadviśatatamo 'dhyāyaḥ
gonasādicikitsā
agnirucāca
gonasādicikitsāñca vaśiṣṭha śṛṇu vacmi te /AP_297.001ab/
hrīṃ hrīṃ amalapakṣi svāhā
tāmbūlakhādanānmantrī harenmaṇḍalino viṣaṃ

laśunaṃ rāmaṭhaphalaṃ kuṣṭhāgnivyoṣakaṃ viṣe /AP_297.002ab/
snuhīkṣīraṃ gavyaghṛtaṃ pakṣaṃ pītvāhije viṣe

atha rājiladaṣṭe ca peyā kṛṣṇā samaindhavā /AP_297.003ab/
ājyakṣaudraśakṛttoyaṃ purītatyā viṣāpahaṃ

sakṛṣṇākhaṇḍadugdhājyaṃ pātavyantena mākṣikaṃ /AP_297.004ab/
vyoṣaṃ picchaṃ viḍālāsthi nakulāṅgaruhaiḥ samaiḥ

cūrṇitair meṣadugdhāktair dhūpaḥ sarvaviṣāpahaḥ /AP_297.005ab/
:p 101
romanirguṇḍikākokavarṇair vā laśunaṃ samaṃ

munipatraiḥ kṛtasvedaṃ daṣṭaṃ kāñcikapācitaiḥ /AP_297.006ab/
mūṣikāḥ ṣoḍaśa proktā rasaṅkārpāsajampivet

satailaṃ mūṣikārtighnaṃ phalinīkusumantathā /AP_297.007ab/
sanāgaraguḍambhakṣyaṃ tadviṣārocakāpahaṃ

cikitsā viṃṣatirbhūtā lūtāviṣaharo gaṇaḥ /AP_297.008ab/
padmakaṃ pāṭalī kuṣṭhaṃ natamūśīracandanaṃ

nirguṇḍī śārivā śelu lūtārtaṃ secayejjalaiḥ /AP_297.009ab/
guñjānirguṇḍikaṅkolaparṇaṃ śuṇṭhī niśādvayaṃ

karañjāsthi ca tatpaṅkaiḥ(1) vṛścikārtiharaṃ śṛṇu /AP_297.010ab/
mañjiṣṭhā candanaṃ vyoṣapuṣpaṃ śirīṣakaumudaṃ

saṃyojyāś caturo yogā lepādau vṛścikāpahāḥ /AP_297.011ab/
oṃ namo bhagavate rudrāya civi 2(2) chinda 2 kiri 2 bhinda 2 khaḍge na chedaya
2 śūlena bhedaya 2 cakreṇa dāraya 2 oṃ hrūṃ phaṭ
mantreṇa mantrito deyo gardhabhādīnnikṛntati

triphalośīramustāmbumāṃsīpadmakacandanaṃ /AP_297.012ab/
ajākṣīreṇa pānādergardhabhāderviṣaṃ haret

haret śirīṣapañcāṅgaṃ vyoṣaṃ śatapadīviṣaṃ /AP_297.013ab/
sakandharaṃ śirīṣāsthi haredundūrajaṃ viṣaṃ

vyoṣaṃ sasarpiḥ piṇḍītamūlamasya viṣaṃ haret /AP_297.014ab/
:n
1 tatpakṣair iti ja.. , ña.. , ṭa.. ca
2 ciri 2 iti ja..
:p 102
kṣāravyoṣavacāḍiṅguviḍaṅgaṃ saindhavannataṃ

ambaṣṭhātibalākuṣṭhaṃ sarvakīṭaviṣaṃ haret /AP_297.015ab/
yaṣṭivyoṣaguḍakṣīrayogaḥ(1) śūno viṣāpahaḥ

oṃ subhadrāyai namaḥ oṃ suprabhāyai namaḥ /AP_297.016ab/
yānyauṣadhāni gṛhyante vidhānena vinā janaiḥ

teṣāṃ vījantvyā grāhyamiti brahmābravīcca tām /AP_297.017ab/
tāmpraṇamyauṣadhīmpaścāt yavān prakṣipya muṣṭinā

daśa japtvā mantramidaṃ namaskuryāttadauṣadhaṃ /AP_297.018ab/
tvāmuddharāmyūrdhvanetrāmanenaiva ca bhakṣayet

namaḥ puruṣasiṃhāya namo gopālakāya ca /AP_297.019ab/
ātmanaivābhijānāti raṇe kṛṣṇaparājayaṃ

etena satyavākyena agado me 'stu sidhyatu /AP_297.020ab/
namo vaidūryamāte tanna 2 rakṣa māṃ sarvaviṣebhyo gauri gāndhāri
cāṇḍāli mātaṅgini svāhā harimāye
auṣadhādau prayoktavyo mantro 'yaṃ sthāvare viṣe

bhuktamātre sthite jvāle padmaṃ śītāmbusevitaṃ /AP_297.021ab/
pāyayetsaghṛtaṃ kṣaudraṃ viṣañcettadanantaraṃ