Agni Purana · Chapter 263

:e ity āgneye mahāpurāṇe utpātaśāntirnāma
dviṣaṣṭyadhikadviśatatamo 'dhyāyaḥ ||
% Chapter {263}
:ś atha triṣaṣṭyadhikadviśatatamo 'dhyāyaḥ
devapūjāvaiśvadevabaliḥ
puṣkara uvāca
devapūjādikaṃ karma vakṣye cotpātamardanam /AP_263.001ab/
āpohiṣṭeti tisṛbhiḥ snāto 'rghyaṃ vioṣṇaverpayet

hiraṇyavarṇā iti ca pādyañca tisṛbhirdvija /AP_263.002ab/
śanna āpo hy ācamanamidamāpo 'bhiṣecanaṃ

rathe akṣe ca tisṛbhirgandhaṃ yuveti(1) vastrakaṃ /AP_263.003ab/
puṣpaṃ puṣpavatītyevaṃ dhūpandhūposi cāpyatha

tejosi śukraṃ dīpaṃ syānmadhuparkaṃ dadhīti ca /AP_263.004ab/
hiraṇyagarbha ity aṣṭāvṛcaḥ proktā nivedane

annasya manujaśreṣṭha pānasya ca sugandhinaḥ /AP_263.005ab/
cāmaravyajanopānacchatraṃ yānāsane tathā

:n
1 gandhaṃ svadheti ka.. , ga.. ,gha.. , ja.. ca
:p 464
yat kiñcidevamādi syātsāvitreṇa nivedayet /AP_263.006ab/
pauruṣantu japet sūktaṃ tadeva juhuyāttathā

arcābhave tathā vedyāñjale pūrṇaghate tathā /AP_263.007ab/
nadītīre 'tha kamale śāntiḥ syādviṣṇupūjanāt

tato homaḥ prakartavyo dīpyamāne vibhāvasau /AP_263.008ab/
parisammṛjya paryukṣya paristīrya paristaraiḥ

sarvānnāgraṃ samuddhṛtya juhuyāt prayatastataḥ /AP_263.009ab/
vāsudevāya devāya prabhave cāvyayāya ca

agnaye caiva somāya mitrāya varuṇāya ca /AP_263.010ab/
indrāya ca mahābhāga indrāgnibhyāṃ tathaiva ca

viśvebhyaś caiva devebhyaḥ prajānāṃ pataye namaḥ /AP_263.011ab/
anumatyai tathā rāma dhanvantaraya eva ca

vāstoṣpatyai tato devyai tataḥ sviṣṭikṛte 'gnaye /AP_263.012ab/
sacaturthyantanāmnā(1) tu hutvaitebhyo baliṃ haret

takṣopatakṣamabhitaḥ pūrveṇāgnimataḥ param /AP_263.013ab/
aśvānāmapi dharmajña ūrṇānāmāni cāpyatha

nirundhī dhūmriṇīkā ca asvapantī(2) tathaiva ca /AP_263.014ab/
meghapatnī(3) ca nāmāni sarveṣāmeva bhārgava

āgneyādyāḥ krameṇātha tataḥ śaktiṣu nikṣipet /AP_263.015ab/
nandinyai ca subhāgyai ca sumaṅgalyai ca bhārgava

:n
1 sa caturthīkanāmneti pāṭhaḥ sādhuḥ
2 aśvaparṇīti ja..
3 meghaparṇīti ja..
:p 465
bhadrakālyai tato datvā sthūṇāyāñca tathā śriye /AP_263.016ab/
hiraṇyakeśyai ca tathā vanaspataya eva ca

dharmādharmamayau dvāre gṛhamadhye dhruvāya ca /AP_263.017ab/
mṛtyave ca vahirdadyādvaruṇāyodakāśaye

bhūtebhyaś ca bahirdadyāccharaṇe dhanadāya ca /AP_263.018ab/
indrāyendrapuruṣebhyo dadyāt pūrveṇa mānavaḥ

yamāya tatpuruṣebhyo dadyāddakṣiṇatas tathā /AP_263.019ab/
varuṇāya tatpuruṣebhyo dadyātpaścimatas tathā

somāya somapuruṣebhya udagdadyādanantaraṃ /AP_263.020ab/
brahmaṇe brahmapuruṣebhyo madhye dadyāttathaiva ca

ākāśe ca tathā cordhve sthaṇḍilāya kṣitau tathā /AP_263.021ab/
divā divācarebhyaś ca rātrau rātricareṣu ca

baliṃ vahis tathā dadyātsāyaṃ prātastu pratyahaṃ /AP_263.022ab/
piṇḍanirvapaṇaṃ kuryāt prātaḥ sāyanna kārayet

pitre tu prathamaṃ dadyāttatpitre tadanantaram /AP_263.023ab/
prapitāmahāya tanmātre pitṛmātre tato 'rpayet

tanmātre dakṣiṇāgreṣu kuśeṣvevaṃ yajet pitṝn /AP_263.024ab/
indravāruṇavāyavyā yāmyā vā nairṛtāya ye

te kākāḥ pitṛgṛhantu imaṃ piṇḍaṃ mayodvṛtam /AP_263.025ab/
kākapiṇḍantu mantreṇa śunaḥ piṇḍaṃ pradāpayet

vivasvataḥ kule jātau dvau śyāvaśabalau(1) śunau /AP_263.026ab/
teṣāṃ piṇḍaṃ pradāsyāmi pathi rakṣantu me sadā

:n
1 śyāmaśabalāviti ja.. , ña.. , ṭa.. ca
:p 466
saurabheyyaḥ(1) sarvahitāḥ pavitrāḥ pāpanāśanāḥ(2) /AP_263.027ab/
pratigṛhṇantu me grāsaṃ gāvastrailokyamātaraḥ

grogrāsañca svastyayanaṃ kṛtvā bhikṣāṃ pradāpayet /AP_263.028ab/
atithīndīnān pūjayitvā gṛhī bhuñjīta ca svayaṃ

oṃ bhūḥ svāhā oṃ bhūvaḥ svāhā oṃ svaḥ svāhā oṃ
bhūrbhuvaḥ svaḥ svāhā
oṃ devakṛtasyainaso 'vayajanamasi svāhā oṃ pitṛkṛtasyainaso
'vayajanamasi svāhā oṃ ātmakṛtasyainaso 'vayajanamasi svāhā oṃ
manuṣyakṛtasyainaso 'vayajanamasi svāhā oṃ enasa enaso 'vayajanamasi
svāhā / yaccāhameno vidvāṃś cakāra yaccavidvāṃstasya sarvasyainaso
'vayajanamasi svāhā agnaye sviṣṭikṛte svāhā oṃ prajāpataye svāhā
||
viṣṇupūjāvaiśvadevabaliste kīrtito mayā //29