Agni Purana · Chapter 262

:e ity āgneye mahāpurāṇe atharvavidhānaṃ
nāmaikaṣaṣṭyadhikadviśatatamo 'dhyāyaḥ
:n
1 kruddhaṃ bhūpaṃ prasādayediti gha.. , ja.. , jha.. ca
:p 460
% Chapter {262}
:ś atha dviṣaṣṭhyadhikadviśatatamo 'dhyāyaḥ
utpātaśāntiḥ
puṣkara uvāca
śrīsūktaṃ prativedañca jñeyaṃ lakṣmīvivardhanaṃ /AP_262.001ab/
hiraṇyavarṇā hariṇīmṛcaḥ pañcadaśa śriyaḥ

ratheṣvakṣeṣu vājeti catasro yajuṣi śriyaḥ /AP_262.002ab/
srāvantīyaṃ tathā sāma śrīsūktaṃ sāmavedake

śriyaṃ dhātarmayi dhehi prāktamātharvaṇe tathā /AP_262.003ab/
śrīsūktaṃ yo japedbhaktyā hutvā śrīstasya vai bhavet

padmāni cātha vilvāni hutvājyaṃ vā tilān śriyaḥ /AP_262.004ab/
ekantu pauruṣaṃ sūktaṃ prativedantu sarvadaṃ

sūktena ddadyānniṣpāpo hy ekaikayā(1) jalāñjaliṃ /AP_262.005ab/
snāta ekaikayā puṣpaṃ viṣṇordatvāghahā bhavet

snāta ekaikayā datvā phalaṃ syāt sarvakāmabhāk /AP_262.006ab/
mahāpāpopapānto bhavejjaptvā tu pauruṣaṃ

kṛcchrair viśuddho japtvā ca hutvā snātvātha sarvabhāk /AP_262.007ab/
aṣṭādaśabhyaḥ śāntibhyastisro 'nyāḥ śāntayo varāḥ

amṛtā cābhayavā saumyā sarvotpātavimardanāḥ /AP_262.008ab/
amṛtā sarvadavatyā abhayā brahmadaivatā

saumyā ca sarvadaivatyā ekā syātsarvakāmadā /AP_262.009ab/
:n
1 hy ekaikaśa iti ka.. , gha.. , cha.. , ña.. ca
:p 461
abhayāyā maṇiḥ kāryo varuṇasya bhṛgūttama

śatakāṇḍo 'mṛtāyāś ca saumyāyāḥ śaṅkajo maṇiḥ /AP_262.010ab/
taddaivatyās tathā mantrāḥ siddhau(1) syānmaṇibandhanaṃ

divyāntarīkṣabhaumādisamutpātārdanā imāḥ /AP_262.011ab/
divyāntarīkṣabhaumantu adbhutaṃ trividhaṃ śṛṇu

graharkṣavaikṛtaṃ divyamāntarīkṣannibodha me /AP_262.012ab/
ulkāpātaś ca digdāhaḥ pariveśastathaiva ca

gandharvanagarañcaiva vṛṣṭiś ca vikṛtā ca yā /AP_262.013ab/
carasthirabhavaṃ bhūmau bhūkampamapi bhūmijaṃ

saptāhābhyanatare vṛṣṭāvadbhutaṃ bhayakṛdbhavet /AP_262.014ab/
śāntiṃ vinā tribhirvaṣair adbhutaṃ bhayakṛdbhavet

devatārcāḥ(2) pranṛtyanti vepante prajvalanti ca /AP_262.015ab/
āraṭhanti(3) ca rodanti prasvidyante hasanti ca

arcāvikāropaśamo 'bhyarcya hutvā prajāpateḥ /AP_262.016ab/
anagnirdīpyate yatra rāṣṭre ca bhṛśanisvanaṃ

na dīpyate cendhanavāṃstadrāṣṭraṃ pāḍyate nṛpaiḥ /AP_262.017ab/
agnivaikṛtyaśamanamagnimantraiś ca bhārgava

akāle phalitā vṛkṣāḥ kṣīraṃ raktaṃ sravanti ca /AP_262.018ab/
vṛkṣotpātapraśamanaṃ śivaṃ pūjya ca kārayet

ativṛṣṭiranāvṛṣṭirdurbhikṣāyobhayaṃ mataṃ /AP_262.019ab/
:n
1 siddhyā iti gha.. , ña.. ca
2 devatāśceti kha.. , cha.. ca
3 āvaṭantīti kha.. , gha.. , cha.. , ña.. ca
:p 462
anṛtau tridinārabdhavṛṣṭirjñeyā bhayāya hi

vṛṣṭivaikṛtyanāśaḥ syātparjaṇyendvarkapūjanāt /AP_262.020ab/
nagarādapasarpante samīpamupayānti ca

nadyo hradapraśravaṇā virasāś ca bhavanti ca /AP_262.021ab/
śalilāśayavaikṛtye japtavyo vāruṇo manuḥ

akālaprasavā nāryaḥ kālato vāprajās tathā /AP_262.022ab/
vikṛtaprasavāś caiva yugmaprasavanādikaṃ

strīṇāṃ prasavavaikṛtye strīviprādiṃ prapūjayet /AP_262.023ab/
vaḍavā hastinī gaurvā yadi yugmaṃ prasūyate

vijātyaṃ vikṛtaṃ vāpi ṣaḍbhirmāsair mriyeta vai /AP_262.024ab/
vikṛtaṃ vā prasūyante paracakrabhayaṃ bhavet

homaḥ prasūtivaikṛtye japo viprādipūjanaṃ /AP_262.025ab/
yāni yānānyayuktāni yuktāni na vahanti ca

ākāśe tūryanādāś ca mahadbhayamupasthitaṃ /AP_262.026ab/
praviśanti yadā grāmamāraṇyā mṛgapakṣiṇaḥ

araṇyaṃ yānti vā grāmyāḥ jalaṃ yānti sthalodbhavāḥ /AP_262.027ab/
sthalaṃ vā jalajā yānti rājadvārādike śivāḥ

pradoṣe kukkuṭo vāse śivā cārkodaye bhavet /AP_262.028ab/
gṛhaṅkapotaḥ praviśet kravyāhā mūrdhni līyate

madhurāṃ makṣikāṃ kuryāt kāko maithunago dṛśi /AP_262.029ab/
prāsādatoraṇodyānadvāraprākāraveśmanāṃ

animittantu patanaṃ dṛḍhānāṃ rājamṛtyave /AP_262.030ab/
rajasā vātha dhūmena diśo yatra samākulāḥ

:p 463
ketūdayoparāgau ca chidratā śaśisūryayoḥ /AP_262.031ab/
graharkṣavikṛtiryatra tatrāpi bhayamādiśet

agniryatra ma dīpyeta sravante codakambhakāḥ /AP_262.032ab/
mṛtirbhayaṃ śūnyatādirutpātānāṃ phalambhavet

dvijadevādipūjābhyaḥ śāntirjapyaistu homataḥ //33