Agni Purana · Chapter 264

:e ity āgneye mahāpurāṇe devapūjāvaiśvadevabalirnāma
triṣaṣṭyadhikadviśatatamo 'dhyāyaḥ ||
% Chapter {264}
:ś atha catuḥṣaṣṭhyadhiakadviśatatamo 'dhyāyaḥ
dikpālādisnānaṃ
agnir uvāca
sarvārthasādhanaṃ snānaṃ vakṣye śāntikaraṃ śṛṇu /AP_264.001ab/
snāpayecca sarittīre grahān viṣṇuṃ vicakṣaṇaḥ

:n
1 saurabheyā iti ka.. , gha.. , cha.. , ña.. ca
2 puṣparāśaya iti ja.. , ṭa.. ca
:p 467
devālaye jvarārtyādau vināyakagrahārdite /AP_264.002ab/
vidyārthino hrade gehe jayakāmasya tīrthake

padminyāṃ snāpayennārīṃ garbho yasyāḥ sravettathā /AP_264.003ab/
aśokasannidhau snāyājjāto yasyā vinaśyati

puṣpārthināñca puṣpāḍhye putrārthināñca sāgare /AP_264.004ab/
gṛhasaubhāgyakāmānāṃ sarveṣāṃ viṣṇusannidhau

vaiṣṇave revatīpuṣye sarveṣāṃ snānamuttamaṃ /AP_264.005ab/
snānakāmasya saptāhampūrvamutsādanaṃ smṛtaṃ

punar navāṃ rocanāñca śatāṅgaṃ guruṇī tvacaṃ /AP_264.006ab/
madhūkaṃ rajanī dve ca tagarannāgakeśaram

ambarīñcaiva mañjiṣṭhāṃ māṃsīyāsakamardanaiḥ /AP_264.007ab/
priyaṅgusarṣapaṃ kuṣṭhambalāmbrāhmīñca kuṅkumaṃ

pañcagavyaṃ śaktumiśraṃ udvartya snānamācaret /AP_264.008ab/
maṇḍale karṇikāyāñca viṣṇuṃ brāhmaṇamarcayet

dakṣe vāme haraṃ pūrvaṃ patre pūrvādike kramāt /AP_264.009ab/
likhedindrādikāndevān sāyudhān sahabāndhavān(1)

snānamaṇḍalakān dikṣu kuryāccaiva vidikṣu ca /AP_264.010ab/
viṣṇubrahmeśaśakrādīṃstadastrāṇyarcya homayet

ekaikasya tvaṣṭaśataṃ samidhastu tilān dhṛtaṃ /AP_264.011ab/
bhadraḥ subhadraḥ siddhārthaḥ kalasāḥ puṣṭivardhanāḥ

amoghaścitrabhānuś ca parjanyo 'tha sudarśanaḥ /AP_264.012ab/
sthāpayettu vaṭānenān sāśvirudramarudgaṇān

:n
1 sahavāhanāniti gha.. , ja.. ca
:p 468
viśve devas tathā daityā vasavo munayas tathā /AP_264.013ab/
āveśayantu suprītās tathānyā api devatāḥ

oṣadhīr nikṣipet kumbhe jayantīṃ vijayāṃ jayāṃ /AP_264.014ab/
śatāvarīṃ śatapuṣpāṃ viṣṇukrāntāparājitām

jyotiṣmatīmatibalāñcandanośīrakeśaraṃ /AP_264.015ab/
kastūrikāñca karpūraṃ bālakaṃ patrakaṃ tvacaṃ

jātīphalaṃ lavaṅgañca mṛttikāṃ pañcagavyakaṃ /AP_264.016ab/
bhadrapīṭhe sthitaṃ sādhyaṃ snāpayeyurdvijā balāt

rājābhiṣekamantroktadevānāṃ homakāḥ pṛthak /AP_264.017ab/
pūrṇāhutintato datvā gurave dakṣiṇāṃ dadet

indro 'bhiṣikto guruṇā purā daityān jaghāna ha /AP_264.018ab/
dikpālasnānaṅkathitaṃ saṃgrāmādau jayādikaṃ