Agni Purana · Chapter 260

:e ity āgeneye mahāpurāṇe yajurvidhānaṃ
nāmonaṣaṣṭyadhikadviśatatamo 'dhyāyaḥ ||
% Chapter {260}
:ś atha ṣaṣṭhyadhikadviśatatamo 'dhyāyaḥ
sāmavidhānaṃ
puṣkara uvāca
yujurvidhānaṅkathitaṃ vakṣye sāmnāṃ vidhānakaṃ /AP_260.001ab/
saṃhitāṃ vaiṣṇavīñjaptvā hutvā syāt sarvakāmabhāk

saṃhitāñchāndasīṃ sādhu japtvā prīṇāti śaṅkaraṃ /AP_260.002ab/
skandīṃ paitryāṃ saṃhitāñca japtvā syāttu prasādavān

:n
1 bhāgata iti ka.. , ga.. , cha.. , ña.. ca
2 pravādīśaṃ sopaditīti kha.. , cha.. ca
3 sarvaśāntikarantatheti gha.. , ña.. ca
:p 455
yata indra bhajāmahe hiṃsādoṣavināśanaṃ /AP_260.003ab/
avakīrṇī mucyate ca agnistigmeti vai japan

sarvapāpaharaṃ jñeyaṃ paritoyañca tāsu ca(1) /AP_260.004ab/
avikreyañca vikrīya japedghṛtavatīti ca

ayāno deva saviturjñeyanduḥsvapnanāśanaṃ /AP_260.005ab/
abodhyagniritimantreṇa ghṛtaṃ rāma yathāvidhi

abhyukṣya ghṛtaśeṣeṇa mekhalābandha iṣyate /AP_260.006ab/
strīṇāṃ yāsāntu garbhāṇi patanti bhṛgusattama

maṇiṃ jātasya bālasya vadhnīyāttadanantaraṃ /AP_260.007ab/
somaṃ rājānametena vyādhibhirvipramucyate

sarpasāma prayuñjīno nāpnuyāt sarpajambhayaṃ /AP_260.008ab/
mādya tvā vādyatetyetaddhutvā vipraḥ sahasraśaḥ

śatāvarimaṇibaddhvā nāpnuyācchastrato bhayaṃ /AP_260.009ab/
dīrghatamasorka iti huttvānnaṃ prāpnuyādbahu

svamadhyāyantīti japanna mriyeta pipāsayā(2) /AP_260.010ab/
tvamimā oṣadhī hy etajjaptvā vyādhiṃ na vāpnuyāt

pathi devavratañjaptvā bhayebhyo vipramucyate /AP_260.011ab/
yadindro munaye tveti hutaṃ saubhāgyavardhanaṃ

bhago na citra ity evaṃ netrayo rañjanaṃ hitaṃ /AP_260.012ab/
saubhāgyavardhanaṃ rāma nātra kārya vicāraṇā

japendreti vargañca tathā saunbhāgyavardhanaṃ /AP_260.013ab/
:n
1 paritoyaṃ yutāyutamiti ja.. , ṭa.. ca
2 pipāsita iti gha.. , ña.. ca
:p 456
pari priyā hi vaḥ kāriḥ(1) kāmyāṃ saṃśrāvayet striyaṃ

sā taṅkāmayate rāma nātra kāryā vicāraṇā /AP_260.014ab/
rathantaraṃ vāmadevyaṃ brahmavarcasavardhanaṃ

prāśayedbālakaṃ nityaṃ vacācūrṇaṃ ghṛtaplutaṃ /AP_260.015ab/
indramidgāthinaṃ japtvā bhavecchrutidharastvasau

hutvā rathantarañjaptvā putramāpnotyasaṃśayaṃ /AP_260.016ab/
mayi śrīriti mantroyaṃ japtavyaḥ śrīvivardhanaḥ

vairūpyasyāṣṭakaṃ nityaṃ prayuñjānaḥ śriyaṃ labhet /AP_260.017ab/
saptāṣṭakaṃ prayuñjānaḥ sarvān kāmānavāpnuyāt

gavyeṣuṇeti yo nityaṃ sāyaṃ prātaratantritaḥ /AP_260.018ab/
upasthānaṃ gavāṃ kuryāttasya syustāḥ sadā gṛhe

ghṛtāktantu yavadroṇaṃ vāta āvātu bheṣajaṃ /AP_260.019ab/
anena vidhivat sarvāṃ māyāṃ vyapohati

pradevo dāsena tilān hutvā kārmaṇakṛntanaṃ /AP_260.020ab/
abhi tvā pūrvapītaye vaṣaṭkārasamanvitaṃ

vāsakedhmasahasrantu hutaṃ yuddhe jayapradaṃ /AP_260.021ab/
hastyaśvapuruṣān kuryādbudhaḥ piṣṭamayān śubhān

parakīyānathoddeśya pradhānapuruṣāṃs tathā /AP_260.022ab/
susvinnān piṣṭakavarān kṣureṇot kṛtya bhāgaśaḥ

abhi tvā śūra ṇonumo mantreṇānena mantravit /AP_260.023ab/
kṛtvā sarṣapatailāktān krodhena(2) juhuyāttataḥ

:n
1 paripriyādeva kāririti kha.. , cha.. ca / paripriyādeva kaviriti gha.. , ña.. ca
2 mantreṇeti kha.. , cha.. , ja.. ca
:p 457
etat kṛtvā budhaḥ karma saṃgrāme jayamāpnuyāt /AP_260.024ab/
gāruḍaṃ vāmadevyañca rathantaravṛhadrathau

sarvapāpapraśamanāḥ kathitāḥ saṃśayaṃ vinā
//25

:e ity āgneye mahāpurāṇe sāmavidhānaṃ nāma
ṣaṣṭyadhikadviśatatamo 'dhyāyaḥ ||
% Chapter {261}
:ś athaikaṣaṣṭhyadhikadviśatatamo 'dhyāyaḥ
atharvavidhānaṃ
puṣkara uvāca
sāmnāṃ vidhānaṃ kathitaṃ vakṣye cātharvaṇāmatha /AP_261.001ab/
śāntātīyaṃ gaṇaṃ hutvā śāntimāpnoti mānavaḥ

bhaiṣajyañca gaṇaṃ hutvā sarvānrogān vyāpohati /AP_260.002ab/
trisaptīyaṃ gaṇaṃ hutvā sarvapāpaiḥ pramucyate

kvacinnāpnoti ca bhayaṃ hutvā caivābhayaṅgaṇaṃ /AP_260.003ab/
na kvacijjāyate rāma gaṇaṃ hutvā parājitaṃ

āyuṣyañca gaṇaṃ hutvā apamṛtyuṃ vyapohati /AP_260.004ab/
svastimāpnoti sarvatra hutvā svastyayanaṅgaṇaṃ

śreyasā yogamāpnoti śarmavarmagaṇantathā /AP_260.005ab/
vāstoṣpatyagaṇaṃ hutvā vāstudoṣān vyapohati

tathā raudragaṇaṃ hutvā sarvān doṣān vyapohati /AP_260.006ab/
etair daśaguṇair homī hy aṣṭādaśasu śāntiṣu

:p 458
vaiṣṇavī śāntiraindrī ca brāhmī raudrī tathaiva ca /AP_260.007ab/
vāyavyā vāruṇī caiva kauverī bhārgavī tathā

prājāpatyā tathā tvāṣṭrī kaumārī vahnidevatā /AP_260.008ab/
mārudgaṇā ca gāndhārī śāntair nairṛtakī tathā

śāntirāṅgirasī yāmyā pārthivī sarvakāmadā /AP_260.009ab/
yastvāṃ mṛtyuriti hy etajjaptaṃ mṛtyuvināśanaṃ

suparṇastveti hutvā ca bhujagair naiva bādhyate /AP_260.010ab/
indreṇa dattamityetat sarvakāmakarambhavet

indreṇa dattamityetat sarvabādhāvināśanaṃ /AP_260.011ab/
imā devīti mantraś ca sarvaśāntikaraḥ paraḥ

devā maruta ity etat sarvakāmakarambhavet /AP_260.012ab/
yamasya lokādityetat duḥsvapnaśamanamparaṃ

indraś ca pañcabaṇijeti(1) hutaṃ strīṇāṃ saubhāgyavardhanaṃ /AP_260.013ab/
kāmo me vājīti hutaṃ strīṇāṃ saubhāgyavardhanaṃ

tubhyameva javīmannityayutantu hutambhavet /AP_260.014ab/
agne gobhinna ity etat(2) medhāvṛddhikaramparaṃ

dhruvaṃ dhruveṇeti hutaṃ sthānalābhakaraṃ bhavet /AP_260.015ab/
alaktajīveti śunā kṛṣilābhakaraṃ bhavet

ahante bhagna ity etat bhavetsaubhāgyavardhanaṃ /AP_260.016ab/
ye me pāśas tathāpyetat bandhanāmnokṣakāraṇaṃ

śapantvahanniti ripūn nāśayeddhomajāpyataḥ /AP_260.017ab/
:n
1 indra vanaṃ vanik cetīti gha.. , ja.. ca
2 agne saubhāgya ity etaditi ja..
:p 459
tvamuttamamitītyetadyaśobuddhivivardhanaṃ

yathā mṛgamatītyetat strīṇāṃ saubhāgyavardhanaṃ /AP_260.018ab/
yena cehadidañcaiva garbhalābhakaraṃ bhavet

ayante yonirityetat putralābhakaraṃ bhavet /AP_260.019ab/
śivaḥ śivābhirityetat bhavetsaubhāgyavardhanaṃ(1)

vṛhaspatir naḥ paripātu pathi svastyayanaṃ bhavet /AP_260.020ab/
muñcāmi tveti kathitamapamṛtyunivāraṇaṃ

atharvaśiraso 'dhyetā sarvapāpaiḥ pramucyate /AP_260.021ab/
prādhānyena tu mantrāṇāṃ kiñcit karma taveritaṃ

vṛkṣāṇāṃ yajñiyānāntu samidhaḥ prathamaṃ haviḥ /AP_260.022ab/
ājyañca vrīhayaś caiva tathā vai gaurasarṣapāḥ

akṣatāni tilāś caiva dadhikṣīre ca bhārgava /AP_260.023ab/
darbhāstathaiva dūrvāś ca vilvāni kamalāni ca

śāntipuṣṭikarāṇyāhurdravyāṇyetāni sarvaśaḥ /AP_260.024ab/
tailaṅkaṇāni dharmajña rājikā rudhiraṃ viṣaṃ

samidhaḥ kaṇṭakopetā abhicāreṣu yojayet /AP_260.025ab/
ārṣaṃ vai daivataṃ chando viniyogajña ācaret