Agni Purana · Chapter 256

:e ity āgneye mahāpurāṇe dāyavibhāgo nāma
pañcapañcāśadadhikadviśatatamo 'dhyāyaḥ ||
:p 424
% Chapter {256}
:ś atha ṣaṭpañcāśadadhikadviśatatamo 'dhyāyaḥ
sīmāvivādādinirṇayaḥ
agnir uvāca
sīmno vivāde kṣetrasya sāmantāḥ sthavirā gaṇāḥ /AP_256.001ab/
gopāḥ sīmākṛṣāṇā ye sarve ca vanagocarāḥ

nayeyurete sīmānaṃ sthalāṅgāratuṣadrumaiḥ /AP_256.002ab/
setuvalmīkanimnāsthicaityādyair upalakṣitām

sāmantā vā samaṃgrāmāś catvāro 'ṣṭau daśāpi vā(1) /AP_256.003ab/
raktasragvasanāḥ sīmānnayeyuḥ kṣitidhāriṇaḥ

anṛte tu pṛthagdaṇḍyā rājñā madhyamasāhasam /AP_256.004ab/
abhāve jñātṛcihnānāṃ rājā sīmnaḥ pravattakaḥ

ārāmāyatanagrāmanipānodyānaveśmasu /AP_256.005ab/
eṣa eva vidhirjñeyo varṣāmvupravaheṣu ca

maryādāyāḥ prabhedeṣu kṣetrasya haraṇe tathā /AP_256.006ab/
maryādāyāś ca daṇḍyāḥ syuradhamottamamadhyamāḥ

na niṣedhyo 'lpabādhastu setuḥ kalyāṇakārakaḥ /AP_256.007ab/
parabhūmiṃ haran kūpaḥ svalpakṣetro bahūdakaḥ

svāmine yo 'nivedyaiva kṣetre setuṃ prakalpayet /AP_256.008ab/
utpanne svāmino bhogastadabhāve mahīpateḥ

phālāhatamapi kṣetraṃ yo na kuryānna kārayet /AP_256.009ab/
:n
1 catvāro 'tha daśāpi veti kha.. , ga.. , ña.. ca
:p 425
sa pradāpyo 'kṛṣṭaphalaṃ kṣetramanyena kārayet

māsānaṣṭau tu mahiṣī satyaghātasya kāriṇī /AP_256.010ab/
daṇḍanīyā tadardhantu gaustadardhamajāvikaṃ

bhakṣayitvopaviṣṭānāṃ yathoktād dviguṇo damaḥ /AP_256.011ab/
samameṣāṃ vivītepi svarāṣṭraṃ mahiṣīsamam

yāvat satyaṃ vinaṣṭantu tāvat kṣetrī phalaṃ labhet /AP_256.012ab/
pālastāḍyo 'tha gosvāmī pūrvoktaṃ daṇḍamarhati

pathi grāmavivītānte kṣetre doṣo na vidyate /AP_256.013ab/
akāmataḥ kāmacāre cauravaddaṇḍamarhati

mahotkṣotsṛṣṭapaśavaḥ sūtikāgantukā ca gauḥ /AP_256.014ab/
pālo yeṣāntu mocyā daivarājapariplutāḥ

yathārpitān paśūn gopoḥ sāyaṃ pratyarpayettathā /AP_256.015ab/
pramādamṛtanaṣṭāṃś ca pradāpyaḥ kṛtavetanaḥ

pāladoṣavināśe tu pāle daṇḍo vidhīyate /AP_256.016ab/
ardhatrayodaśapaṇaḥ svāmino dravyameva ca

grāmecchayā gopracāro bhūmirājavaśena vā /AP_256.017ab/
dvijastṛṇaidhaḥpuṣpāṇi sarvataḥ svavadāharet

dhanuḥśataṃ parīṇāho grāmakṣetrāntaraṃ bhavet /AP_256.018ab/
dve śate kharvaṭasya syānnagarasya catuḥśatam

svaṃ labhetānyavikrītaṃ kreturdoṣo 'prakāśite /AP_256.019ab/
hīnādraho hīnamūlye velāhīne ca taskaraḥ

naṣṭāpahṛtamāsādya hartāraṃ grāhayennaram /AP_256.020ab/
deśakālātipattau vā gṛhītvā svayamarpayet

:p 426
vikreturdarśanācchuddhiḥ svāmī dravyaṃ nṛpo damam /AP_256.021ab/
kretā mūlyaṃ samāpnoti tasmādyastatra vikrayī

āgamenopabhogena naṣṭaṃ bhāvyamato 'nyathā /AP_256.022ab/
pañcabandho damastasya rājñe tenāpyabhāvite

hṛtaṃ pranaṣṭaṃ yo dravyaṃ parahastādavāpnuyāt /AP_256.023ab/
anivedya nṛpe daṇḍyaḥ sa tu ṣannayatiṃ paṇān

śaulkikaiḥ sthānapālair vā naṣṭāpahṛtamāhṛtaṃ /AP_256.024ab/
arvāk saṃvatsarāt svāmī labhate parato nṛpaḥ

paṇānekaśaphe dadyāccaturaḥ pañca mānuṣe /AP_256.025ab/
mahiṣoṣṭragavāṃ dvau dvau pādaṃ pādamajāvike

svakuṭumbāvirodhena deyaṃ dārasutādṛte /AP_256.026ab/
nānvaye sati sarvasvaṃ deyaṃ yaccānyasaṃśrutam

pratigrahaḥ prakāśaḥ syāt sthāvarasya viśeṣataḥ /AP_256.027ab/
deyaṃ pratiśrutañcaiva datvā nāpaharet punaḥ

daśaikapañcasaptāhamāsatryahārdhamāsikaṃ /AP_256.028ab/
vījāyovāhyaratnastrīdohyapuṃsāṃ pratīkṣaṇam

agnau suvarṇamakṣīṇaṃ dvipalaṃ rajate śate /AP_256.029ab/
aṣṭau trapuṇi sīse ca tāmre pañcadaśāyasi

śate daśapalāvṛddhiraurṇe kārpāsike tathā /AP_256.030ab/
madhye pañcapalā jñeyā sūkṣme tu tripalā matā

kārmike romabaddhe ca triṃśadbhāgaḥ kṣayo mataḥ /AP_256.031ab/
na kṣayo na ca vṛddhistu kauśeye valkaleṣu ca

deśaṃ kālañca bhogañca jñātvā naṣṭe balābalam /AP_256.032ab/
:p 427
dravyāṇāṃ kuśalā brūyuryattaddāpyamasaṃśayam

balāddāsīkṛtaś caurair vikrītaścāpi mucyate /AP_256.033ab/
svāmiprāṇaprado bhaktatyāgāttanniṣkrayādapi

pravrajyāvasito rājño dāsa āmaraṇāntikaḥ /AP_256.034ab/
varṇānāmānulomyena dāsyaṃ na pratilomataḥ

kṛtaśilpopi nivaset kṛtakālaṃ gurorgṛhe /AP_256.035ab/
antevāsī guruprāptabhojanastratphalaptadaḥ

rājā kṛtvā pure sthānaṃ brāhmaṇānnyasya tatra tu /AP_256.036ab/
traividyaṃ vṛttimadbrūyāt svadharmaḥ pālyatāmiti

nijadharmāvirodhena yastu sāmayiko bhavet /AP_256.037ab/
so 'pi yatnena saṃrakṣyo dharmo rājakṛtaś ca yaḥ

gaṇadravyaṃ haredyastu saṃvidaṃ laṅghayecca yaḥ /AP_256.038ab/
sarvasvaharaṇaṃ kṛtvā taṃ rāṣṭrādvipravāsayet

kartavyaṃ vacanaṃ sarvaiḥ samūhahitavādibhiḥ /AP_256.039ab/
yastatra viparītaḥ syātsa dāpyaḥ prathamaṃ damam

samūhakāryaprahito yallabhettattadarpayet /AP_256.040ab/
ekādaśaguṇaṃ dāpyo yadyasau nārpayet svayam

vedajñāḥ śucayo 'lubdhā bhaveyuḥ kāryacintakāḥ /AP_256.041ab/
kartavyaṃ vacanaṃ teṣāṃ samūhahitavādināṃ

śreṇinaigamapākhaṇḍigaṇānāmapyayaṃ vidhiḥ /AP_256.042ab/
bhedañcaiṣāṃ nṛpo rakṣet pūrvavṛttiñca pālayet

gṛhītavetanaḥ karma tyajan dviguṇamāvahet /AP_256.043ab/
agṛhīte samaṃ dāpyo bhṛtyai rakṣya upaskaraḥ

:p 428
dāpyastu daśamaṃ bhāgaṃ bāṇijyapaśusasyataḥ /AP_256.044ab/
aniścitya bhṛtiṃ yastu kārayetsa mahīkṣitā

deśaṃ kālañca yo 'tīyāt karma kuryācca yo 'nyathā /AP_256.045ab/
tatra tu svāminaśchando 'dhikaṃ deyaṃ kṛte 'dhike

yo yāvat kurute karma tāvattasya tu vetanam /AP_256.046ab/
ubhayorapyasādhyañcet sādhye kuryādyathāśrutam

arājadaivikannaṣṭaṃ bhāṇḍaṃ dāpyastu vāhakaḥ /AP_256.047ab/
prasthānavighnakṛccaiva pradāpyo dviguṇāṃ bhṛtim

prakrānte saptamaṃ bhāgaṃ caturthaṃ pathi saṃtyajan /AP_256.048ab/
bhṛtimardhapathe sarvāṃ pradāpyastyājakoapi ca

glahe śatikavṛddhestu sabhikaḥ pañcakaṃ gataṃ /AP_256.049ab/
gṛhṇīyāddhūrtakitavāditarāddaśakaṃ śataṃ

sa samyakpālito dadyādrājñe bhāgaṃ yathākṛtaṃ /AP_256.050ab/
jitamudgrāhayejjetre dadyātsatyaṃ vacaḥ kṣamī

prāpte nṛpatinā bhāge prasiddhe dhūrtamaṇḍale /AP_256.051ab/
jitaṃ saśabhike sthāne dāpayedanyathā na tu

draṣṭāro vyavahārāṇāṃ sākṣiṇaś ca ta eva hi /AP_256.052ab/
rājñā sacihnā nirvāsyāḥ kūṭākṣopadhidevinaḥ

dyūtamekamukhaṃ kāryaṃ taskarajñānakāraṇāt /AP_256.053ab/
eṣa eva vidhirjñeyaḥ prāṇidyūte samāhvaye