Agni Purana · Chapter 254

:e ity āgneye mahāpurāṇe vyavahāro nāma
tripañcāśadadhikadviśatatamo 'dhyāyaḥ ||
% Chapter {254}
:ś atha catuḥpañcāśadadhikadviśatatamo 'dhyāyaḥ
divyapramāṇakathanaṃ
agnir uvāca
tapasvino dānaśīlāḥ kulīnāḥ satyavādinaḥ /AP_254.001ab/
dharmapradhānā ṛjavaḥ putravanto dhanānvitāḥ

pañcayajñakriyāyuktāḥ sākṣiṇaḥ pañca vā trayaḥ /AP_254.002ab/
yathājāti yathāvarṇa sarve sarveṣu vā smṛtāḥ

strīvṛddhabālakitavamattonmattābhiśastakāḥ /AP_254.003ab/
:p 416
raṅgāvatāripāṣaṇḍikūṭakṛdvikalendriyāḥ

patitāptānnasambandhisahāyariputaskarāḥ /AP_254.004ab/
amākṣiṇaḥ sarvasākṣī cauryapāruṣyasāhase

ubhayānumataḥ sākṣī bhavatyekopi dharmavit /AP_254.005ab/
abruvan hi naraḥ sākṣyamṛṇaṃ sadaśabandhakam

rājñā sarvaṃ pradāpyaḥ syāt ṣaṭcatvāriṃśake 'hnani /AP_254.006ab/
na dadāti hi yaḥ sākṣyaṃ jānannapi narādhamaḥ

sa kūṭasākṣiṇāṃ pāpaistulyo daṇḍena caiva hi /AP_254.007ab/
sākṣiṇaḥ śrāvayedvādiprativādisamīpagān

ye pātakakṛtāṃ lokā mahāpātakināṃ tathā /AP_254.008ab/
agnidānāñca ye lokā ye ca strībālaghātināṃ

tān sarvān samavāpnoti yaḥ sākṣyamanṛtaṃ vadet /AP_254.009ab/
sukṛtaṃ yattvayā kiñcijjanmāntaraśataiḥ kṛtam

tatsarvaṃ tasya jānīhi yaṃ parājayase mṛṣā /AP_254.010ab/
dvaidhe bahūnāṃ vacanaṃ sameṣu guṇināntathā

guṇidvaidhe tu vacanaṃ grāhyaṃ ye guṇavattarāḥ /AP_254.011ab/
yasyocuḥ sākṣiṇaḥ satyāṃ pratijñāṃ sa jayī bhavet

anyathā vādino yasya dhrūvastasya parājayaḥ /AP_254.012ab/
ukte 'pi sākṣibhiḥ sākṣye yadyanye guṇavattarāḥ

dviguṇā vānyathā brūyuḥ kūṭāḥ syuḥpūrvasākṣiṇaḥ /AP_254.013ab/
pṛthak pṛthagdaṇḍanīyāḥ kūṭakṛtsākṣiṇas tathā

vivādāddviguṇaṃ daṇḍaṃ vivāsyo brāhmaṇaḥ smṛtaḥ /AP_254.014ab/
yaḥ sākṣyaṃ śrāvito 'nyebhyo nihnute tattamovṛtaḥ

:p 417
sa dāpyo 'ṣṭaguṇam daṇḍaṃ brāhmaṇantu vivāsayet /AP_254.015ab/
varṇināṃ hi badho yatra tatra sākṣya.anṛtaṃ vadet

yaḥ kaścidartho 'bhimataḥ svarucyā tu parasparaṃ /AP_254.016ab/
lekhyaṃ tu sākṣimat kāryaṃ tasmin dhanikapūrvakam

samāmāsatadarhāhar nāmajātisvagotrajaiḥ /AP_254.017ab/
sabrahmacārikātmīyapitṛnāmādicihnitam

samāpte 'rthe ṛṇī nāma svahastena niveśayet /AP_254.018ab/
mataṃ me 'mukaputrasya yadatroparilekhitaṃ

sākṣiṇaś ca svahastena pitṛnāmakapūrvakam /AP_254.019ab/
atrāhamamukaḥ sākṣī likheyuriti te samāḥ

alipijña ṛṇī yaḥ syālekayet svamatantu saḥ /AP_254.020ab/
sākṣī vā sākṣiṇānyena sarvasākṣisamīpataḥ

ubhayābhyarthitenaitanmayā hy amukasūnunā /AP_254.021ab/
likhitaṃ hy amukeneti lekhako 'thāntato likhet

vināpi sākṣibhir lekhyaṃ svahastalikhitañca yat /AP_254.022ab/
tat pramāṇaṃ smṛtaṃ sarvaṃ balopadhikṛtādṛte

ṛṇaṃ lekhyakṛtaṃ deyaṃ puruṣaistribhireva tu /AP_254.023ab/
ādhistu bhujyate tāvadyāvattanna pradīyate

deśāntarasthe durlekhye naṣṭonmṛṣṭe hṛte tathā /AP_254.024ab/
bhinne cchinne tathā dagdhe lekhyamanyattu kārayet

sandigdhārthaviśuddhyarthaṃ svahastalikhitantu yat /AP_254.025ab/
yuktiprāptikriyācihnasambandhāgamahetubhiḥ

lekhyasya pṛṣṭhe 'bhilikhet praviṣṭamadhamarṇinaḥ /AP_254.026ab/
:p 418
dhanī copagataṃ dadyāt svahastaparicihnitam

datvarṇaṃ pāṭayellekhyaṃ śuddhyai cānyattu kārayet /AP_254.027ab/
sākṣimacca bhavedyattu taddātavyaṃ sasākṣikaṃ

tulāgnyāpo viṣaṃ koṣo divyānīha viśuddhaye /AP_254.028ab/
mahābhiyogeṣvetāni śīrṣakasthe 'bhiyoktari

rucyā vānyataraḥ kuryāditaro vartayecchiraḥ /AP_254.029ab/
vināpi śīrṣakāt kuryānnṛpadrohe 'tha pātake

nāsahasrāddharet phālaṃ na tulānna viṣantathā /AP_254.030ab/
nṛpārtheṣvabhiyogeṣu vaheyuḥ śucayaḥ sadā

sahasrārthe tulādīni koṣamalpe 'pi dāpayet /AP_254.031ab/
śatārdhaṃ dāpayecchuddhamaśuddho daṇḍabhāg bhavet

sacelasnātamāhūya sūryodaya upoṣitam /AP_254.032ab/
kārayetdarvadivyāni nṛpabrāhmaṇasannidhau

tulā strībālavṛddhāndhapaṅgubrāhmaṇarogiṇāṃ /AP_254.033ab/
agnirjvalaṃ vā śūdrasya yavāḥ sapta viṣasya vā

tulādhāraṇavidvadbhirabhiyuktastulāśritaḥ /AP_254.034ab/
pratimānasamībhūto rekhāṃ kṛtvāvatāritaḥ

ādityacandrāvanilo 'nalaś ca dyaurbhūmirāpohṛdayaṃ yamaś ca /AP_254.035ab/
ahaś ca rātriś ca ubhe ca sandhye dharmaś ca jānāti narasya vṛttam

tvaṃ tule satyadhāmāsi purā devair vinirmitā /AP_254.036ab/
satyaṃ vadasva kalyāṇi saṃśayānmāṃ vimocaya

:p 419
yadyasmi pāpakṛnmātastato māṃ tvamadho naya /AP_254.037ab/
śuddhaścedgamayordhvammāṃ tulāmityabhimantrayet

karau vimṛditavrīherlakṣayitvā tato nyaset /AP_254.038ab/
saptāśvaptyasya patrāṇi tāvat sūtreṇa veṣṭayet

tvameva sarvabhūtānāmantaś carasi pāvaka /AP_254.039ab/
sākṣivat puṇyapāpebhyo brūhi satyaṅgare mama

tasyetyuktavato lauhaṃ pañcāśatpalikaṃ samam /AP_254.040ab/
agnirvarṇaṃ nyaset piṇḍaṃ hastayorubhayorapi

sa tamādāya saptaiva maṇḍalāni śatair vrajet /AP_254.041ab/
ṣoḍaśāṅgulakaṃ jñeyaṃ maṇḍalaṃ tāvadantaram

muktvāgniṃ mṛditavrīhiradagdhaḥ śuddhimāpnuyāt /AP_254.042ab/
antarā patite piṇḍe sandehe vā punarharet

pavitrāṇāṃ pavitra tvaṃ śodhyaṃ śodhaya pāvana /AP_254.043ab/
satyena mābhirakṣasva varuṇetyabhiśastakam

nābhidaghnodakasthasya gṛhītvorū jalaṃ viśet /AP_254.044ab/
samakālamiṣuṃ muktamānīyānyo javo naraḥ

yadi tasminnimagnāṅgaṃ paśyecca śuddhimāpnuyāt /AP_254.045ab/
tvaṃ viṣa brahmaṇaḥ putra satyadharme vyavasthita

trāyasvāsmādabhīśāpāt satyena bhava me 'mṛtam /AP_254.046ab/
evamuktvā viṣaṃ sārṅgaṃ bhakṣayeddhimaśailajaṃ

yasya vegair vinā jīrṇaṃ śuddhiṃ tasya vinirdiśet /AP_254.047ab/
devānugrān samabhyarcya tatsnānodakamāharet

saṃśrāvya pāpayettasmājjalāttu prasṛtitrayam /AP_254.048ab/
:p 420
ācaturdaśamādahno yasya no rājadaivikam

vyasanaṃ jāyate ghoraṃ sa śuddhaḥ syādasaṃśayam /AP_254.049ab/
satyavāhanaśastrāṇi govījakanakāni ca

devatāgurupādāś ca iṣṭāpūrtakṛtāni ca /AP_254.050ab/
ityete sukarāḥ proktāḥ śapathāḥ svalpasaṃśaye