Agni Purana · Chapter 249

:e ity āgenye mahāpurāṇe dhanurvedo nāma
aṣṭacatvāriṃśadadhikadviśatatamo 'dhyāyaḥ ||
% Chapter {249}
:ś athonapañcāśadadhikadviśatatamo 'dhyāyaḥ
dhanurvedakathanaṃ
agnir uvāca
pūrṇāyataṃ dvijaḥ kṛtvā tato māṃsair gadāyudhān /AP_249.001ab/
sunirdhautaṃ dhanuḥ kṛtvā yajñabhūmau vidhāpayet

tato vāṇaṃ samāgṛhya daṃśitaḥ susamāhitaḥ /AP_249.002ab/
tūrṇamāsādya badhnīyādṛḍhāṃ kakṣāñca dakṣiṇām

vilakṣyamapi tadvāṇaṃ tatra caiva susaṃsthitaṃ /AP_249.003ab/
tataḥ samuddharedvāṇaṃ tūṇāddakṣiṇapāṇinā

tenaiva sahitaṃ madhye śaraṃ saṅgṛhya dhārayet /AP_249.004ab/
vāmahastena vai kakṣāṃ dhanustasmātsamuddharet

aviṣaṇṇamatirbhūtvā guṇe puṅkhaṃ niveśayet /AP_249.005ab/
sampīḍya siṃhakarṇena puṅkhenāpi same dṛḍhaṃ

:p 400
vāmakarṇopaviṣtañca phalaṃ vāmasya dhārayet /AP_249.006ab/
varṇān madhyamayā tatra vāmāṅgulyā ca dhārayet

mano lakṣyagataṃ kṛtvā muṣṭinā ca vidhānavit /AP_249.007ab/
dakṣiṇe gātrabhāge tu kṛtvā varṇaṃ vimokṣayet

lalāṭapuṭasaṃsthānaṃ daṇḍaṃ lakṣye niveśayet /AP_249.008ab/
ākṛṣya tāḍayettatra candrakaṃ ṣoḍaśāṅgulam

muktvā vāṇaṃ tataḥ paścādulkāśikṣastadā tayā /AP_249.009ab/
nigṛhṇīyān madhyamayā tato 'ṅgulyā punaḥ punaḥ

akṣilakṣyaṃ kṣipettūṇāccaturasrañca dakṣiṇam /AP_249.010ab/
caturasragataṃ vedhyamabhyaseccāditaḥ sthitaḥ

tasmādanantaraṃ tīkṣṇaṃ parāvṛttaṃ gatañca yat /AP_249.011ab/
nimnamunnatavedhañca abhyaset kṣiprakantataḥ

vedhyasthāneṣvathaiteṣu sattvasya puṭakāddhanuḥ /AP_249.012ab/
hastāvāpaśataiścitraistarjayeddustarair api

tasmin(1) vedhyagate vipra dve vedhye dṛḍhasañjñake /AP_249.013ab/
dve vedhye duṣkare vedhye dve tathā citraduṣkare

na tu nimnañca(2) tīkṣṇañca dṛḍhavedhye prakīrtite /AP_249.014ab/
nimnaṃ duṣkaramuddiṣṭaṃ vedhyamūrdhvagatañca yat

mastakāyanamadhye tu citraduṣkarasañjñake /AP_249.015ab/
evaṃ vedhyagaṇaṅkṛtvā dakṣiṇenetareṇa ca

ārohet prathamaṃ vīro jitalakṣastato naraḥ /AP_249.016ab/
eṣa eva vidhiḥ proktastatra dṛṣṭaḥ prayoktṛbhiḥ

:n
1 asminniti kha.. , cha.. , ja.. ca
2 namrañceti gha.. , ña.. ca
:p 401
adhikaṃ bhramaṇaṃ tasya tasmādvedhyāt prakīrtitam /AP_249.017ab/
lakṣyaṃ sa yojayettatra patripatragataṃ dṛḍham

bhrāntaṃ pracalitañcaiva sthiraṃ yacca bhavediti /AP_249.018ab/
samantāttāḍayed bhindyācchedayedvyathayedapi

karmayogavidhānajño jñātvaivaṃ vidhimācaret /AP_249.019ab/
manasā cakṣuṣā dṛṣṭyā yogaśikṣuryamaṃ jayet