Agni Purana · Chapter 250

:e ity āgneye mahāpurāṇe dhanurvede
nāmonapañcāśadadhikadviśatatamo 'dhyāyaḥ ||
% Chapter {250}
:ś atha pañcāśadadhikadviśatatamo 'dhyāyaḥ
dhanurvedakathanam
agnir uvāca
jitahasto jitamatirjitadṛglakṣyasādhakaḥ /AP_250.001ab/
niyatāṃ siddhimāsādya tato vāhanamāruhet

daśahasto bhavet pāśo vṛttaḥ karamukhas tathā /AP_250.002ab/
guṇakārpāsamuñjānāṃ bhaṅgasnāyvarkavarmiṇām

anyeṣāṃ sudṛḍhānāñca sukṛtaṃ pariveṣṭitam /AP_250.003ab/
tathā triṃśatsamaṃ pāśaṃ budhaḥ kuryāt suvartitam

kartavyaṃ śikṣakaistasya sthānaṃ kakṣāsu vai tadā /AP_250.004ab/
vāmahastena saṅgṛhya dakṣiṇenoddharettataḥ

kuṇḍalasyākṛtiṃ kṛtvā bhrāmyakaṃ mastakopari /AP_250.005ab/
:p 402
kṣipet tūrṇamaye tūrṇaṃ puruṣe carmaveṣṭite(1)

valgite ca plute caiva tathā pravrajiteṣu ca /AP_250.006ab/
samayogavidhiṃ kṛtvā(2) prayuñjīta suśikṣitam

vijitvā tu yathānyāyaṃ tato bandhaṃ samācaret /AP_250.007ab/
kaṭyāmbaddhvā tataḥ khaḍgaṃ vāmapārśvāvalambitam

dṛḍhaṃ vigṛhya vāmena niṣkarṣeddakṣiṇena tu /AP_250.008ab/
ṣaḍaṅgulaparīṇāhaṃ saptahastasamucchritaṃ

ayomayyaḥ śalākāś ca varmāṇi vividhāni ca /AP_250.009ab/
ardhahaste same caiva tiryagūrdhvagataṃ tathā

yojayedvidhinā yena tathātvaṅgadataḥ śṛṇu /AP_250.010ab/
tūṇacarmāvanaddhāṅgaṃ sthāpayitvā navaṃ dṛḍhaṃ

kareṇādāya lagūḍaṃ dakṣiṇāṅgulakaṃ navaṃ /AP_250.011ab/
udyamya ghātayedyasya nāśastena śiśordṛḍhaṃ

ubhābhyāmatha hastābhyāṃ kuryāttasya nipātanaṃ /AP_250.012ab/
akleśena tataḥ kurvan badhe siddhiḥ prakīrtitā

vāhānāṃ śramakaraṇaṃ pracārārthaṃ purā tava