Agni Purana · Chapter 240

:e ity āgneye mahāpurāṇe ṣāḍguṇyaṃ nāma
ekonacatvārtiṃśadadhikadviśatatamo 'dhyāyaḥ ||
:n
1 ubhayorityādiḥ, svayaṃ vrajedityantaḥ pāṭhaḥ ja.. pustake
nāsti
2 balotkaramiti ga.. , gha.. , ja.. , ña.. ca
:p 369
% Chapter {240}
:ś atha catvāriṃśadadhikadviśatatamo 'dhyāyaḥ
samādiḥ
rāma uvāca
prabhavotsāhaśaktibhyāṃ mantraśaktiḥ praśasyate /AP_240.001ab/
prabhāvotsāhavān kāvyo jito devapurodhasā

mantrayeteha kāryāṇi nānāptair nāvipaścitā /AP_240.002ab/
aśakyārambhavṛttīnāṃ kutaḥ kleśādṛte phalaṃ

avijñātasya vijñānaṃ vijñātasya ca niś cayaḥ /AP_240.003ab/
arthadvaidhasya sandehacchedanaṃ śeṣadarśanaṃ

sahāyāḥ sādhanopāyā vibhāgo deśakālayoḥ /AP_240.004ab/
vipatteś ca pratīkāraḥ pañcāṅgo mantra iṣyate(1)

manaḥprasādaḥ śraddhā ca tathā karaṇapāṭavaṃ /AP_240.005ab/
sahāyotthānasampacca karmaṇāṃ siddhilakṣaṇaṃ

madaḥ pramādaḥ kāmaś ca suptapralapitāni ca /AP_240.006ab/
bhindanti mantraṃ pracchannāḥ kāminyo ramatāntathā

pragalbhaḥ smṛtimānvāgmīśastre śāstre ca niṣṭhitaḥ /AP_240.007ab/
abhyastakarmā nṛpaterdūto bhaviturmarhati

nisṛṣṭārtho mitārthaś ca tathā śāsanahārakaḥ(2) /AP_240.008ab/
sāmarthyāt pādato hīno dūtastu trividhaḥ smṛtaḥ

nāvijñātaṃ puraṃ śatroḥ praviśecca na śaṃsadaṃ /AP_240.009ab/
:n
1 naya iṣyate iti kha.. , gha.. ca
2 śāsanaśāsaka iti kha.. , cha.. ca
:p 370
kālamīkṣeta kāryārthamanujñātaś ca niṣpatet

chidrañca śatrorjānīyāt koṣamitrabalāni ca /AP_240.010ab/
rāgāparāgau jānīyād dṛṣṭigātraviceṣṭitaiḥ(1)

kuryāccaturvidhaṃ stortraṃ pakṣayorubhayorapi /AP_240.011ab/
tapasvivyañjanopetaiḥ sucaraiḥ(2) saha saṃvaset

caraḥ prakāśo dūtaḥ syādaprakāśaś caro dvidhā /AP_240.012ab/
baṇik kṛṣībalo liṅgī bhikṣukādyātmakāś carāḥ

yāyādariṃ vyasaninaṃ niṣphale(3) dūtaceṣṭite /AP_240.013ab/
prakṛtavyasanaṃ yatsyāttat samīkṣya samutpatet

anayādvyasyati śreyastasmāttadvyasanaṃ smṛtaṃ /AP_240.014ab/
hutāśano jalaṃ vyādhirdurbhikṣaṃ marakaṃ tathā

iti pañcavidhaṃ daivaṃ vyasanaṃ mānuṣaṃ paraṃ /AP_240.015ab/
daivaṃ puruṣakāreṇa śāntyā ca praśamannayet

utthāpitena nītyā ca mānuṣaṃ vyasanaṃ haret /AP_240.016ab/
mantro mantraphalāvāptiḥ kāryānuṣṭhānamāyatiḥ

āyavyayau daṇḍanītiramitrapratiṣedhanaṃ /AP_240.017ab/
vyasanasya pratīkāro rājyarājābhirakṣaṇaṃ

ityamātyasya karmedaṃ hanti savyasanānvitaḥ /AP_240.018ab/
hiraṇyadhānyavastrāṇi vāhanaṃ prajayā bhavet

tathānye dravyanicayā danti savyasanā prajā /AP_240.019ab/
prajānāmāpadisthānāṃ rakṣaṇaṃ koṣadaṇḍayoḥ

:n
1 dṛṣṭivaktraviceṣṭitair iti ga.. , gha.. , cha.. , jha.. , ña.. ca
2 svacarair iti ja..
3 viphale iti gha.. , jha.. , ña.. ca
:p 371
paurādyāścopakurvanti saṃśrayādiha durdinaṃ /AP_240.020ab/
tūṣṇīṃ yuddhaṃ janatrāṇaṃ mitrāmitraparigrahaḥ

sāmantādi kṛte doṣe naśyettadvyasanācca tat /AP_240.021ab/
bhṛtyānāṃ bharaṇaṃ dānaṃ prajāmitraparigrahaḥ

dharmakāmādibhedaś ca durgasaṃskārabhūṣaṇaṃ /AP_240.022ab/
koṣāttadvyasanāddhanti koṣamūlo hi bhūpatiḥ

mitrāmitrāvanīhemasādhanaṃ ripumardanaṃ /AP_240.023ab/
dūrakāryāśukāritvaṃ daṇḍāttadvyasanāddharet

sastambhayati mitrāṇi amitraṃ nāśayatyapi /AP_240.024ab/
dhanādyair upakāritvaṃ mitrāttadvyasanāddharet(1)

rājā savyasanī hanyādrājakāryāṇi yāni ca /AP_240.025ab/
vāgdaṇḍayoś ca pāruṣyamarthadūṣaṇameva ca

pānaṃ strī mṛgayā dyūtaṃ vyasanāni mahīpateḥ /AP_240.026ab/
ālasyaṃ stabdhatā darpaḥ pramādo dvaidhakāritā

iti pūrvopadiṣṭañca sacivavyasanaṃ smṛtaṃ /AP_240.027ab/
anāvṛṣṭiś ca pīḍādau rāṣṭravyasanamucyate

viśīrṇayantraprākāraparikhātvamaśastratā /AP_240.028ab/
kṣīṇayā senayā naddhaṃ durgavyasanamucyate

vyayīkṛtaḥ parikṣipto 'prajito 'sañcitas tathā /AP_240.029ab/
daṣito darasaṃsthaś ca koṣavyasanamucyate

uparuddhaṃ parikṣiptamamānitavimānitaṃ /AP_240.030ab/
:n
1 saṃstambhayatītyādiḥ, mitrāttadvyasanāddharedityantaḥ
pāṭhaḥ cha.puatake nāsti
:p 372
abhūtaṃ vyādhitaṃ śrāntaṃ dūrāyātannavāgataṃ

parikṣīṇaṃ pratihataṃ prahatāgratarantathā /AP_240.031ab/
āśānirvedabhūyiṣṭhamanṛtaprāptameva ca

kalatragarbhannikṣiptamantaḥśalpaṃ tathaiva ca /AP_240.032ab/
vicchinnavīvadhāsāraṃ śūnyamūlaṃ tathaiva ca

asvāmyasaṃhataṃ vāpi bhinnakūṭaṃ tathaiva ca /AP_240.033ab/
duṣpārṣṇigrāhamarthañca balavyasanamucyate

daivopapīḍitaṃ mitraṃ grastaṃ śatrubalena ca /AP_240.034ab/
kāmakrodhādisaṃyuktamutsāhādaribhirbhavet

arthasya dūṣaṇaṃ krodhāt pāruṣyaṃ vākyadaṇḍayoḥ /AP_240.035ab/
kāmajaṃ mṛgayā dyūtaṃ vyasanaṃ pānakaṃ striyaḥ

vākpāruṣyaṃ paraṃ loke udvejanamanarthakaṃ /AP_240.036ab/
asiddhasādhanaṃ daṇḍastaṃ yuktyānayennṛpaḥ

udvejayati bhūtāni daṇḍapāruṣyavān nṛpaḥ /AP_240.037ab/
bhūtānyudvejyamānāni dviṣatāṃ yānti saṃśrayaṃ

vivṛddhāḥ śatravaś caiva vināśāya bhavanti te /AP_240.038ab/
dūṣyasya dūṣaṇārthañca parityāgo mahīyasaḥ

arthasya nītitattvajñair arthadūṣaṇamucyate /AP_240.039ab/
pānāt kāryādino jñānaṃ mṛgayāto 'ritaḥ kṣayaḥ

jitaśramārthaṃ mṛgayāṃ vicaredrakṣite vane /AP_240.040ab/
dharmārthaprāṇamāśādi dyūte syāt kalahādikaṃ

kālātipāto dharmārthapī.rā strīvyasanādbhavet /AP_240.041ab/
pānadoṣāt prāṇanāśaḥ kāryākāryāviniś cayaḥ

:p 373
skandhāvāraniveśajño nimittajño ripuṃ jayet /AP_240.042ab/
skandhāvārasya madhye tu sakoṣaṃ nṛpatergṛhaṃ

maulībhūtaṃ śreṇisuhṛddviṣadāṭavikaṃ balaṃ /AP_240.043ab/
rājaharmyaṃ samāvṛtya krameṇa viniveśayet(1)

sainyaikadeśaḥ sannaddhaḥ senāpatipuraḥsaraḥ /AP_240.044ab/
paribhrameccatvarāṃś ca maṇḍalena vahir niśi

vārtāḥ svakā vijānīyāddarasīmāntacāriṇaḥ /AP_240.045ab/
nirgacchet praviśeccaiva sarva evopalakṣitaḥ

sāmadānaṃ ca bhedaś ca daṇḍopekṣendrajālakaṃ /AP_240.046ab/
māyopāyāḥ sapta pare nikṣipetsādhanāya tān

caturvidhaṃ smṛtaṃ sāma upakārānukīrtanāt /AP_240.047ab/
mithaḥsambanhdakathanaṃ mṛdupūrvaṃ ca bhāṣaṇaṃ

āyāte darśanaṃ vācā tavāhamiti cārpaṇaṃ /AP_240.048ab/
yaḥ samprāptadhanotsarga uttamādhamamadhyamaḥ

pratidānaṃ tadā tasya gṛhītasyānumodanaṃ /AP_240.049ab/
dravyadānamapūrvaṃ ca svayaṅgrāhapravartanaṃ(2)

deyaś ca pratimokṣaś ca dānaṃ pañcavidhaṃ smṛtaṃ /AP_240.050ab/
sneharāgāpanayanasaṃharṣotpādanaṃ tathā

mitho bhedaś ca bhedajñair bhedaś ca trividhaḥ smṛtaḥ /AP_240.051ab/
badho 'rthaharaṇaṃ caiva parikleśastridhā damaḥ

prakāśaścāprakāśaś ca lokadviṣṭān prakāśataḥ /AP_240.052ab/
udvijeta hatair lokasteṣu piṇḍaḥ praśasyate

:n
1 pariveśayediti kha..
2 tathaiva supravartanamiti ja.. , ṭa.. ca
:p 374
viśeṣeṇopaniṣidyogair hanyācchastrādinā dviṣaḥ /AP_240.053ab/
jātimātraṃ dvijaṃ naiva hanyāt sāmottaraṃ vaśe

pralimpanniva cetāṃsi dṛṣṭvāsādhu pibanniva /AP_240.054ab/
grasannivāmṛtaṃ sāma prayuñjīta priyaṃ vacaḥ

mithyābhiśastaḥ śrīkāma āhūyāpratimānitaḥ /AP_240.055ab/
rājadveṣī cātikara ātmasambhāvitas tathā

vicchinnadharmakāmārthaḥ kruddho mānī vimānitaḥ /AP_240.056ab/
akāraṇāt parityaktaḥ kṛtavairo 'pi sāntvitaḥ

hṛtadravyakalatraś ca pūjārho 'pratipūjitaḥ /AP_240.057ab/
etāṃstu bhedayecchatrau sthitānnityān suśaṅkitān

āgatān pūjayet kāmair nijāṃś ca praśamannayet /AP_240.058ab/
sāmadṛṣṭānusandhānamatyugrabhayadarśanaṃ

pradhānadānamānaṃ ca bhedopāyāḥ prakīrtitāḥ /AP_240.059ab/
mitraṃ hataṃ kāṣṭhamiva ghuṇajagdhaṃ viśīryate

triśaktirdeśakālajño daṇḍenāstaṃ nayedarīn /AP_240.060ab/
maitrīpradhānaṃ kalyāṇabuddhiṃ sāntvena sādhayet

lubdhaṃ kṣīṇañca dānena mitrānanyonyaśaṅkayā /AP_240.061ab/
daṇḍasya darśanādduṣṭān putrabhrātādi sāmataḥ

dānabhedaiś camūmukhyān yodhān(1) janapadadikān /AP_240.062ab/
sāmāntāṭavikān bhedadaṇḍābhyāmaparāddhakān

devatāpratimānantu pūjayāntargatair naraiḥ /AP_240.063ab/
pumān strīvastrasaṃvīto niśi cādbhutadarśanaḥ

:n
1 dānabhedaiś caiva mukhyān paurāniti ja..
:p 375
vetālolkāpiśācānāṃ śivānāṃ ca svarūpakī /AP_240.064ab/
kāmato rūpadhāritvaṃ śastrāgnyaśmāmbuvarṣaṇaṃ

tamo 'nilo 'nalo megha iti māyā hy amānuṣī /AP_240.065ab/
jaghāna kīcakaṃ bhīma āsthitaḥ strīrūpatāṃ

anyāye vyasane yuddhe pravṛttasyānivāraṇaṃ /AP_240.066ab/
upekṣeyaṃ smṛtā bhrātopekṣitaś ca hiḍimbayā

meghāndhakāravṛṣṭyagniparvatādbhutadarśanaṃ /AP_240.067ab/
darasthānaṃ ca sainyānāṃ darśanaṃ dhvajaśālināṃ

chinnapāṭitabhinnānāṃ saṃsṛtānāṃ ca darśanaṃ /AP_240.068ab/
itīndrajālaṃ dviṣatāmbhotyarthamupakalpayet