Agni Purana · Chapter 238

:e ity āgneye mahāpurāṇe rāmoktanītirnāma
saptatriṃśadadhikadviśatatamo 'dhyāyaḥ ||
% Chapter {238}
:ś athāṣṭatriṃśadadhikaśatatamo 'dhyāyaḥ
rājadharmāḥ
rāma uvāca
svāmyamātyañca rāṣṭrañca durgaṃ koṣo balaṃ suhṛt /AP_238.001ab/
parasparopakārīdaṃ saptāṅgaṃ rājyamucyate

:n
1 svasamṛddhiṣvityādiḥ, mīnavratacariṣṇutetyantaḥ ja.. pustake
nāsti
:p 361
rājyāṅgānāṃ varaṃ rāṣṭraṃ sādhanaṃ pālayet sadā(1) /AP_238.002ab/
kulaṃ śīlaṃ vayaḥ sattvaṃ dākṣiṇyaṃ kṣiprakāritā

avisaṃvāditā satyaṃ vṛddhasevā kṛtajñatā /AP_238.003ab/
daivasampannatā buddhirakṣudraparivāratā

śakyasāmantatā caiva tathā ca dṛḍhabhaktitā(2) /AP_238.004ab/
dīrghadarśitvamutsāhaḥ śucitā sthūlalakṣitā

vinītatvaṃ dhārmikatā sādhoś ca nṛpaterguṇāḥ /AP_238.005ab/
prakhyātavaṃśamakrūraṃ lokasaṅgrāhiṇaṃ śuciṃ

kurvītātsahitāṅkṣī paricāraṃ mahīpatiḥ /AP_238.006ab/
vāgmī pragalbhaḥ smṛtimānudagro balavān vaśī

netā daṇḍasya nipuṇaḥ kṛtaśilpaparigrahaḥ(3) /AP_238.007ab/
parābhiyogaprasahaḥ sarvaduṣṭapratikriyā(4)

pravṛttānvavekṣī ca(5) sandhivigrahatattvavit /AP_238.008ab/
gūḍhamantrapracārajño deśakālavibhāgavit

ādātā samyagarthānāṃ viniyoktā ca pātravit /AP_238.009ab/
krodhalobhabhayadrohadambhacāpalavarjitaḥ

paropatāpapaiśūnyamātsaryerṣānṛtātigaḥ /AP_238.010ab/
vṛddhopadeśasampannaḥ śakto madhuradarśanaḥ

guṇānurāgasthitimānātmasampadguṇāḥ smṛtāḥ /AP_238.011ab/
kulīnāḥ śucayaḥ śūrāḥ śrutavanto 'nurāgiṇaḥ(6)

:n
1 svāmyamātyetyādiḥ, pālayet sadetyantaḥ pāṭhaḥ ga.. pustake
nāsti
2 tadvacca dṛḍhabhaktiteti ga..
3 kṛtaśilpaḥ svavagraha iti gha.. , ña.. ca
4 sarvaduṣṭapratigraha iti kha.. , gha.. , cha.. ca
5 paracchidrānvavekṣī ceti gha.. , ña.. ca
6 guṇavanto 'nugāmina iti ga..
:p 362
daṇḍanīteḥ prayoktāraḥ sacivāḥ syurmahīpateḥ /AP_238.012ab/
suvigraho jānapadaḥ kulaśīkakalānvitaḥ

vāgmī pragalbhaś cakṣuṣmānutsāhī pratipattimān /AP_238.013ab/
stambhacāpalahīnaś ca maitraḥ kleśasahaḥ śuciḥ

satyasattvadhṛtisthairyaprabhāvārogyasaṃyutaḥ /AP_238.014ab/
kṛtaśilpaś ca(1) dakṣaś ca prajñāvān dhāraṇānvitaḥ

dṛḍhabhaktirakartā ca vairāṇāṃ sacivo bhavet /AP_238.015ab/
smṛtistatparatārtheṣu cittajño jñānaniś cayaḥ(2)

dṛḍhatā mantraguptiś ca mantrisampat prakīrtitā /AP_238.016ab/
trayyāṃ ca daṇḍanītyāṃ ca kuśalaḥ syāt purohitaḥ

atharvadevavihitaṃ kuryācchāntikapauṣṭikaṃ /AP_238.017ab/
sādhutaiṣāmamātyānāṃ tadvidyaiḥ saha buddhimān

cakṣuṣmattāṃ ca śilpañca parīkṣeta guṇadvayaṃ(3) /AP_238.018ab/
svajanebhyo vijānīyāt kulaṃ sthānamavagrahaṃ

parikarmasu dakṣañca vijñānaṃ dhārayiṣṇutāṃ /AP_238.019ab/
guṇatrayaṃ parīkṣeta prāgalabhyaṃ prītitāṃ tathā(4)

kathāyogeṣu buddhyeta vāgmitvaṃ satyavāditāṃ /AP_238.020ab/
utasāhaṃ ca prabhāvaṃ ca tathā kleśasahiṣṇutāṃ(5)

dhṛtiṃ caivānurāgaṃ ca sthairyañcāpadi lakṣayet /AP_238.021ab/
bhaktiṃ maitrīṃ ca śaucaṃ ca jānīyādvyavahārataḥ

:n
1 kṛtaśīlaśceti ja..
2 cintako jñānaniś caya iti ga..
3 parīkṣeta guṇatrayamiti ja..
4 pratibhāṃ tatheti ja..
5 svajanebhya ity ādiḥ, kleśasahiṣṇutāmityantaḥ pāṭhaḥ cha..
pustake nāsti
:p 363
saṃvāsibhyo balaṃ sattvamārogyaṃ śīlameva ca(1) /AP_238.022ab/
astabdhatāmacāpalyaṃ vairāṇāṃ cāpyakīrtanaṃ

pratyakṣato vijānīyād bhadratāṃ kṣudratāmapi /AP_238.023ab/
phalānumeyāḥ sarvatra parokṣaguṇavṛttayaḥ

śasyākaravatī puṇyā khanidravyasamanvitā /AP_238.024ab/
gohitā bhūrisalilā puṇyair janapadair yutā

ramyā sakuñjarabalā vāristhalapathānvitā /AP_238.025ab/
adevamātṛkā ceti śasyate bhūribhūtaye

śūdrakāruvaṇikprāyo mahārambhaḥ kṛṣī balaḥ /AP_238.026ab/
sānurāgo ripudveṣī pīḍāsahakaraḥ pṛthuḥ

nānādeśyaiḥ samākīrṇo dhārmikaḥ paśumān balī /AP_238.027ab/
īdṛkjanapadaḥ śasto 'mūrkhavyasanināyakaḥ(2)

pṛthusīmaṃ mahākhātamuccaprākāratoraṇaṃ(3) /AP_238.028ab/
puraṃ samāvasecchailasarinmaruvanāśrayaṃ

jalavaddhānyadhanavaddurgaṃ kālasahaṃ mahat /AP_238.029ab/
audakaṃ pārvataṃ vārkṣamairiṇaṃ dhanvinaṃ ca ṣaṭ

īpsitadravyasampūrṇaḥ pitṛpaitāmahocitaḥ /AP_238.030ab/
dharmārjito vyayasahaḥ koṣo dharmādivṛddhaye

pitṛpaitāmaho vaśyaḥ saṃhato dattavetanaḥ /AP_238.031ab/
vikhyātapauruṣo janyaḥ kuśulaḥ śakunair vṛtaḥ

nānāprahaṇopeto nānāyuddhaviśāradaḥ /AP_238.032ab/
:n
1 sattvamārogyaṃ kulameva ceti ja..
2 makhyavyasananāyaka iti ga..
3 uccaprakāragopuramiti gha.. , ña.. ca
:p 364
nānāyodhasamākīrṇau nīrājitahayadvipaḥ

pravāsāyāsaduḥkheṣu yuddheṣu ca kṛtaśramaḥ /AP_238.033ab/
advaidhakṣatriyaprāyo daṇḍo daṇḍavatāṃ mataḥ

yogavijñānasattvārūḍhyaṃ mahāpakṣaṃ priyamvadaṃ /AP_238.034ab/
āyātikṣamamadvaidhaṃ mitraṃ kurvīta satkulaṃ(1)

dūrādevābhigamanaṃ spaṣṭārthahṛdayānugā /AP_238.035ab/
vāk satkṛtya pradānañca trividho mitrasaṅgrahaḥ

dharmakāmārthasaṃyogo mitrāttu trividhaṃ phalaṃ /AP_238.036ab/
aurasaṃ tatra sannaddhaṃ(2) tathā vaṃśakramāgataṃ

rakṣitaṃ vyasanebhyaś ca mitraṃ jñeyaṃ caturvidhaṃ /AP_238.037ab/
mitre guṇāḥ satyatādyāḥ samānasukhadukhatā

vakṣye 'nujīvināṃ vṛtte sevī seveta bhūpatiṃ /AP_238.038ab/
dakṣatā bhadratā dārḍhyaṃ kṣāntiḥ kleśasahiṣṇutā

santoṣaḥ śīlamutsāho maṇḍayatyanujīvinaṃ /AP_238.039ab/
yathākālamupāsīta rājānaṃ sevako nayāt

parasthānagamaṃ krauryamauddhatyaṃ matsarantyajet /AP_238.040ab/
vigṛhya kathanaṃ bhṛtyo na kuryāj jyāyasā saha

guhyaṃ marma ca mantrañca na ca bhartuḥ prakāśayet /AP_238.041ab/
raktād vṛttiṃ samīheta viraktaṃ santyajennṛpaṃ

akārye pratiṣedhaś ca kārye cāpi pravartanaṃ /AP_238.042ab/
saṅkṣepāditi sadvṛttaṃ bandhumitrānujīvināṃ

:n
1 mitraṃ kurvīta satkriyamiti ja..
2 tatra sambaddhamiti ga..
:p 365
ājīvyaḥ sarvasattvānāṃ rājā parjanyavadbhavet /AP_238.043ab/
āyadvāreṣu cāptyarthaṃ dhanaṃ cādadatīti ca

kuryādudyogasampannānadhyakṣān sarvakarmasu /AP_238.044ab/
kṛṣirvaṇikpatho durgaṃ setuḥ kuñjarabandhanaṃ

khanyākarabalādānaṃ śūnyānāṃ ca niveśanaṃ /AP_238.045ab/
aṣṭavargamimaṃ rājā sādhuvṛtto 'nupālayet

āmuktikebhyaś caurebhyaḥ paurebhyo rājavallabhāt /AP_238.046ab/
pṛthivīpatilobhācca prajānāṃ pañcadhā bhayaṃ

avekṣyaitadbhayaṃ kāle ādadīta karaṃ nṛpaḥ /AP_238.047ab/
abhyantaraṃ śarīraṃ svaṃ vāhyaṃ rāṣṭrañca(1) rakṣayet(2)

daṇḍāṃsta daṇḍayedrājā svaṃ rakṣecca viṣāditaḥ /AP_238.048ab/
striyaḥ putrāṃś ca śatrubhyo viśvasenna kadācana