Agni Purana · Chapter 237

:e ity agneye mahāpurāṇe śrīstotraṃ nāma
ṣaṭtriṃśadadhikadviśatatamo 'dhyāyaḥ ||
% Chapter {237}
:ś atha saptatriṃśadadhikadviśatatamo 'dhyāyaḥ
rāmoktanītiḥ
agnir uvāca
nītiste puṣkaroktā tu rāmoktā lakṣmaṇāya yā /AP_237.001ab/
jayāya tāṃ pravakṣyāmi śṛṇu dharmādivardhanīṃ

rāma uvāca
nyānenārjanamarthasya vardhanaṃ rakṣaṇaṃ caret /AP_237.002ab/
satpātrapratipattiś ca rājavṛttaṃ caturvidhaṃ

nayasya vinayo mūlaṃ vinayaḥ śāstraniś cayāt /AP_237.003ab/
vinayo hīndriyajayastair yuktaḥ pālayenmahīṃ

śāstraṃ prajñā dhṛtirdākṣyaṃ prāgalbhyaṃ dhārayiṣṇutā /AP_237.004ab/
utsāho vāgmitaudāryamāpatkālasahiṣṇutā(1)

prabhāvaḥ śucitā maitrī tyāgaḥ satyaṃ kṛtajñatā /AP_237.005ab/
kulaṃ śīlaṃ samaśceti guṇāḥ sampattihetavaḥ

prakīrṇaviṣayāraṇye dhāvantaṃ vipramāthinaṃ /AP_237.006ab/
:n
1 vāgimatā dārḍhyamāpatkālasahiṣṇuteti kha.. , gha.. , ja.. , jha.. ca
:p 359
jñānāṅkuśena kurvīta vaśyamindriyadantinaṃ

kāmaḥ krodhas tathā lobho harṣo māno madas tathā /AP_237.007ab/
ṣaḍvargamutsṛjedenamasmiṃstyakte sukhī nṛpaḥ

ānvīkṣikīṃ trayīṃ vārtāṃ daṇḍanītiṃ ca pārthivaḥ /AP_237.008ab/
tadvaidyaistatkriyopaitaiścintatayedvinayānvitaḥ

ānvīkṣikyārthavijñānaṃ dharmādharmau trayīsthitau /AP_237.009ab/
arthānarthau tu vārtāyāṃ daṇḍanītyāṃ nayānayau

ahiṃsā sūnṛtā vāṇī satyaṃ śaucaṃ dayā kṣamā /AP_237.010ab/
varṇināṃ liṅgināṃ caiva sāmānyo dharma ucyate

prajāḥ samanugṛhṇīyāt kuryādācārasaṃsthitiṃ /AP_237.011ab/
vāk sūnṛtā dayā dānaṃ hīnopagatarakṣaṇaṃ(1)

iti vṛttaṃ satāṃ sādhuhitaṃ satpuruṣavrataṃ /AP_237.012ab/
ādhivyādhiparītāya adya śvo vā vināśine

ko hi rājā śarīrāya dharmāpetaṃ samācaret /AP_237.013ab/
na hi svamukhamanvicchan(2) pīḍayet kṛpaṇaṃ janaṃ

kṛpaṇaḥ pīḍyamāno hi manyunā hanti pārthivaṃ /AP_237.014ab/
kriyate 'bhyarhaṇīyāya svajanāya yathāñjaliḥ

tataḥ sādhutaraḥ kāryo durjanāya śivarthinā /AP_237.015ab/
priyamevābhidhātavyaṃ satsu nityaṃ dviṣatsu ca

devāste priyavaktāraḥ paśavaḥ krūravādinaḥ /AP_237.016ab/
śucirāstikyapūtātmā pūjayeddevatāḥ sadā

:n
1 dīnopagatarakṣaṇamiti kha.. , gha.. , cha.. , ja.. , ña.. , ṭa.. ca
2 svamukhamanvicchuriti kha.. , cha.. ca
:p 360
devatāvat gurujanamātmavacca suhṛjjanaṃ /AP_237.017ab/
praṇipātena hi guruṃ sato 'mṛṣānuceṣṭitaiḥ

kurvītābhimukhān bhṛtyair devān sukṛtakarmaṇā /AP_237.018ab/
sadbhāvena harenmitraṃ sambhrameṇa ca bāndhavān

strībhṛtyān premadānābhyāṃ dākṣiṇyetaraṃ janaṃ /AP_237.019ab/
anindā parakṛtyeṣu svadharmaparipālanaṃ

kṛpaṇeṣu dayālutvaṃ sarvatra madhurā giraḥ /AP_237.020ab/
prāṇair apyupakāritvaṃ mitrāyāvyabhicāriṇe

gṛhāgate pariṣvaṅgaḥ śaktyā dānaṃ sahiṣṇutā /AP_237.021ab/
svasamṛddhiṣvanutsekaḥ paravṛddhiṣvamatsaraḥ

aparopatāpi vacanaṃ maunavratacariṣṇutā(1) /AP_237.022ab/
bandhabhirbaddhasaṃyogaḥ svajane caturaśratā

ucitānuvidhāyitvamiti vṛttaṃ mahātmanāṃ //23