Agni Purana · Chapter 236

raṇādīkṣā mayoktā te jayāya nṛpaterdhruvā /AP_235.066ab/
:e ity āgneye mahāpurāṇe raṇadīkṣā nāma
pañcatriṃaśadhikadviśatatamo 'dhyāyaḥ ||
:n
1 dharmaniṣṭho jayo nitya iti kha.. , cha.. ca
2 devān viprān gurūn yajediti gha.. , ja.. , ña.. ca
:p 356
% Chapter {236}
:ś atha ṣaṭtriṃśadadhikadviśatatamo 'dhyāyaḥ
śrīstotraṃ
puṣkara uvāca
rājyalakṣmīsthiratvāya yathendreṇa purā śriyaḥ /AP_236.001ab/
stutiḥ kṛtā tathā rājā jayārthaṃ stutimācaret

indra uvāca
namasye sarvalokānāṃ(1) jananīmabdhisambhavāṃ(2) /AP_236.002ab/
śriyamunnindrapadmākṣīṃ viṣṇuvakṣaḥsthalasthitāṃ

tvaṃ siddhistvaṃ svadhā svāhā sudhā tvaṃ lokapāvani /AP_236.003ab/
sandhayā rātriḥ prabhā bhūtirmedhā śraddhā sarasvatī

yajñavidyā mahāvidyā guhyavidyā ca śobhane /AP_236.004ab/
ātmavidyā ca devi tvaṃ vimuktiphaladāyinī

ānvīkṣikī trayī vārtā daṇḍanītistvameva ca /AP_236.005ab/
saumyā saumyair jagadrūpaistvayaitaddevi pūritaṃ

kā tvanyā tvāmṛte devi sarvayajñamayaṃ vapuḥ /AP_236.006ab/
adhyāste deva devasya yogicintyaṃ gadābhṛtaḥ

tvayā devi parityaktaṃ sakalaṃ bhuvanatrayaṃ /AP_236.007ab/
vinaṣṭaprāyamabhavat tvayedānīṃ samedhitaṃ

dārāḥ putrās tathāgāraṃ suhṛddhānyadhanādikaṃ /AP_236.008ab/
bhavatyetanmahābhāge nityaṃ tvadvīkṣaṇān nṛṇāṃ

:n
1 sarvabhūtānāmiti gha.. , ja.. , ña.. ca
2 javanīmambusambhavāmiti ja..
:p 357
śarīrārogyamaiśvaryamaripakṣakṣayaḥ sukhaṃ(1) /AP_236.009ab/
devi tvaddṛṣṭidṛṣṭānāṃ puruṣāṇāṃ na durlabhaṃ

tvamambā sarvabhūtānāṃ devadevo hariḥ pitā /AP_236.010ab/
tvayaitadvoiṣṇunā cāmba jagadvyāptaṃ carācaraṃ

mānaṃ koṣaṃ tathā koṣṭhaṃ mā gṛhaṃ mā paricchadaṃ /AP_236.011ab/
mā śarīraṃ kalatrañca tyajethāḥ sarvapāvani

mā putrānmāsuhṛdvargānmā paśūnmā vibhūṣaṇaṃ /AP_236.012ab/
tyajethā mama devasya(2) viṣṇorvakṣaḥsthalālaye(3)

sattvena satyaśaucābhyāṃ tathā śīlādibhirguṇaiḥ /AP_236.013ab/
tyajante te narā sadyaḥ santyaktā ye tvayāmale

tvayāvalokitāḥ sadyaḥ śīlādyair akhilair guṇaiḥ /AP_236.014ab/
kulaiśvaryaiś ca yujyante puruṣā nirguṇā api

sa ślāghyaḥ sa guṇī dhanyaḥ sa kulīnaḥ sa buddhimān /AP_236.015ab/
sa śūraḥ sa ca vikrānto yastvayā devi vīkṣitaḥ

sadyo vaiguṇyamāyānti śīlādyāḥ sakalā guṇāḥ /AP_236.016ab/
parāṅmukhī jagaddhātrī yasya tvaṃ viṣṇuvallabhe

na te varṇayituṃ śaktā guṇān jihvāpi vedhasaḥ /AP_236.017ab/
prasīda devi padmākṣi nāsmāṃstyākṣīḥ kadācana

puṣkara uvāca
evaṃ stutā dadau śrīś ca varamindrāya cepsitaṃ /AP_236.018ab/
susthiratvaṃ ca rājyasya saṅgrāmavijayādikaṃ

:n
1 kṣayaḥ svayamiti kha.. , ga.. , gha.. , jha.. ca / kṣayaḥ śubhamiti
cha..
2 devadevasyeti ṭa..
3 vakṣaḥsthalāśraye iti kha.. , ga.. , gha.. , ña.. ca
:p 358
svastotrapāṭhaśravaṇakartṝṇāṃ bhuktimuktidaṃ /AP_236.019ab/
śrīstotraṃ satataṃ tasmāt paṭhecca śṛṇuyānnaraḥ