Agni Purana · Chapter 231

:e ity āgneye mahāpurāṇe śakunāni nāma triṃśadadhikadviśatatamo
'dhyāyaḥ ||
:n
1 punnāmāstathetyādiḥ, pippīkā ity antaḥ pāṭho 'smallabdheṣu
navapustakeṣu prāyaḥ samāna eva / teṣāmekatamasyāpi sāhāyyena
śodhituṃ na sa śakyate / abhidhānādiṣvapi tatratyaśabdo nopalabhyante /
atastatra viratiḥ
:p 338
% Chapter {231}
:ś athaikatriṃśadadhikadviśatatamo 'dhyāyaḥ
śakunāni
puṣkara uvāca
viśanti yena mārgeṇa vāyasā bahavaḥ puraṃ /AP_231.001ab/
tena mārgeṇa ruddhasya purasya grahaṇaṃ bhavet

senāyāṃ yadi vāsārthe niviṣṭo vāyaso ruvan /AP_231.002ab/
vāmo bhayāturastrasto bhayaṃ vadati dustaraṃ(1)

chāyāṅgavāhanopānacchatravastrādikuṭṭane /AP_231.003ab/
mṛtyustatpūjane pūjā tadiṣṭakaraṇe śubhaṃ

proṣitāgamakṛtkākaḥ kurvan dvāri gatāgataṃ /AP_231.004ab/
raktaṃ dagdhaṃ gṛhe dravyaṃ kṣipanvahnivedakaḥ

nyasedraktaṃ purastācca nivedayati bandhanaṃ /AP_231.005ab/
pītaṃ dravyaṃ tathā rukma rūpyameva tu bhārgava

yaccaivopanayed dravyaṃ tasya labdhiṃ vinirdiśet /AP_231.006ab/
dravyaṃ vāpanayedyattu tasya hāniṃ vinirdiśet

purato dhanalabdhiḥ syādāmamāṃsasya chardane /AP_231.007ab/
bhūlabdhiḥ syān mṛdaḥ kṣepe rājyaṃ ratnārpaṇe mahat

yātuḥ kāko 'nukūlastu kṣemaḥ karmakṣamo bhavet /AP_231.008ab/
na tvarthasādhako jñeyaḥ pratikūlo bhayāvahaḥ

sammukhe 'bhyeti viruvan yātrāghātakaro bhavet /AP_231.009ab/
vāmaḥ kākaḥ smṛto dhanyo dakṣiṇo 'rthavināśakṛt(2)

:n
1 duṣkaramiti kha.. , cha ca
2 dakṣiṇo 'nnavināśakṛditi ga.. , gha.. , ña.. ca
:p 339
vāmo 'nulomagaḥ śreṣṭho madhyamo dakṣiṇaḥ smṛtaḥ /AP_231.010ab/
pratilomagatirvāmo gamanapratiṣedhakṛt

nivedayati yātrārthamabhipretaṃ gṛhe gataḥ(1) /AP_231.011ab/
ekākṣaracaraṇastvarkaṃ vīkṣamāṇo bhayāvahaḥ

koṭare vāsamānaś ca mahānarthakaro bhavet /AP_231.012ab/
na śubhastūṣare kākaḥ paṅkāṅkaḥ sa tu śasyate

amedhyapūrṇavadanaḥ kākaḥ sarvārthasādhakaḥ(2) /AP_231.013ab/
jñeyāḥ patatriṇo 'nye 'pi kākavad bhṛgunandana

skandhāvārāpasavyasthāḥ śvāno vipravināśakāḥ /AP_231.014ab/
indrasthāne narendrasya pureśasya tu gopure

antargṛhe gṛheśasya maraṇāya bhavedbhaṣan /AP_231.015ab/
yasya jighrati vāmāṅgaṃ tasya syādarthasiddhaye

bhayāya dakṣiṇaṃ cāṅgaṃ tathā bhujamadakṣiṇaṃ /AP_231.016ab/
yātrāghātakaro yāturbhavet pratimukhāgataḥ

mārgāvarodhako mārge caurān vadati bhārgava /AP_231.017ab/
alābho 'sthimukhaḥ pāpo rajjucīramukhas tathā

sopānatkamukho dhanyo māṃsapūrṇamukho 'pi ca /AP_231.018ab/
amaṅgalyamukhadravyaṃ keśañcaivāśubhaṃ tathā

avamūtryāgrato yāti yasya tasya bhayaṃ bhavet /AP_231.019ab/
yasyāvamūtrya vrajati śubhaṃ deśantathā drumaṃ

:n
1 nanvarthasādhaka ity ādiḥ, gṛhe gata ity antaḥḥ pāṭhaḥ ṭa..
pustake nāsti
2 koṭare ity ādiḥ sarvārthasādhaka ity antaḥ pāṭhaḥ ṭa..pustake
nāsti
:p 340
maṅgalañca tathā dravyaṃ tasya syādarthasiddhaye /AP_231.020ab/
śvavacca rāma vijñeyās tathā vai jambukādayaḥ

bhayāya svāmini jñeyamanimittaṃ rutaṅgavāṃ /AP_231.021ab/
niśi caurabhayāya syādvikṛtaṃ mṛtyave tathā

śivāya svāmino rātrau balīvardo nadan bhavet /AP_231.022ab/
utsṛṣṭavṛṣabho rājño vijayaṃ samprayacchati

abhayaṃ bhakṣayantyaś ca gāvo dattās tathā svakāḥ /AP_231.023ab/
tyaktasnehāḥ svavatseṣu garbhakṣayakarā matāḥ

bhūmiṃ pādair vinighnantyo dīnā bhītā bhayāvahāḥ /AP_231.024ab/
ārdrāṅgyo hṛṣṭaromāś ca śṛgalagnamṛdaḥ śubhāḥ

mahiṣyādiṣu cāpyetat sarvaṃ vācyaṃ vijānatā /AP_231.025ab/
ārohaṇaṃ tathānyena saparyāṇasya(1) vājinaḥ

jalopaveśanaṃ neṣṭaṃ bhūmau ca parivartanaṃ /AP_231.026ab/
vipatkaranturaṅgasya suptaṃ vāpyanimittataḥ

yavamodakayordveṣastvakasmācca na śasyate /AP_231.027ab/
vadanādrudhirotpattirvepanaṃ na ca śasyate

krīḍan vaikaḥ kapotaiś ca sārikābhirmṛtiṃ vadet /AP_231.028ab/
sāśrunetro jihvayā ca pādalehī vinaṣṭaye(2)

vāmapādena ca tathā vilikhaṃś ca vasundharāṃ /AP_231.029ab/
svapedvā vāmapārśvena divā vā na śubhapradaḥ

bhayāya syāt sakṛnmūtrī tathā nidrāvilānanaḥ /AP_231.030ab/
:n
1 saparyārhasyeti sādhuḥ
2 vināśakṛditi ja.. , ṭa.. ca
:p 341
ārohaṇaṃ na ceddadyāt pratīpaṃ vā gṛhaṃ vrajet

yātrāvighātamācaṣṭe vāmapārśvaṃ tathā spṛśan /AP_231.031ab/
heṣamāṇaḥ śatruyodhaṃ pādasparśī jayāvahaḥ

grāme vrajati nāgaścen maithunaṃ deśahā bhavet /AP_231.032ab/
prasūtā nāgavanitā mattā cāntāya bhūpateḥ

ārohaṇaṃ na ceddadyāt pratīpaṃ vā gṛhaṃ vrajet /AP_231.033ab/
madaṃ vā vāraṇo jahyādrājaghātakaro bhavet

vāmaṃ dakṣiṇapādena pādamākramate śubhaḥ /AP_231.034ab/
dakṣiṇañca tathā dantaṃ parimārṣṭi kareṇa ca

vṛṣo 'śvaḥ kuñjaro vāpi ripusainyagato 'śubhaḥ /AP_231.035ab/
khaṇḍameghātivṛṣṭyā tu senā nāśamavāpnuyāt

pratikūlagraharkṣāttu tathā sammukhamārutāt(1) /AP_231.036ab/
yātrākāle raṇe vāpi chatrādipatanaṃ bhayaṃ

hṛṣṭā narāścānulomā grahā vai jayalakṣaṇaṃ /AP_231.037ab/
kākair yodhābhibhavanaṃ kravyādbhirmaṇḍalakṣayaḥ

prācīpaścimakaiśānī śaumyā preṣṭhā śubhā ca dik