Agni Purana · Chapter 232

:e ity āgneye mahāpurāṇe śakunāni nāma
ekatriṃśadadhikadviśatatamo 'dhyāyaḥ ||
:n
1 vāmaṃ dakṣiṇetyādiḥ, sammukhamārutādityantaḥ pāṭhaḥ
jha.. pustake nāsti
:p 342
% Chapter {232}
:ś atha dvātriṃśadadhikadviśatatamo 'dhyāyaḥ
yātrāmaṇḍalacintādiḥ
puṣkara uvāca
sarvayātrāṃ pravakṣyāmi rājadharmasamāśrayāt /AP_232.001ab/
astaṅgate nīcagate vikale ripurāśige

pratilome ca vidhvaste śukre yātrāṃ visarjayet(1) /AP_232.002ab/
pratilome budhe yātrāṃ dikpatau ca tathā ca grahe

vaidhṛtau ca vyatīpāte nāge ca śakunau tathā /AP_232.003ab/
catuṣpāde ca kintughne tathā yātrāṃ vivarjayet

vipattāre naidhane ca pratyarau cātha janmani /AP_232.004ab/
gaṇḍe vivarjayedyātrāṃ riktāyāñca tithāvapi

udīcī ca tathā prācī(2) tayoraikyaṃ prakīrtitaṃ /AP_232.005ab/
paścimā dakṣiṇā yā dik tayoraikyaṃ tathaiva ca

vāyvagnidiksamudbhūtaṃ parighanna tu laṅghayet /AP_232.006ab/
ādityacandraśaurāstu divasāś ca na śobhanāḥ

kṛttikādyāni pūrveṇa maghādyāni ca yāmyataḥ /AP_232.007ab/
maitrādyānyapare cātha vāsavādyāni vāpyudak

sarvadvārāṇi śastāni chāyāmānaṃ vadāmi te /AP_232.008ab/
āditye viṃśatirjñeyāś candre ṣoḍaśa kīrtitāḥ

bhaume pañcadaśaivoktāś caturdaśa tathā budhe /AP_232.009ab/
:n
1 vivarjayet iti kha.. , ga.. , gha.. , ña.. ca
2 dik pūrvā yā tathodīcīti ja..
:p 343
trayodaśa tathā jīye śukre dvādaśa kīrtitāḥ

ekādaśa tathā saure sarvakarmasu kīrtitāḥ /AP_232.010ab/
janmalagne śakracāpe sammukhe na vrajennaraḥ

śakunādau śubhe yāyājjayāya harimāsmaran /AP_232.011ab/
vakṣye maṇḍalacintānte kartavyaṃ rājarakṣaṇaṃ

svāmyamātyaṃ tathā durgaṃ koṣo daṇḍastathaiva ca /AP_232.012ab/
mitrañjanapadaś caiva rājyaṃ saptāṅgamucyate

saptāṅgasya tu rājyasya vighnakartṝn vināśayet /AP_232.013ab/
maṇḍaleṣu ca sarveṣu vṛddhiḥ kāryā mahīkṣitā

ātmamaṇḍalamevātra prathamaṃ maṇḍalaṃ bhavet /AP_232.014ab/
sāmantāstasya vijñeyā ripavo maṇḍalasya tu

upetastu suhṛj jñeyaḥ śatrumitramataḥ paraṃ /AP_232.015ab/
mitramitraṃ tato jñeyaṃ mitramitraripustataḥ

etatpurastāt kathitaṃ paścādapi nibodha me /AP_232.016ab/
pārṣṇigrāhastataḥ paścāttatastvākranda ucyate(1)

āsārastu tato 'nyaḥ syādākrandāsāra ucyate /AP_232.017ab/
jigīṣoḥ śatruyuktasya vimuktasya tathā dvija

nātrāpi niś cayaḥ śakyo vaktuṃ manujapuṅgava /AP_232.018ab/
nigrahānugrahe śakto madhyasthaḥ parikīrtitaḥ

nigrahānugrahe śaktaḥ sarveṣāmapi yo bhavet /AP_232.019ab/
udāsīnaḥ sa kathito balavān pṛthivīpatiḥ

:n
1 maṇḍaleṣu ca sarveṣu sureśvarasamā hi te ity ardhaśloka
āsārastvityasya pūrvaṃ ṭa.. pustake vartate, parantvasaṃlagnaḥ
:p 344
na kasyacidripurmitraṅkāraṇācchatrumitrake /AP_232.020ab/
maṇḍalaṃ tava samproktametad dvādaśarājakaṃ

trividhā ripavo jñeyāḥ kulyānantarakṛtrimāḥ /AP_232.021ab/
pūrvapūrvo gurusteṣāṃ duścikitsyatamo mataḥ

anantaro 'pi yaḥ śatruḥ so 'pi me kṛtrimo mataḥ /AP_232.022ab/
pārṣṇigrāho bhavecchatrormitrāṇi ripavas tathā

pārṣṇigrāhamupāyaiś ca śamayecca tathā svakaṃ /AP_232.023ab/
mitreṇa śatrorucchedaṃ praśaṃsanti purātanāḥ

mitrañca śatrutāmeti sāmantatvādanantaraṃ /AP_232.024ab/
śatruṃ jigoṣurucchindyāt(1) svayaṃ śaknoti cedyadi

pratāpavṛddhau tenāpi nāmitrājjāyate bhayaṃ /AP_232.025ab/
yathāsya nodvijelloko viśvāsaś ca yathā bhavet