Agni Purana · Chapter 23

:e ity ādimahāpurāṇe āgneye snānavidhikathanaṃ nāma
dvāviṃśodhyāyaḥ
% Chapter {23}
:ś atha trayoviṃśodhyāyaḥ
pūjāvidhikathanaṃ
nārada uvāca
vakṣye pūjāvidhiṃ viprā yat kṛtvā sarvamāpnuyāt /AP_23.001ab/
prakṣālitāṅghrirācamya vāgyataḥ kṛtarakṣakaḥ

:n
1 dhyāyaṃ hariṃ devamiti gha.cihnitapustakapāṭhaḥ
:p 56
prāṅmukhaḥ svastikaṃ baddhvā padmādyaparameva ca /AP_23.002ab/
yaṃ vījaṃ nābhimadhyasthaṃ dhūmraṃ caṇḍānilātmakaṃ

viśeṣayedaśeṣantu(1) dhyāyet kāyāttu kalmaṣaṃ /AP_23.003ab/
kṣauṃ hṛtpaṅkajamadhyasthaṃ vījaṃ tejonidhiṃ smaran

adhordhvatiryaggābhistu jvālābhiḥ kalmaṣaṃ dahet /AP_23.004ab/
śaśāṅkākṛtivaddhyāyedambarasthaṃ sudhāmbubhiḥ

hṛtpadmavyāpibhirdehaṃ svakamāplāvayetsudhīḥ(2) /AP_23.005ab/
susumnāyonimārgeṇa sarvanāḍīvisarpibhiḥ

śodhayitvā nyasettattvaṃ karaśuddhirathāstrakaṃ /AP_23.006ab/
vyāpakaṃ hastayorādau dakṣiṇāṅguṣṭhatoṅgakaṃ

mūlaṃ dehe dvādaśāṅgaṃ nyasenmantrair dviṣaṭkakaiḥ /AP_23.007ab/
hṛdayaṃ ca śiraś caiva śikhā varmāstralocane

udaraṃ ca tathā pṛṣṭhaṃ bāhurujānupādakaṃ /AP_23.008ab/
mudrāṃ dattvā smaret viṣṇuṃ japtvāṣṭaśatamarcayet

vāme tu vardhanīṃ nyasya pūjādravyaṃ tu dakṣiṇe /AP_23.009ab/
prakṣālyāstreṇa cārghyeṇa gandhapuṣpānvite nyaset

caitanyaṃ sarvagaṃ jyotiraṣṭajaptena vāriṇā /AP_23.010ab/
phaḍantena tu saṃsicya haste dhyātvā hariṃ pare(3)

dharmaṃ jñānaṃ ca vairāgyamaiśvaryaṃ vahnidiṅmukhāḥ /AP_23.011ab/
adharmādīni gātrāṇi pūrvādau yogapīṭhake

kūrmaṃ pīṭhe hy anantañca yamaṃ(4) sūryādimaṇḍalaṃ /AP_23.012ab/
:n
1 viśoṣayedaśeṣantu iti ṅa, cihnitapustakapāṭhaḥ
2 svakāmān dāhayet sudhīḥ iti kha, cihnitapustakapāṭhaḥ
svakamāhlādayet sudhīriti ṅa, cihnitapustakapāṭhaḥ
3 sthalaṃ tena tu saṃsicya haste dhyātvā hariṃ paṭhediti ṅa,
cihnitapustakapāṭhaḥ
4 padmamiti kha, ga, ṅa, cihnitapustakatrayapāṭhaḥ
:p 57
vimalādyāḥ keśarasthānugrahā karṇikā sthitā

pūrvaṃ svahṛdaye dhyātvā āvāhyārcaiś ca maṇḍale /AP_23.013ab/
arghyaṃ pādyaṃ tathācāmaṃ madhuparkaṃ punaś ca tat

snānaṃ vastropavītañca bhūṣaṇaṃ gandhapuṣpakaṃ /AP_23.014ab/
dhūpadīpanair vedyāni puṇḍarīkākṣavidyayā

yajedaṅgāni pūrvādau dvāri pūrve pareṇḍajaṃ /AP_23.015ab/
dakṣe cakraṃ gadāṃ saumye koṇe śaṅkhaṃ dhanurnyaset

devasya vāmato dakṣe ceṣudhī khaḍgameva ca /AP_23.016ab/
vāme carma śriyaṃ(1) dakṣe puṣṭiṃ vāmegrato nyaset

vanamālāñca śrīvatsakaustubhau dikpatīnvahiḥ /AP_23.017ab/
svamantraiḥ pūjayet sarvān viṣṇurarghovasānataḥ(2)

vyastena ca samastena aṅgair vījena vai yajet /AP_23.018ab/
japtvā pradakṣiṇīkṛtya stuttvārdhyañca samarpya ca

hṛdaye vinyaseddhyātvā ahaṃ brahma haristviti /AP_23.019ab/
āgacchāvāhane yojyaṃ kṣamasveti visarjane

evamaṣṭākṣarādyaiś ca pūjāṃ kṛtvā vimuktibhāk /AP_23.020ab/
ekamūrtyarcanaṃ proktaṃ navavyūhārcanaṃ śṛṇu

aṅguṣṭhakadvaye nyasya vāsudevaṃ balādikān /AP_23.021ab/
tarjanyādau śarīretha śirolalāṭavaktrake

hṛnnābhiguhyajānvaṅghrau madhye pūrvādikaṃ yajet(3) /AP_23.022ab/
ekapīṭhaṃ navavyūhaṃ navapīṭhañca pūrvavat

:n
1 vāme varma śriyamiti kha, cihnitapustakapāṭhaḥ
2 asmallabdhapustakeṣu viṣṇurarghovasānata iti viṣṇāvarghau ca
mānataḥ iti ca pāṭho vartate / ayansvasamīcīna iva pratibhāti
viṣṇumarghyāsanādibhiriti tu yuktaḥ pāṭhaḥ
3 madhyagulphāditaḥ pisphaca iti ṅa, cihnitapustakapāṭhaḥ
:p 58
navābje navamūrtyā ca navavyūhañca pūrvavat /AP_23.023ab/
iṣṭaṃ madhye tataḥ sthāne vāsudevañca pūjayet