Agni Purana · Chapter 22

:e ity ādimahāpurāṇe āgneye vāsudevādipūjākathanaṃ nāma
ekaviṃśatitamo 'dhyāyaḥ
% Chapter {22}
:ś atha dvāviṃśo 'dhyāyaḥ
snānavidhikathanaṃ
nārada uvāca
vakṣye snānaṃ kriyādyarthaṃ nṛsiṃhena tu mṛttikāṃ /AP_22.001ab/
gṛhītvā tāṃ dvidhā kṛtvā manaḥsnānamathaikayā

nimajyācamya vinyasya siṃhena kṛtarakṣakaḥ(2) /AP_22.002ab/
:n
1 hrīṃ tvaritāyai, hrīṃ aiṃ klīṃ sau tripurā iti kha,
cihnitapustakapāṭhaḥ
2 kṛtarakṣaṇa iti gha, cihnitapustakapāṭhaḥ
:p 55
vidhisnānaṃ tataḥ kuryāt prāṇāyāmapuraḥsaraṃ

hṛdi dhyāyan harijñānaṃ(1) mantreṇāṣṭākṣareṇa hi /AP_22.003ab/
tridhā pāṇitale mṛtsnāṃ digbandhaṃ siṃhajaptataḥ

vāsadevaprajaptena tīrthaṃ saṅkalpya cālabhet /AP_22.004ab/
gātraṃ vedādinā mantraiḥ sammārjyārādhya mūrtinā

kṛtvāghamarṣaṇaṃ vastraṃ paridhāya samācaret /AP_22.005ab/
vinyasya mantrair dvirmārjya pāṇisthaṃ jalameva ca

nārāyaṇena saṃyamya vāyumāghrāya cotsṛjet /AP_22.006ab/
jalaṃ dhyāyan hariṃ paścāddatvārghyaṃ dvādaśākṣaraṃ

japtvānyāñchataśastasya yogapīṭhāditaḥ kramāt /AP_22.007ab/
mantrān dikpālaparyantānṛṣīn pitṛgaṇānapi

manuṣyān sarvabhūtāni sthāvarāntānyathāvaset /AP_22.008ab/
nyasya cāṅgāni saṃhṛtya mantrānyāgagṛhaṃ vrajet
evamanyāsu pūjāsu mūlādyaiḥ snānamācaret