Agni Purana · Chapter 223

:e ity āgneye mahāpurāṇe rājadharmo nāma
dvāviṃśatyadhikadviśatatamo 'dhyāyaḥ ||
% Chapter {223}
:ś atha trayoviṃśatyadhikadviśatatamo 'dhyāyaḥ
rājadharmāḥ
puṣkara uvāca
vakṣye 'ntaḥpuracintāṃ ca dharmādyāḥ puruṣārthakāḥ /AP_223.001ab/
anyonyarakṣayā teṣāṃ sevā kāryā striyā nṛpaiḥ

:n
1 māsenaikeneti cha.. , ja.. ca
:p 312
dharmamūlo 'rthaviṭapas tathā karmaphalo mahān /AP_223.002ab/
trivargapādapastatra rakṣayā phalabhāgaṃ bhavet

kāmādhīnāḥ(1) striyo rāma tadarthaṃ ratnasaṅgrahaḥ /AP_223.003ab/
sevyāstā nātisevyāś ca bhūbhujā viṣayaiṣiṇā

āhāro maithunannidrā sevyā nāti hi rug bhavet /AP_223.004ab/
mañcādhikāre(2) kartavyāḥ striyaḥ sevyāḥ svarāmikāḥ(3)

duṣṭānyācarate(4) yā tu nābinandati tatkathāṃ /AP_223.005ab/
aikyaṃ dviṣadbhirvrajati garvaṃ vahati coddhatā

cumbitā mārṣṭi vadanaṃ dattanna bahu manyate /AP_223.006ab/
svapityādau prasuptāpi tathā paścādvibudhyate

spṛṣṭā dhunoti gātrāṇi gātrañca viruṇaddhi yā /AP_223.007ab/
īṣacchṛṇoti vākyāni priyāṇyapi parāṅmukhī

na paśyatyagradattantu jaghanañca nigūhati /AP_223.008ab/
dṛṣṭe vivarṇavadanā mitreṣvatha parāṅmukhī(5)

tatkāmitāsu ca strīsu madhyastheva ca lakṣyate /AP_223.009ab/
jñātamaṇḍanakālāpi na karoti ca maṇḍanaṃ

yā sā viraktā tāntyaktvā sānurāgāṃ striyambhajet(6) /AP_223.010ab/
dṛṣṭvaiva hṛṣṭā bhavati vīkṣite ca parāṅmukhī

:n
1 kāmādharā iti gha.. , ña.. ca
2 lajjādhikāre iti kha.. , cha.. ca
3 suvāsikā iti ka..
4 dviṣṭānyācakṣate iti ña..
5 na paśyatyagradattantvityādiḥ, mitreṣvatha parāṅmukhītyantaḥ
pāṭhaḥ ja.. pustake nāsti
6 striyaṃ vrajediti gha.. , ña.. ca
:p 313
dṛśyamanā tathānyatra dṛṣṭiṃ kṣipati cañcalāṃ /AP_223.011ab/
tathāpyupāvartayituṃ naiva śaknotyaśeṣataḥ

vivṛṇīti tathāṅgāni svasyā guhyāni bhārgava /AP_223.012ab/
garhitañca tathaivāṅgaṃ prayatnena nigūhati

taddarśane ca kurute bālāliṅganacumbanaṃ /AP_223.013ab/
ābhāṣyamāṇā bhavati satyavākyā tathaiva ca

spṛṣṭā pulakitair aṅgaiḥ svedenaiva ca bhujyate /AP_223.014ab/
karoti ca tathā rāma sulabhadravyayācanaṃ

tataḥ svalpamapi prāpya karoti paramāṃ mudaṃ /AP_223.015ab/
nāmasaṅkīrtanādeva muditā bahu manyate

karajāṅkāṅkitānyasya phalāni preṣayatyapi /AP_223.016ab/
tatpreṣitañca hṛdaye vinyasatyapi cādarāt

āliṅganaiś ca gātrāṇi limpatīvāmṛtena yā /AP_223.017ab/
supte svapityathādau ca tathā tasya vibudhyate

urū spṛśati cātyarthaṃ suptañcainaṃ vibudhyate /AP_223.018ab/
kapitthacūrṇayogena tathā daghnaḥ srajā tathā

ghṛtaṃ sugandhi bhavati dugdhaiḥ kṣiptais tathā yavaiḥ /AP_223.019ab/
bhojyasya kalpanaivaṃ syādgandhamuktiḥ pradarśyate

śaucamācamanaṃ rāma tathaiva ca virecanaṃ /AP_223.020ab/
bhāvanā caiva pākaś ca bodhanaṃ dhūpanantathā

vāsanañcaiva nirdiṣṭaṃ karmāṣṭakamidaṃ smṛtaṃ /AP_223.021ab/
kapitthabilvajamvāmrakaravīrakapallavaiḥ

kṛtvodakantu yaddravyaṃ śaucitaṃ śaucanantu tat /AP_223.022ab/
:p 314
teṣāmabhāve śaucantu mṛgadarpāmbhasā bhavet

nakhaṃ kuṣṭhaṃ ghanaṃ māṃsī spṛkkaśaileyajaṃ jalaṃ /AP_223.023ab/
tathaiva kuṅkumaṃ lākṣā candanāgurunīradaṃ(1)

saralaṃ devakāṣṭhañca(2) karpūraṃ kāntayā saha /AP_223.024ab/
bālaḥ kundurukaś caiva gugguluḥ śrīnivāsakaḥ

saha sarjarasenaivaṃ dhūpadravyaikaviṃśatiḥ /AP_223.025ab/
dhūpadravyagaṇādasmādekaviṃśādyathecchayā

dve dve dravye samādāya sarjabhāgair niyojayet /AP_223.026ab/
nakhapiṇyākamalayaiḥ saṃyojya madhunā tathā

dhūpayogā bhavantīha yathāvat svecchayā kṛtāḥ /AP_223.027ab/
tvacannāḍīṃ phalantailaṃ kuṅkumaṃ granthi pravartakaṃ(3)

śaileyantagaraṃ krāntāṃ colaṅkarpūrameva ca(4) /AP_223.028ab/
māṃsīṃ surāñca kuṣṭhañca snānadravyāṇi nirdiśet

etebhyastu samādāya dravyatrayamathecchayā /AP_223.029ab/
mṛgadarpayutaṃ snānaṃ kāryaṃ kandarpavardhanaṃ

tvaṅmurānaladaistulyair vālakārdhasamāyutaiḥ /AP_223.030ab/
snānamutpalagandhi syāt satailaṃ kuṅkumāyate

jātīpuṣasugandhi syāt tagarārdhena yojitaṃ /AP_223.031ab/
saddhyāmakaṃ syādvakulaistulyagandhi manoharaṃ

:n
1 candanāguruśailajamiti kha.. , cha.. ca
2 devadāruśceti gha.. , ña.. ca
3 granthiparṇakamiti ga.. , gha.. , ña.. ca
4 saha sarjarasenetyādiḥ colaṃ karpūrameva cetyantaḥ pāṭhaḥ ṭa..
pustake nāsti
:p 315
mañjiṣṭhātagaraṃ colaṃ tvacaṃ vyaghranakhaṃ nakkhaṃ /AP_223.032ab/
gandhapatrañca vinyasya gandhatailaṃ bhavecchubhaṃ

tailaṃ nipīḍitaṃ rāma tilaiḥ puṣpādhivāsitaiḥ /AP_223.033ab/
vāsanāt puṣpasadṛśaṃ gandhena tu bhaved dhruvaṃ

elālavaṅgakakkolajātīphalaniśākarāḥ /AP_223.034ab/
jātīpatrikayā sārdhaṃ svatantrā mukhavāsakāḥ

karpūraṃ kuṅkumaṃ kāntā mṛgadarpaṃ hareṇukaṃ /AP_223.035ab/
kakkolailālavaṅgañca jātau kośakameva ca

tvakpatraṃ truṭimustau ca latāṃ kastūrikaṃ tathā /AP_223.036ab/
kaṇṭakāni lavaṅgasya phalapatre ca jātitaḥ

kaṭukañca(1) phalaṃ rāma kārṣikāṇyupakalpayet /AP_223.037ab/
taccūrṇe khadiraṃ sāraṃ dadyātturyaṃ tu vāsitaṃ(2)

sahakārarasenāsmāt kartavyā guṭikāḥ śubhāḥ(3) /AP_223.038ab/
mukha nyastāḥ sugandhāstā mukharogavināśanāḥ

pūgaṃ prakṣālitaṃ samyak pañcapallavavāriṇā /AP_223.039ab/
śaktyā tu guṭikādravyair vāsitaṃ mukhavāsakaṃ

kaṭukaṃ dantakāṣṭhañca gomūtre vāsitaṃ tryahaṃ /AP_223.040ab/
kṛtañca pūgavadrāma mukhasaugandhikārakaṃ

tvakpathyayoḥ samāvaṃśau śaśibhāgārdhasaṃyutau /AP_223.041ab/
nāgavallīsamo bhāti mukhavāso manoharaḥ

:n
1 kandukañceti kha.. , cha.. ca
2 dadyātturthaṃ tulonmitamiti ṭa.. , cha.. ca
3 kakkolailetyādiḥ guṭikāḥ śubhā ity antaḥ pāṭhaḥ gha.. , ja..
pustakadvaye nāsti
:p 316
evaṃ kuryāt sadā strīṇāṃ rakṣaṇaṃ pṛthivīpatiḥ /AP_223.042ab/
na cāsāṃ viśvasejjātu putramāturviśeṣataḥ

na svapet strīgṛhe rātrau viśvāsaḥ kṛtrimo bhavet