Agni Purana · Chapter 220

:e ity āgneye mahāpurāṇe abhiṣekamantrā
nāmonaviṃśatyadhikadviśatatamo 'dhyāyaḥ ||
:n
1 abhiṣiñcantu pānta ceti kha.. , ga.. , gha.. , ṅa.. , cha.. , ja.. , ña.. , ṭa..
ca
:p 301
% Chapter {220}
:ś atha viṃśatyadhikadviśatatamo 'dhyāyaḥ
sahāyasampattiḥ
puṣkara uvāca
so 'bhiṣiktaḥ sahāmātyo jayecchatrūnnṛpottamaḥ /AP_220.001ab/
rājñā senāpatiḥ kāryo brāhmaṇaḥ kṣatriyo 'tha vā

kulīno nītiśāstrajñaḥ pratīhāraś ca nītivit /AP_220.002ab/
dūtaś ca priyavādī syādakṣīṇo 'tibalānvitaḥ

tāmbūladhārī nā strī vā bhaktaḥ kleśasahapriyaḥ /AP_220.003ab/
sāndhivigrahikaḥ kāryaḥ ṣāḍguṇyādiviśāradaḥ

khaḍgadhārī rakṣakaḥ syātdārathiḥ syādbalādivit /AP_220.004ab/
sūdādhyakṣo hito vijño mahānasagato hi saḥ

sabhāsadastu dharmajñā lekhako 'kṣaraviddhitaḥ /AP_220.005ab/
āhvānakālavijñāḥ syurhitā dauvārikā janāḥ

ratnādijño dhanādhyakṣaḥ anudvāre hito naraḥ /AP_220.006ab/
syādāyurvedavidvaidyo gajadhyakṣo 'tha hayādivit

jitaśramo gajāroho hayādhyakṣo hayādivat /AP_220.007ab/
durgādhyakṣo hito dhīmān sthapatirvāstuvedavit

yantramukte pāṇimukte amukte muktadhārite /AP_220.008ab/
astrācāryo niyuddhe ca kuśalo nṛpaterhitaḥ

vṛddhaścāntaḥpurādhyakṣaḥ pañcāśadvārṣikāḥstriyaḥ /AP_220.009ab/
:p 302
saptatyavdāstu puruṣāś careyuḥ sarvakarmasu

jāgratsyādāyudhāgāre jñātvā vṛttirvidhīyate /AP_220.010ab/
uttamādhamamadhyāni buddhvā karmāṇi pārthivaḥ

uttamādhamamadhyāni puruṣāṇi niyojayet /AP_220.011ab/
jyecchuḥ pṛthivīṃ rājā sahāyānanayoddhitān

dharmiṣṭhān dharmakāyeṣu śūrān saṅgrāmakarmasu /AP_220.012ab/
nipuṇānarthakṛtyeṣu(1) sarvatra ca tathā śucīn

strīṣu ṣaṇḍānniyuñjīta tīkṣṇān dāruṇakarmasu /AP_220.013ab/
yo yatra vidito rājñā śucitvena tu tannaraṃ

dharme cārthe ca kāme ca niyuñjītādhame 'dhamān /AP_220.014ab/
rājā yathārhaṃ kuryācca upādhābhiḥ parīkṣitān

samantro ca yathānyāyāt kuryāddhastivanecarān /AP_220.015ab/
tatpadānveṣaṇe yattānadhyakṣāṃstatra kārayet

yasmin karmaṇi kauśalyaṃ yasya tasmin niyojayet /AP_220.016ab/
pitṛpaitāmahān bhṛtyān sarvakarmasu yojayet

vinā dāyādakṛtyeṣu tatra te hi samāgatāḥ /AP_220.017ab/
pararājagṛhāt prāptān janān saṃśrayakāmyayā(2)

duṣṭānapyatha vāduṣṭān saṃśrayeta prayatnataḥ /AP_220.018ab/
duṣṭaṃ jñātvā viśvasenna tadvṛttiṃ vartayedvaśe

deśāntarāgatān pārśve cāraijñātvā hi pūjayet /AP_220.019ab/
śatravo 'gnivarṣaṃ sarpo nistriṃśamapi caikataḥ

:n
1 ripananarthakṛtyeṣviti kha..
2 janānāśrayakāmyayeti kha..
:p 303
bhṛtyā vaśiṣṭaṃ vijñeyāḥ kubhṛṭyāś ca tathaikataḥ /AP_220.020ab/
cāracakṣurbhavedrājā niyuñjīta sadācarān

janasyāvihitān saumyāṃs tathājñātān parasparaṃ /AP_220.021ab/
vaṇijo mantrakuśalān sāṃvatsaracikitsakān

tathā pravrajitākārān balābalavivekinaḥ /AP_220.022ab/
naikasya rājā śraddadhyācchraddadhyād bahuvākyataḥ

rāgāparāgau bhṛtyānāṃ janasya ca guṇāguṇān /AP_220.023ab/
śubhānāmaśubhānāñca jñānaṅkuryādvaśāya ca

anurāgakaraṃ karma carejjahmādvirāgajaṃ /AP_220.024ab/
janānurāgayā lakṣmyā rājā syājjanarañjanāt