Agni Purana · Chapter 215

:e ity āgneye mahāpurāṇe mantramāhātmyaṃ nāma
caturdaśādhikadviśatatamo 'dhyāyaḥ ||
:p 281
% Chapter {215}
:ś atha pañcadaśādhikadviśatatamo 'dhyāyaḥ
sandhyāvidhiḥ
agnir uvāca
oṅkāraṃ yo vijānāti sa yogī sa hariḥ pumān /AP_215.001ab/
oṅkāramabhyasettasmānmṛnmantrasārantu sarvadaṃ

sarvamantraprayogeṣu praṇavaḥ prathamaḥ smṛtaḥ /AP_215.002ab/
tena samparipūrṇaṃ yattat pūrṇaṃ karma netarat

oṅkārapūrvikāstisro mahāvyāhṛtayo 'vyayāḥ /AP_215.003ab/
tripadā caiva sāvitrī vijñeyaṃ brahmaṇī mukhaṃ

yo 'dhīte 'hanyahanyetāstrīṇi varṣāṇyatantritaḥ /AP_215.004ab/
sa brahmaparamabhyeti vāyubhūtaḥ khamūrtimān

ekākṣaraṃ paraṃ brahma prāṇāyāmaparantapaḥ /AP_215.005ab/
sāvitryāstu parannāsti maunāt satyaṃ viśiṣyate

saptāvartā pāpaharā daśabhiḥ prāpayeddivaṃ /AP_215.006ab/
viṃśāvartā tu sā devī nayate hīśvarālayaṃ

aṣṭottaraśataṃ japtvā tīrṇaḥ saṃsārasāgarāt /AP_215.007ab/
rudrakuṣmāṇḍajapyebhyo gāyatrī tu viśiṣyate

na gāyatryāḥ parañjapyaṃ na vyāhṛtisamaṃ hutaṃ /AP_215.008ab/
gāyatryāḥ pādamapyardhamṛgardhamṛcameva vā

brahmahatyā surāpānaṃ suvarṇasteyameva ca /AP_215.009ab/
gurudārāgamaś caiva japyenaiva punāti sā

:p 282
pāpe kṛte tilair homo gāyatrījapa īritaḥ /AP_215.010ab/
japtvā sahasraṃ gāyatryā upavāsī sa pāpahā(1)

goghnaḥ pitṛghno mātṛghno brahmahā gurutalpagaḥ /AP_215.011ab/
brahmaghnaḥ svarṇahārī ca surāpo lakṣajapyataḥ

śudhyate vātha vā snātvā śatamantarjale japet /AP_215.012ab/
apaḥ śatena pītvā tu gāyatryāḥ pāpahā bhavet

śataṃ japtā tu gāyatrī pāpopaśamanī smṛtā /AP_215.013ab/
sahasraṃ śaptā sā devī upapātakanāśinī

abhīṣṭadā koṭijapyā devatvaṃ rājatāmiyāt /AP_215.014ab/
oṅkāraṃ pūrvamuccārya bhūrbhuvaḥ svastathaiva ca

gāyatrī praṇavaścānte jape caivamudāhṛtaṃ /AP_215.015ab/
viśvāmitra ṛṣicchando gāyatraṃ savitā tathā

devatopanaye japye viniyogo hute tathā /AP_215.016ab/
agnirvāyū ravirvidyut yamo jalapatirguruḥ

parjanya indro gandharvaḥ pūṣā ca tadanantaraṃ /AP_215.017ab/
mitro 'tha varuṇastvaṣṭā vasavo marutaḥ śaśī

aṅgirā viśvanāsatyau kas tathā sarvadevatāḥ /AP_215.018ab/
rudro brahmā ca viṣṇuś ca kramaśo 'kṣaradevatāḥ

gayatryā japakāle tu kathitāḥ pāpanāśanāḥ /AP_215.019ab/
pādāṅguṣṭhau ca gulphau ca nalakau jānunī tathā

jaṅghe śiśraś ca vṛṣaṇau kaṭir nābhistathodaraṃ /AP_215.020ab/
:n
1 upapātakapāpaheti ga.. , gha.. , ṅa.. ca
:p 283
stanau ca hṛdayaṃ grīvā mukhantālu ca nāsike

cakṣuṣī ca bhruvormadhyaṃ lalāṭaṃ pūrvamānanaṃ /AP_215.021ab/
dakṣiṇottarapārśve dve śira āsyamanukramāt

pītaḥ śyāmaś ca kapilo marakato 'gnisannibhaḥ /AP_215.022ab/
rukmavidyuddhūmrakṛṣṇaraktagaurendranīlabhāḥ

sphāṭikasvarṇapāṇḍvābhāḥ padmarāgo 'khiladyutiḥ(1) /AP_215.023ab/
hemadhūmraraktanīlaraktakṛṣṇasuvarṇabhāḥ

śuklakṛṣṇapālāśābhā(2) gāyatryā varṇakāḥ kramāt /AP_215.024ab/
dhyānakāle pāpaharā hutaiṣā sarvakāmadā

gāyatryā tu tilair homaḥ sarvapāpapraṇāśanaḥ /AP_215.025ab/
śāntikāmo yavaiḥ kuryādāyuṣkāmo ghṛtena ca

siddhārthakaiḥ karmasiddhyai payasā brahmavarcase /AP_215.026ab/
putrakāmas tathā dadhnā dhānyakāmastu śālibhiḥ

kṣīravṛkṣasamiddhistu grahapīḍopaśāntaye /AP_215.027ab/
dhanakāmas tathā bilvaiḥ śrīkāmaḥ kamalais tathā

ārogyakāmo dūrvābhirgurūtpāte sa eva hi /AP_215.028ab/
saubhāgyecchurguggulunā vidyārthī pāyasena ca

ayutenoktasiddhiḥ syāllakṣeṇa manasepsitaṃ /AP_215.029ab/
koṭyā brahmabadhān muktaḥ kuloddhārī harirbhavet

grahayajñamukho vāpi homo 'yutamukho 'rthakṛt /AP_215.030ab/
:n
1 padmarāgo 'maladyutiriti kha.. , cha.. , ja.. , ṭa.. ca
2 śuklapadmapalāśābheti ṅa.. , ña.. ca
:p 284
āvāhanañca gāyatryāstata oṅkāramabhyaset

smṛtvauṅkārantu gāyatryā nibadhnīyācchikhāntataḥ /AP_215.031ab/
punarācamya hṛḍayaṃ nābhiṃ skandhau ca saṃspṛśet

praṇavasya ṛṣirbrahmā gāyatrīcchanda eva ca /AP_215.032ab/
devo 'gniḥ paramātmā syādyogo vai sarvakarmasu

śuklā cāgnimukhī devyā kātyāyanasagotrajā /AP_215.033ab/
trailokyavaraṇā divyā pṛthivyādhārasaṃyutā

akṣarasūtradharā devī padmāsanagatā śubhā /AP_215.034ab/
oṃ tejo 'si maho 'si balamasi bhrājo 'si devānāndhāmanāmāsi / viśvamasi
viśvāyuḥ sarvamasi sarvāyuḥ oṃ abhi bhūḥ
āgaccha varade devi japye me sannidhau bhava

vyāhṛtīnāntu sarvāsāmṛṣireva prajāpatiḥ /AP_215.035ab/
vyastāś caiva samastāś ca brāhmamakṣaramomiti

viśvāmitro yamadagnirbharadvājo 'tha gotamaḥ /AP_215.036ab/
ṛṣiratrirvaśiṣṭhaś ca kāśyapaś ca yathākramaṃ

agnirvāyū raviś caiva vākpatirvaruṇas tathā /AP_215.037ab/
indro viṣṇurvyāhṛtīnāṃ daivatāni yathākramaṃ

gāyatryaṣṭiganuṣṭup ca vṛhatī paṅktireva ca /AP_215.038ab/
triṣṭup ca jagatī ceti chandāṃsyāhuranuktāmāt

viniyoge vyāhṛtīnāṃ prāṇāyāme ca homake /AP_215.039ab/
āpohiṣṭhetyṛcā cāpāndrupadādīti vā smṛtā(1)

:n
1 drupadādīni vāpyṛcā iti ṅa.. , ja.. , ña.. ca
:p 285
tathā hiraṇyavarṇābhiḥ pāvamānībhirantataḥ /AP_215.040ab/
vipruṣo 'ṣṭau kṣipedūrdhvamājanmakṛtapāpajit

antarjale ṛtañceti upettriraghamarṣaṇaṃ /AP_215.041ab/
āpohiṣṭhetyṛco 'syāś ca sindhudvīpa ṛṣiḥ smṛtaḥ

brahmasnānāya chando 'sya gāyatrī devatā jalaṃ /AP_215.042ab/
mārjane viniyogasya hayāvabhṛthake kratoḥ

aghamarṣaṇasūktasya ṛṣirevāghamarṣaṇaṃ /AP_215.043ab/
anuṣṭup ca bhavecchando bhāvavṛttastu daivataṃ

āpījyorīrasa iti gāyatryāstu śiraḥ smṛtaṃ /AP_215.044ab/
ṛṣiḥ prajāpatistasya chandohīnaṃ yajuryataḥ

brahmāgnivāyusūryāś ca devatāḥ parikīrtitāḥ /AP_215.045ab/
prāṇarodhāttu vāyuḥ syādvāyoragniś ca jāyate

agnerāpastataḥ śuddhistataścācamanañcaret /AP_215.046ab/
antaś carati bhūteṣu guhāyāṃ viśvamūrtiṣu

tapoyajñavaṣaṭkāra āpo jyotī raso 'mṛtaṃ /AP_215.047ab/
udutyaṃ jātavedasamṛṣiḥ praṣkanna ucyate

gāyatrīcchanda ākhyātaṃ sūryaś caiva tu daivatam /AP_215.048ab/
atirātre niyogaḥ syādagnīṣomo niyogakaḥ

citraṃ deveti ṛcake ṛṣiḥ kautsa udāhṛtaḥ /AP_215.049ab/
triṣṭup chando daivatañca sūryo 'syāḥ parikīrtitaṃ